Қазақстан Республикасының "Қазақстан Республикасындағы жергілікті мемлекеттік басқару туралы" Заңының 31-бабы 1-тармағының 14-тармақшасына сәйкес Қаратал ауданы әкімдігі ҚАУЛЫ ЕТЕДІ:

1. Аз қамтамасыз етілген, мемлекеттік атаулы әлеуметтік көмекті алушы отбасыларына жеке шаруашылыққа мал, тұқым сатып алуға, халықтық кәсіпті дамытуға, жеке меншік іс ашуға, оның ішінде кәсіптік оқудан өткендерге (бұдан әрі - әлеуметтік көмек) 150000 - 200000 теңге мөлшерінде берілуін қамтамасыз ету.

2. "Қаратал аудандық жұмыспен қамту және әлеуметтік бағдарламалар бөлімі" мемлекеттік мекемесі (Ш. Қаймолдина) мемлекеттік атаулы әлеуметтік көмек алушыға, әлеуметтік көмек алу үшін тұрғылықты мекен жайына қалалық, кенттік, ауылдық учаскелік комиссиясына әлеуметтік көмекті алу мақсаты, алынған қаржының қандай қызметтер түріне нақты жұмсалатынын өтініште көрсетіп, сондай-ақ әлеуметтік көмекті төлеу орталығында ашылған шотының нөмірін (екінші деңгейдегі банк филиалы немесе осы көрсетілген операцияларды жүзеге асыра алатын лицензиясы бар басқа ұйымдар) және келесі құжаттар ұсынылған жағдайда тағайындалуы мен төленуін қамтамасыз ету:
тұқым сатып алуға жер учаскесі бар екендігі туралы анықтама немесе жерді жалға алу туралы шарт;
халықтық кәсіпті дамытуға, жеке меншік іс ашу үшін негізделген есеп (бизнес жоспар). Кәсіби дайындықтан өткен жұмыссыздарға мамандық беру туралы куәліктің көшірмесін және үлгерім деңгейі мен бизнес-жоспардың табыстылық бағасы көрсетілген оқу орнының ұсынысын қосымша тапсырады;
"Қаратал аудандық жұмыспен қамту және әлеуметтік бағдарламалар бөлімі" мемлекеттік мекемесі, әлеуметтік көмекті алушы мен қалалық, кенттік, ауылдық учаскелік комиссиялар арасындағы үш жақты шарт.