О некоторых вопросах акционерного общества «Национальная компания «QazExpoCongress» Қолданыста

«QazExpoCongress» ұлттық компаниясы» акционерлік қоғамының кейбір мәселелері туралы «Мемлекеттік мүлік туралы» Қазақстан Республикасы Заңының 166-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. «QazExpoCongress» ұлттық компаниясы» акционерлік қоғамы (бұдан әрі – Қоғам) акцияларының мемлекеттік пакетіне 100 (жүз) пайыз мөлшерде иелік ету және пайдалану құқығы Қазақстан Республикасының Цифрлық даму, инновациялар және аэроғарыш өнеркәсібі министрлігіне берілсін.

2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен:

1) Қоғамның акцияларының мемлекеттік пакетіне иелік ету және оларды пайдалану құқықтарын Қазақстан Республикасының Цифрлық даму, инновациялар және аэроғарыш өнеркәсібі министрлігіне беруді қамтамасыз етсін;

2) осы қаулыдан туындайтын қажетті шараларды қабылдасын.

3. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

4. Осы қаулы 2025 жылғы 1 шілдеден бастап қолданысқа енгізіледі.

Қазақстан Республикасы Үкіметінің 2025 жылғы « » № қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістер мен толықтырулар

1. «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы № 659 қаулысында: көрсетілген қаулымен бекітілген Иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде: «Қазақстан Республикасының Цифрлық даму, инновациялар және аэроғарыш өнеркәсібі министрлігіне» деген бөлім мынадай мазмұндағы реттік нөмірі 376-6-жолмен толықтырылсын: «376-6. «QazExpoCongress» ұлттық компаниясы» акционерлік қоғамы.»; «Қазақстан Республикасының Сауда және интеграция министрлігіне» деген бөлімде: реттік нөмірі 400-1-жол алып тасталсын.

2. «Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2019 жылғы 17 маусымдағы № 17 және 2019 жылғы 1 шілдедегі № 46 жарлықтарын іске асыру жөніндегі шаралар туралы» Қазақстан Республикасы Үкіметінің 2019 жылғы 10 шілдедегі № 497 қаулысында: көрсетілген қаулымен бекітілген Қазақстан Республикасының Сауда және интеграция министрлігі туралы ережеде: Министрліктің және оның ведомстволарының қарамағындағы ұйымдардың тізбесінде: реттік нөмірі 2-жол алып тасталсын.

_____________________________