Солтүстік Қазақстан облысы Мамлют ауданының әкімдігі ҚАУЛЫ ЕТЕДІ:

1. «Солтүстік Қазақстан облысы Мамлют ауданы әкімдігінің ішкі саясат, мәдениет және тілдерді дамыту бөлімі» коммуналдық мемлекеттік мекемесінің ережесін бекіту туралы» Солтүстік Қазақстан облысы Мамлют ауданы әкімдігінің 2024 жылғы 1 сәуірдегі № 70 қаулысына келесі өзгерістер және толықтыру енгізілсін:
көрсетілген қаулымен бекітілген «Солтүстік Қазақстан облысы Мамлют ауданы әкімдігінің ішкі саясат, мәдениет және тілдерді дамыту бөлімі» коммуналдық мемлекеттік мекемесі туралы ережеде:
13-тармақ мынадай редакцияда жазылсын:
«13. Мақсаттары:
1) мынадай салаларда мемлекеттік саясатты қалыптастыру:
мәдениет, сондай-ақ халықаралық мәдени байланыстар;
тарихи-мәдени мұра объектілерін қорғау және пайдалану;
кинематография;
мемлекеттік рәміздер;
архив ісі және құжаттамалық қамтамасыз ету;
электрондық құжат айналымы мен электрондық архивтер, оның ішінде таратылуы шектелген қызметтік ақпарат және онымен жұмыс істеу;
ономастика;
креативті индустриялар және шығармашылық қызмет нәтижелерін коммерцияландыру;
ақпарат;
ақпаратқа қол жеткізу;
балаларды олардың денсаулығына және дамуына зиян келтіретін ақпараттан қорғау;
телерадио хабарларын тарату;
бұқаралық ақпарат құралдары;
онлайн-платформалар және онлайн-жарнама;
діни қызмет;
мемлекеттік жастар және отбасы саясаты;
қоғамдық сананы жаңғырту;
қайырымдылық;
волонтерлік қызмет;
медиация;
2) ішкі саяси тұрақтылықты, конфессияаралық және этносаралық келісімді қамтамасыз ету;
3) мемлекеттiк органдардың, жеке, заңды тұлғалардың және лауазымды адамдардың Қазақстан Республикасының мемлекеттiк рәміздерін дайындауды және пайдалануды реттейтiн Қазақстан Республикасының заңнамасының сақталуын, Қазақстан Республикасы заңдарының бұзылуын анықтауды және жоюды, азаматтар мен заңды тұлғалардың бұзылған құқықтарын қалпына келтiрудi қамтамасыз ету;
4) мемлекеттің, азаматтық қоғамның және қоғамдық кеңестердің өзара іс-қимылы;
5) өз құзыреті шегінде Бөлімге жүктелген өзге де міндеттерді жүзеге асыру.»;
15 - тармақтың 13), 14), 15), 16), 17) тармақшалары жойылсын:
15 - тармақтың 44), 45), 61) тармақшалары мынадай редакцияда жазылсын:
«44) әкімшілік құқық бұзушылықтар туралы хаттамаларын жасайды (75, 418 (1 - 1 - бөлігінде), 456 - 3 - баптар) және Қазақстан Республикасы Әкімшілік құқық бұзушылық туралы Кодексінің (бұдан әрі - Кодекс) 75 -бабында көзделген әкімшілік құқық бұзушылық туралы істер қарайды, Кодекстің 75 - бабында көзделген әкімшілік құқық бұзушылықтар үшін әкімшілік жазалар қолданады;
45) театр, музыка өнері және кино өнері, кітапхана және музей ісі, мәдени-демалыс қызметі саласында ауданның мемлекеттік мәдениет ұйымдарының қызметін қолдайды және үйлестіреді;
61) жергілікті мемлекеттік басқару мүдделерінде Қазақстан Республикасының заңнамасымен Бөлімге жүктелетін өзге өкілеттіктерді жүзеге асырады;»;
15 - тармақ мынадай мазмұндағы 62) тармақшамен толықтырылсын:
«62) Қазақстан Республикасы мемлекеттік рәміздерінің Солтүстік Қазақстан облысы Мамлют ауданы аумағында пайдаланылуын (тігілуін, орналастырылуын) бақылауды жүзеге асырады.».

2. «Солтүстік Қазақстан облысы Мамлют ауданы әкімдігінің ішкі саясат, мәдениет және тілдерді дамыту бөлімі» коммуналдық мемлекеттік мекемесі тіркеуші органды заңнамада белгіленген тәртіппен өзгеріс және толықтырулар енгізу туралы хабардар етсін және осы қаулыдан туындайтын өзге де шаралар қабылдасын.