Ақтөбе облыстық мәслихаты ШЕШТІ:

көрсетілген шешіммен бекітілген Ақтөбе облысының қалалары мен елді мекендерінің аумақтарын абаттандырудың қағидаларында:
3-тармақтың 14) тармақшасы мынадай редакцияда жазылсын:
«14) қатты тұрмыстық қалдықтарды, ірі көлемді қалдықтарды жинау және шығару - қатты тұрмыстық қалдықтар жәшіктерін арнайы автокөліктерге тиеу, қоқыс қораптарының, алаңдарын және оларға баратын жолдарды шашылған қоқыстан тазарту және оларды қоқыс жинау орнынан қайта өңдеу және жою орнына тасымалдау;»;
3-тармақтың 20) тармақшасы мынадай редакцияда жазылсын:
«20) тротуар - жаяу жүргіншілердің жүруіне арналған жолдың элементі;»;
3-тармақтың 22-1) тармақшасы мынадай редакцияда жазылсын:
«22-1) мамандандырылған ұйымдар - коммуналдық қалдықтарды жинау, сұрыптау, тасымалдау, қайта өңдеу, қалпына келтіру және (немесе) жою жөніндегі қызметті жүзеге асыратын дара кәсіпкерлер немесе заңды тұлғалар жатады;»;
3-тармақтың 29) тармақшасы мынадай редакцияда жазылсын:
«29) жергілікті маңызы бар объектілер - әлеуметтік объектілерді құруға бағытталған мемлекеттік маңызы бар объектілер, оның ішінде: білім беру, денсаулық сақтау, мәдениет және спорт нысандары, бос уақытты өткізу және (немесе) сауықтыру мақсатындағы үйлер мен ғимараттар, сондай-ақ тиісті әкімшілік-аумақтық бірлік тұрғындарының көпшілігінің құқықтары мен заңды мүдделерін қамтамасыз етуге байланысты басқа да объектілер.»;
4-тармақ мынадай редакцияда жазылсын:
«4. Заңды және жеке тұлғалар, оның ішінде жеке үй иелігіндегі аумақтарда, жеке қосалқы шаруашылықтар, жергілікті маңызы бар объектілердің иелері, бау-бақша және гараж кооперативтері, пәтер иелері кооперативтері, кондоминиумдарға қатысушылар, басқарушы компаниялар өздерінің нысандарына тиесілі барлық аумақтарда тазалықты сақтайды және тәртіпті қолдайды, абаттандыру элементтерінің (жолдар, тротуарлар, көгалдар, шағын сәулет нысандары, жарықтандыру, су бұрулар) зақымдануына және бұзылуына жол бермейді.»;
8-тармақтың 5) тармақшасы мынадай редакцияда жазылсын:
«5) дауыс беруге тікелей қатысқан пәтерлер, тұрғын емес үй-жайлар меншік иелерінің жалпы санының көпшілігі келіскен кезде аулаішілік аумақтарда автокөліктер құралдары үшін қоршау орнатуға, сондай-ақ жолдың жүру бөлігіне жасанды бұдырлық орнатуға жол беріледі;»;
32-2 тармақ мынадай редакцияда жазылсын:
«32-2. Іргелес аумақта құрылыс қалдықтарын және ірі габаритті қоқыстарды (қалдықтарды) контейнерлік алаңдарға жинауға жол берілмейді.
Ірі көлемді қоқыстарды (қалдықтарды) шығару заңды және жеке тұлғалардың өздерімен немесе арнайы бөлінген орындарға шарт негізінде қоқыс шығарушы кәсіпорындармен жүргізіледі.»;
42-тармақ мынадай редакцияда жазылсын:
«42. Контейнерлік алаңдарды және контейнерлерді пайдаланатын және оларға қызмет көрсететін мамандандырылған ұйымдар:
1) контейнерлік алаңдарды, контейнерлерді және оған іргелес аумақтарды санитариялық күтіп-ұстауды қамтамасыз етеді;
2) оларға уақтылы жөндеу жүргізеді және одан әрі пайдалануға жарамсыз контейнерлерді ауыстырады;
3) қоқыс қабылдайтын камералардың, алаңдардың, сондай-ақ қалдық жинағыштардың тұрақты жуылуын, дезинфекциялануын, жәндіктер мен кеміргіштерге қарсы дезинсекциялануын, дератизациялануын қамтамасыз ету бойынша шараларды қабылдайды.»;
42-1 тармақ алып тасталсын;
51-1 тармақ мынадай редакцияда жазылсын:
«51-1. Жарнамаларды, хабарландыруларды және ақпараттық хабарламаларды ғимараттарға, дуалдарға, қоғамдық көлік аялдамаларына, жарықтандыру бағаналарына, ағаштарға жапсыруға және ілуге жол берілмейді.».