«Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңына, «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңына және «Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 43-1 бабына сәйкес Жалағаш аудандық мәслихаты ШЕШЕМІЗ:

1. «Аз қамтамасыз етілген азаматтарға тұрғын үйді ұстауға және коммуналдық қызметтің ақысын төлеуге арналған тұрғын үй көмегін беру Ережесін бекіту туралы» аудандық мәслихаттың 2007 жылғы 28 наурыздағы 733-7 шешіміне (нормативтік құқықтық актілерді мемлекеттік тіркеу тізілімінде №10-6-66 санымен тіркелген, «Жалағаш жаршысы» газетінің 2007 жылғы 21 сәуірдегі №31 санында жарияланған), аудандық мәслихаттың 2007 жылғы 19 желтоқсандағы №4-4 шешімімен өзгерістер мен толықтырулар енгізілген (нормативтік құқықтық актілерді мемлекеттік тіркеу тізілімінде № 10-6-85 санымен тіркелген, «Жалағаш жаршысы» газетінің 2008 жылғы 19 қаңтардағы №7 санында жарияланған) мынадай өзгерістер мен толықтырулар енгізілсін:
көрсетілген шешіммен бекітілген Ережедегі:
3-тармақтың екінші абзацы алынып тасталсын;
3-бөлімнің атауы мынадай редакцияда жазылсын:
«Бюджеттен өтелетін тұрғын үй көмегінің түрлері»;
3-бөлім мынадай мазмүндағы 15-1, 15-2, 15-3, 15-4 тармақтармен толықтырылсын:
«15-1. Қоқыс әкетуді қамтамасыз ету.
5-2. Канализация қызметін өтеу.
5-3. Қалалық телекоммуникация желісіне қосылған телефон үшін абоненттік ақыны ұлғайту бөлігіндегі байланыс қызметтерін тұтыну ақысы.
5-4. Жеке тұрғын үй қорындағы және жалға берілген тұрғын үйлердегі уйді пайдаланғаны үшін жалдау ақысы.»