Об утверждении Положения о кредитовании сельхозтоваропроизводителей области по программе 10 1 257 82 00

Күшін жойған Ереже № 550 21.09.2026 жағдай бойынша

Деректемелер және дереккөз

Толық атауы: Об утверждении Положения о кредитовании сельхозтоваропроизводителей области по программе 10 1 257 82 00
Атауы (қаз.): Облыс ауыл шаруашылығы тауарын өндірушілерді 10 1 257 82 00 бағдарламасы бойынша несиелеу туралы Ережені бекіту туралы
Акт түрі: Ереже
Заңдық күші: Күшін жойған
Тізілімдегі мәртебе коды: yts
Нөмірі: 550
Қабылданған күні: 02.08.2000
Көрсетілген редакция: 02.08.2000 9695_289975.kaz
Соңғы өзгеріс: 02.08.2000
Мәтін тілі: қазақша
НҚА мемлекеттік тіркеу нөмірі: V00T000335_
ЭКБ идентификаторы: 9695
Редакция идентификаторы: 9695_289975
Бастапқы дереккөз: ЭКБ zan.gov.kz (API)
Деректер жаңартылды: 05.08.2026 00:20

Акт күшін жойған. Мәтін анықтама үшін берілген және қолданыстағы құқық болып табылмайды.

21.09.2026 жағдай бойынша қолданыста болған редакция: 02.08.2000. Бұл — корпустағы соңғы редакция.

0 Облыс ауыл шаруашылығы тауарын өндірушілерді

10 1 257 82 00 бағдарламасы бойынша несиелеу туралы
Ережені бекіту туралы
📌 Ескерту. Күші жойылды - Атырау облысы
әкімінің 20.12.2004 № 248 шешімімен.
Қазақстан Республикасы Үкіметінің 2000 жылғы 5 ақпандағы № 175 «2000-2002 жылдарға арналған ауыл шаруашылығы өндірісін дамыту Бағдарламасын жүзеге асыру жөніндегі шаралар Жоспарын бекіту туралы» қаулысын, Қазақстан Республикасы Президентінің қатысуымен 2000 жылғы 8 ақпанда өткен № 17-13/И-205 АӨК қызметкерлерінің Республикалық мәжілісінің хаттамалық шешімін орындау мақсатында және Қазақстан Республикасының 2000 жылғы 5 шілдедегі № 78-11 ЗРК «Қаржылық лизинг туралы» Заңына сәйкес ШЕШІМ ЕТЕМІН:

1. Облыс ауыл шаруашылығы тауарын өндірушілерді 101 257 82 00 бағдарламасы бойынша несиелеу туралы ұсынылып отырған Ереже бекітілсін.

2. Облыстық ауыл шаруашылығы басқармасы (Нұршаев Е.) несие қарызын алушылармен жасалған ережелер мен несиелеу келісім шарттар талаптарын орындауды қамтамасыз етсін.

3. Облыстық қаржы басқармасы (Әбдіқадырова А.) «Ауыл шаруашылығы тауарын өндірушілері несиелеу» бағдарламасын қаржыландыруды облыстық бюджетке ескерілген қаражат шегінде қамтамасыз етсін.

4. Облыс әкімінің 2000 жылғы 3 наурыздағы №390 «2000 жылы облыс ауыл шаруашылығы тауарын өндірушілерді несиелеу Ережесін бекіту туралы» шешімінің күші жойылды деп есептелсін.

5. Осы шешімнің орындалуын бақылау облыс әкімінің орынбасары Б.Палымбетовке жүктелсін.

6 Облыс әкімінің

№_____ ___________ 2000 ж
шешімімен бекітілді
Облыс ауыл шаруашылығы тауарын өндірушілерді 10 1 257 82 00 бағдарламасы бойынша неиелеу Ережесі

1. Жалпы шарттар

1. Осы ереже Қазақстан Республикасы Үкіметінің 2000 жылғы 5 ақпандағы № 175 «2000-2002 жылдарға арналған ауыл шаруашылығы өндірісін дамыту Бағдарламасын жүзеге асыру жөніндегі шаралар Жоспарын бекіту туралы» қаулысын, Қазақстан Республикасы Президентінің қатысуымен 2000 жылғы 8 ақпанда өткен Агроөнеркәсіп қызметкерлерінің Республикалық мәжілісінің № 17-13/И-205 хаттамалық шешімін орындау мақсатында және Қазақстан РРРеспубликасының 2000 жылғы 5 шілдедегі №78-11 ЗРК «Қаржылық лизинг туралы» Заңына сәйкес жасалды. Ол «Ауыл шаруашылығы тауарын өндірушілерді несиелеу» 82 бағдарламасы бойынша облыстық бюджеттен бөлінетін қаржыны пайдаланудың негізгі шарттарын анықтайды.

2. Облыс әкімінің 1999 жылғы 29 желтоқсанындағы № 297 және 2000 жылғы 29 мамырдағы №472 шешімдерімен «Ауыл шаруашылығы тауарын өндірушілерді несиелеу» 82 бағдарламасын жүзеге асыру үшін бағдарламаның Әкімгері болып облыстық ауыл шаруашылығы басқармасы белгіенді.

3. 82 «Ауыл шаруашылығы тауарын өндірушілерді несиелеу» бағдарламасының операторы облыс әкімінің 2000 жылғы 27 сәуірдегі № 457 шешімімен өкілетті органы облыстық ауыл шаруашылығы басқармасы болып жаңадан құрылған «Агросервис» коммуналдық мемлекеттік кәсіпорны белгіленеді.

4. Ауыл шаруашылығы тауарын өндірушілерді несиелеу келісілген мерзімге оны бюджеттің табыс жағына қайтарылымы негізінде жүргізіледі.

5. Бағдарламаның операторы – «Агросервис» коммуналдық мемлекеттік кәсіпорны несие алушылармен белгіленген дәрежеде несиелік және кепілдік келісім-шарттар жасайды және бюджет қаржысының тиімді мақсатты пайдалануын қамтамасыз етуде бағдарламаның Әкімгері мен облыстық бюджет алдында толық жауапкершілікте болады.

2. Қаржыны пайдалану бағыттары

6. Қаржы ресурстары «Ауыл шаруашылығы тауарын өндірушілерді несиелеу» 82 бағдарламасы бойынша мына бағыттарда беріледі:

1) тұқым сатып алуға;

2) көтерме сауда-дайындау жүйелерін дамытуға;

3) Машина-трактор стансалары және сервистік қызметтер көрсету пунктерін дамытуға;

4) Ауыл шаруашылығы малдарын сатып алу, малды қолдан ұрықтандыру арқылы асыл тұқымды мал өсіретін шаруашылықтар құруға, облыс орталығы мен ірі мұнай кәсіпшіліктері төңірегінде сүт – тауарлы фермаларын ұйымдастыруға;

5) Лизинг негізде ауыл шаруашылығы техникасын сатып алуға.

3. Қаржы реурстарын бөлу құжаттарын қабылдау, қарау, қолдау тәртібі

7. Ауыл шаруашылығы тауарын өндірушілер несие алу үшін бағдарламаның Әкімгері – облыстық ауыл шаруашылығы басқармасының талабы бойынша бағдарламаның операторы – «Агросервис» коммуналдық мемлекеттік кәсіпорнына мына құжаттар пакетін тапсырады:

1) бизнес-жоспар;

2) салық инспекциясынан бюджетке салық және басқа төлемдер үшін бережақтары жоқтығы туралы анықтама;

3) қызмет көрсетуші банкісінен бережағы жоқ жөнінде анықтама;

4) ауыл шаруашылығын қаржылай қолдау қорына бережағы жоқтығы туралы анықтама;

5) Атырау облысы бойынша «Жылжымайтын мүлік орталығы» Республикалық мемлекеттік кәсіпорнының кепілдік мүлікті бағалаған акті (тұрғын үйлер-пәтерлер, әлеуметтік, тұрмыстық, мәдени ғимараттар, техникалық байқаудан өткен техникалық жарамды жағдайдағы жеңіл және жүк автокөлігі);

6) кепілдік келісім шарты.

8. Бағдарламаның Әкімгері – облыстық ауыл шаруашылығы басқармасы қаржыландыру басталғанға дейін бағдарламаның операторы – «Агросервис» коммуналдық мемлекеттік кәсіпорны қанағаттанарлық баға берген бизнес-жоспарларды қарап, салалық сараптау қорытынды береді.

9. Кепілдік ұстаушы – «Агросервис» коммуналдық мемлекеттік кәсіпорны кепілдік үшін ұсынылған мүліктің не объектінің бағаланған құнының 50 пайызы мөлшерінде ғана кепілдікке алады.

4. Қаржыландыру тәртібі

10. Бюджеттің қаржы әдейі бағдарламаға белгіленген нақты мерзімге несиеге беріледі, оның ішінде:

1) тұқым сатып алуға -1 жыл

2) көтерме сауда – дайындау жүйелерін дамытуға -2 жыл

3) Машина-трактор стансаларын және сервистік қызметтер көрсету пункттерін дамытуға -2 жыл

4) Ауыл шаруашылығы малдарын сатып алу және қолдан ұрықтандыру арқылы асыл тұқымды мал өсіретін шаруашылықтар құруға, облыс орталығы мен ірі мұнай кәсіпшіліктер төңірегінде сүт- тауарлы фермаларын ұйымдастыруға -5 жыл

5) Лизингілік негізде ауыл шаруашылығы техникасын алуға -7 жыл

11. «Ауыл шаруашылығы тауарын өндірушілерді несиелеу» 82 бағдарламасын қаржыландыруды облыстық қаржы басқармасы бюджеттік қаржыны бағдарламаның Әкімгері – облыстық ауы шаруашылығы басқармасы арқылы бағдарламаның операторы «Агросервис» коммуналдық мемлекеттік кәсіпорнына аудару жолымен жүргізеді.

12. Бағдарламаның операторы – «Агросервис» коммуналдық мемлекеттік кәсіпорны, несие алушылармен, бағдарламаның Әкімгері – облыстық ауыл шаруашылығы басқармасынан бизнес-жоспарын құптаған шешім алынған негізінде несие келісім шартын жасайды.

5. Несие қаржының мақсатты пайдаланылуын және қайтарылымын бақылау

13. Бағдарламаның Әкімгері – облыстық ауыл шаруашылығы басқармасы, несие алушылардың несие ресурстары есебінде, алған бюджеттік қаржының мезгілінде және мақсатты пайдаланылуына, несиелік қарым-қатынастар шарттарының орындалуына бақылау жасайды.

14. Нақты бағдарлама жобасының мақсатты жүзеге асырылуына қала және тиісті аудан әкімдері де бақылау жасап отырады.

15. Несие қаржысының мақсатсыз пайдаланылуы анықталған жағдайда бағдарламаның Әкімгері, несие қаржыны толық көлемінде қайтарып алуға, нессие келісім шартының «Екі жақтың жауапкершілігі» бөлімінде көрсетілгендей, несие қаржының құнының 25 пайызы мөлшерінде айыппұл шаралар салуға құқылы.

6. Есеп беру тәртібі

16. Бағдарламаның Әкімгері – облыстық ауыл шаруашылығы басқармасы, бюджеттік қаржының пайдаланылуы жөнінде Қазақстан Республикасы Қаржы Министрлігі бекіткен тәртібі мен нысандары бойынша облыстық қаржы басқармасына есеп беріп отырады.