О внесении изменений в постановление акимата Тупкараганского района от 11 марта 2013 года № 61 «Об утверждении правил поступления и использования безнадзорных животных поступивших в коммунальную собственность»
Деректемелер және дереккөз
- Толық атауы
- О внесении изменений в постановление акимата Тупкараганского района от 11 марта 2013 года № 61 «Об утверждении правил поступления и использования безнадзорных животных поступивших в коммунальную собственность»
- Атауы (қаз.)
- Түпқараған ауданы әкімдігінің 2013 жылғы 11 наурыздағы № 61 «Коммуналдық меншікке келіп түскен қараусыз қалған жануарларды келіп түсу және пайдалану қағидасын бекіту туралы» қаулысына өзгерістер енгізу туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 70
- Қабылданған күні
- 15.05.2023
- Көрсетілген редакция
- 15.05.2023 181456_631224.kaz
- Соңғы өзгеріс
- 15.05.2023
- Мәтін тілі
- қазақша
- НҚА мемлекеттік тіркеу нөмірі
- V23MF456412
- ЭКБ идентификаторы
- 181456
- Редакция идентификаторы
- 181456_631224
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 19:04
0 Түпқараған ауданы әкімдігінің 2013 жылғы 11 наурыздағы №61 «Коммуналдық меншікке келіп түскен қараусыз қалған жануарларды келіп түсу және пайдалану қағидасын бекіту туралы» қаулысына өзгерістер енгізу туралы
Түпқараған ауданының әкімдігі ҚАУЛЫ ЕТЕДІ:
1
1. Түпқараған ауданы әкімдігінің 2013 жылғы 11 наурыздағы №61 «Коммуналдық меншікке келіп түскен қараусыз қалған жануарларды келіп түсу және пайдалану қағидасын бекіту туралы» қаулысына (Нормативтік құқықтық актілерді мемлекеттік тіркеу тізілімінде №2238 болып тіркелген) келесідей өзгерістер енгізілсін:
көрсетілген қаулының қазақ тіліндегі тақырыбы жаңа редакцияда жазылсын, орыс тіліндегі мәтіні өзгермейді:
«Коммуналдық меншікке келіп түскен қараусыз қалған жануарларды келіп түсу және пайдалану қағидаларын бекіту туралы»;
1-тармағы жаңа редакцияда жазылсын:
«1. Осы қаулының қосымшасына сәйкес Коммуналдық меншікке келіп түскен қараусыз қалған жануарларды келіп түсу және пайдалану қағидалары бекітілсін.»;
көрсетілген қаулыға қосымша осы қаулының қосымшасына сәйкес жаңа редакцияда жазылсын.
2 2. Осы қаулының орындалуын бақылау Түпқараған ауданы әкімінің жетекшілік ететін орынбасарына жүктелсін.
3 3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
«Түпқараған аудандық кәсіпкерлік
және ауыл шаруашылығы бөлімі»
мемлекеттік мекемесі
4 Коммуналдық меншiкке келiп түскен қараусыз қалған жануарларды келiп түсу және пайдалану қағидалары
Түпқараған
ауданының
әкімдігінің
2023 жылғы 15 мамырдағы
№ 70 қаулысына қосымша
Түпқараған ауданы әкімдігінің
2013 жылғы 11 наурыздағы
№ 61 қаулысына қосымша
Коммуналдық меншiкке келiп түскен қараусыз қалған жануарларды келiп түсу және пайдалану қағидалары
1 1-тарау. Жалпы ережелер
1
1. Осы коммуналдық меншiкке келiп түскен қараусыз қалған жануарларды келiп түсу және пайдалану қағидалары (әрі қарай- Қағидалар) Қазақстан Республикасының Азаматтық Кодексiне, Қазақстан Республикасының «Мемлекеттiк мүлiк туралы» Заңына сәйкес жасақталды және коммуналдық меншiкке келiп түскен қараусыз қалған жануарларды келiп түсу және пайдалану тәртiбiн айқындайды.
2 2. Өзінің бағуында және пайдалануында қараусыз қалған жануарлар болған адам өзінің бағуындағы жануарларды меншігіне алудан бас тартқан кезде олар аудандық коммуналдық меншікке түседі және осы қағидалармен айқындалған тәртіппен пайдаланылады.
2 2-тарау. Қараусыз қалған жануарлардың аудандық коммуналдық меншiкке келіп түсуi
3
3. Қараусыз қалған жануарлардың аудандық коммуналдық меншікке келіп түсуі Қазақстан Республикасы Үкіметінің 2002 жылғы 26 шілдедегі № 833 «Жекелеген негіздер бойынша мемлекет меншiгiне айналдырылған (түскен) мүлiктi есепке алудың, сақтаудың, бағалаудың және одан әрi пайдаланудың кейбiр мәселелерi» қаулысымен бекітілген Жекелеген негiздер бойынша мемлекет меншiгiне айналдырылған (түскен) мүлiктi есепке алу, сақтау, бағалау және одан әрi пайдалану қағидаларына сәйкес мүлiктi тiзiмдеу, бағалау және (немесе) қабылдау-беру актісі негізінде жүзеге асырылады. Мүлiктi тiзiмдеу, бағалау және (немесе) қабылдау-беру актісі қараусыз қалған жануарларды берген тұлғаның, тиісті ауыл, ауылдық округ әкімінің, «Түпқараған аудандық кәсіпкерлік және ауыл шаруашылығы бөлімі» мемлекеттік мекемесінің және «Түпқараған аудандық экономика және қаржы бөлімі» мемлекеттік мекемесінің (бұдан әрі – экономика және қаржы бөлімі) қатысуымен жасалады.
3 3-тарау. Қараусыз қалған жануарларды пайдалану
4
4. Қараусыз немесе қаңғып жүрген малды және басқа да үй жануарларын немесе қолға үйретiлген жануарларды ұстап алған адам оларды меншiк иесiне қайтаруға, ал егер оның өзi немесе тұрған жерi белгiсiз болса, осындай жануарларды ұстаған кезден бастап үш күннен кешiктiрмей табылған жануарлар туралы iшкi iстер органдарына немесе жергілікті атқарушы органдарына мәлiмдеуге мiндеттi, олар меншiк иесiн iздестiру шараларын қолданады.
Жануарлардың меншiк иесiн iздестiру кезеңiнде жануарларды ұстаушы адам оларды өзiнiң бағуында және пайдалануында қалдыруы, не ол бағу мен пайдалану үшiн қажеттi жағдайы бар басқа адамға тапсыруы мүмкiн. Жануарларды ұстап алған адамның өтiнiшi бойынша оларды бағу мен пайдалану үшiн қажеттi жағдайы бар адамды iздеп табуды және оларға жануарларды берудi жергілікті атқарушы органдар жүзеге асырады.
5 5. Жануарларды ұстап алған адам және олар бағуы мен пайдалануына берiлген адам жануарлардың өлiм-жiтiмi мен iске жарамай қалғаны үшiн бұған кiнәсi болған кезде ғана және сол жануарлардың құны мөлшерiнде жауапты болады.
6 6. Жануарларды меншiк иесiне қайтарған ретте жануарларды ұстап алған адам және жануарларды бағып және пайдаланып келген адам сол меншiк иесiнен жануарларды пайдаланудан алынған пайданы есепке жатқыза отырып, оларды бағуға байланысты өз шығындарына өтем алуға құқылы.
7 7. Қараусыз немесе қаңғып жүрген малды және басқа да үй жануарларын немесе қолға үйретiлген жануарларды ұстап алған адам олардың меншiк иесiнен Қазақстан Республикасының Азаматтық Кодекстiң 245-бабының 6-тармағына сәйкес сыйақы төлеудi талап етуге құқылы.
4 4-тарау. Қараусыз қалған жануарларға меншік құқығының пайда болуы
8 8. Егер жұмыс малы мен iрi қараны ұстап алғаны туралы мәлiмделген кезден бастап алты ай iшiнде және басқа үй жануарлары жөнiнде - екi ай iшiнде олардың меншiк иесi табылмаса және оларға өзiнiң құқығы туралы мәлiмдемесе, бұл жануарларға меншiк құқығы жануарларды баққан және пайдаланған адамға көшедi.
9
9. Жануарлар басқа адамның меншiгiне көшкеннен кейiн олардың бұрынғы меншiк иесi келген ретте сол жануарлардың өзiне үйiрсектiгi сақталғанын немесе жаңа меншiк иесiнiң оларға қатал не өзгедей мейiрiмсiз қарағанын дәлелдейтiн жағдайлар болған кезде меншiк иесi жаңа меншiк иесiмен келiсiм бойынша белгiленетiн шарттармен, ал келiсiмге келмеген кезде - сот арқылы оларды өзiне қайтарып берудi талап етуге құқылы.