О приостановлении действий некоторых структурных элементов приказа Министра юстиции Республики Казахстан от 1 февраля 2018 года № 171 «Об утверждении Правил осуществления контроля за деятельностью частных судебных исполнителей»
Деректемелер және дереккөз
- Толық атауы
- О приостановлении действий некоторых структурных элементов приказа Министра юстиции Республики Казахстан от 1 февраля 2018 года № 171 «Об утверждении Правил осуществления контроля за деятельностью частных судебных исполнителей»
- Атауы (қаз.)
- ««Жеке сот орындаушыларының қызметін бақылауды жүзеге асыру қағидаларын бекіту туралы» Қазақстан Республикасы Әділет министрінің 2018 жылғы 1 ақпандағы № 171 бұйрығының кейбір құрылымдық элементтерінің әрекеттерін тоқтата тұру туралы
- Акт түрі
- Бұйрық
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 339
- Қабылданған күні
- 10.04.2026
- Қолданысқа енгізілген күні
- 27.04.2026
- Көрсетілген редакция
- 11.08.2026 224105_838845.kaz
- Соңғы өзгеріс
- 11.08.2026
- Мәтін тілі
- қазақша
- НҚА мемлекеттік тіркеу нөмірі
- V2600038433
- ЭКБ идентификаторы
- 224105
- Редакция идентификаторы
- 224105_838845
- Бастапқы дереккөз
- ЭКБ zan.gov.kz (API)
- Деректер жаңартылды
- 18.09.2026 03:40
0 ««Жеке сот орындаушыларының қызметін бақылауды жүзеге асыру қағидаларын бекіту туралы» Қазақстан Республикасы Әділет министрінің 2018 жылғы 1 ақпандағы № 171 бұйрығының кейбір құрылымдық элементтерінің әрекеттерін тоқтата тұру туралы
📌 Ескерту. Күші жойылды - ҚР Әділет министрінің 11.08.2026 № 781 (25.08.2026 бастап қолданысқа енгізіледі) бұйрығымен.
«Құқықтық актілер туралы» Қазақстан Республикасы Заңының 46-бабы 1-тармағына сәйкес БҰЙЫРАМЫН:
1. Қазақстан Республикасы Әділет министрінің 2018 жылғы 1 ақпандағы № 171 бұйрығымен бекітілген Жеке сот орындаушыларының қызметін бақылауды жүзеге асыру қағидаларының (Нормативтік құқықтық актілерді мемлекеттік тіркеу тізілімінде № 16376 болып тіркелген) (бұдан әрі – Қағидалар) 3-1, 12, 13, 20-1 - тармақтарының, 22-тармағының екінші абзацының қолданысы 2026 жылғы 30 қазанға дейін тоқтатыла тұрсын.
2. 2026 жылғы 12 шілдеге дейін тоқтатыла тұру кезеңінде мыналар бекітілсін:
Қағидалардың 3-1-тармағы мынадай редакцияда қолданылады:
«3-1. Жеке сот орындаушыларының қызметіне бақылау «Атқарушылық іс жүргізудің мемлекеттік автоматтандырылған ақпараттық жүйесі» ақпараттық жүйесі (бұдан әрі – ақпараттық жүйе) арқылы жүзеге асырылады.»;
Қағидалардың 12 және 13-тармақтары мынадай редакцияда қолданылады:
«12. Жеке сот орындаушыларын жоспарлы бақылауды аумақтық әділет органының лауазымды тұлғасы (-лары) жүргізеді.
Қажет болған жағдайларда жоспарлы бақылауды уәкілетті орган басшылығының тапсырмасы бойынша уәкілетті органның қызметкері (лерінің) қатысуымен жүргізеді.
13. Жеке сот орындаушыларының қызметін жоспарлы бақылаудың нысанасы атқарушылық іс жүргізуді ақпараттық жүйе арқылы зерделеу және тексеру болып табылады.»;
Қағидалардың 20-1-тармағы мынадай редакцияда қолданылады:
«20-1. Бақылау жүргізген тұлғалар осы Қағидалардың 20-тармағында көрсетілген ақпаратты алғаннан кейін, бес жұмыс күні ішінде қорытындыда көрсетілген бұзушылықтарды жоюдың дұрыстығын ақпараттық жүйе арқылы салыстырады.»;
Қағидалардың 22-тармағының екінші абзацы мынадай редакцияда қолданылады:
«Қорытынды осы Қағидалардың 20-1-тармағында көзделген мерзім өткеннен кейін үш жұмыс күнінен кешіктірілмей Республикалық немесе аумақтылығы бойынша жеке сот орындаушыларының өңірлік палаталарының тәртіптік комиссиясының қарауына жіберіледі. Жеке сот орындаушыларының өңірлік палатасы ақпараттық жүйеде жеке сот орындаушысына қатысты тәртіптік жаза туралы мәліметтерді оның қолданылған күнінен бастап үш жұмыс күні ішінде жариялайды.».
3. 2026 жылғы 12 шілдеден бастап тоқтатыла тұру кезеңінде мыналар бекітілсін:
Қағидалардың 3-1-тармағы мынадай редакцияда қолданылады:
«3-1. Жеке сот орындаушыларының қызметіне бақылау «Атқарушылық іс жүргізудің мемлекеттік автоматтандырылған цифрлық жүйесі» цифрлық жүйесі (бұдан әрі – цифрлық жүйе) арқылы жүзеге асырылады.»;
Қағидалардың 12 және 13-тармақтары мынадай редакцияда қолданылады:
«12. Жеке сот орындаушыларын жоспарлы бақылауды аумақтық әділет органының лауазымды тұлғасы (-лары) жүргізеді.
Қажет болған жағдайда жоспарлы бақылауды уәкілетті орган басшылығының тапсырмасы бойынша уәкілетті органның қызметкері (лерінің) қатысуымен жүргізеді.
13. Жеке сот орындаушыларының қызметін жоспарлы бақылаудың нысанасы атқарушылық іс жүргізуді цифрлық жүйе арқылы зерделеу және тексеру болып табылады.»;
Қағидалардың 20-1-тармағы мынадай редакцияда қолданылады:
«20-1. Бақылау жүргізген тұлғалар осы Қағидалардың 20-тармағында көрсетілген ақпаратты алғаннан кейін, бес жұмыс күні ішінде қорытындыда көрсетілген бұзушылықтарды жоюдың дұрыстығын цифрлық жүйе арқылы салыстырады.»;
Қағидалардың 22-тармағының екінші абзацы мынадай редакцияда қолданылады:
«Қорытынды осы Қағидалардың 20-1-тармағында көзделген мерзім өткеннен кейін үш жұмыс күнінен кешіктірілмей Республикалық немесе аумақтылығы бойынша жеке сот орындаушыларының өңірлік палаталарының тәртіптік комиссиясының қарауына жіберіледі. Жеке сот орындаушыларының өңірлік палатасы цифрлық жүйеде жеке сот орындаушысына қатысты тәртіптік жаза туралы мәліметтерді оның қолданылған күнінен бастап үш жұмыс күні ішінде жариялайды.».