Коммуналдық меншік объектілерін басқару тиімділігін арттыру мақсатында, Қазақстан Республикасының 2001 жылғы 23 қаңтардағы N 148 "Қазақстан Республикасындағы жергілікті мемлекеттік басқару туралы" Заңының 27-бабын басшылыққа алып, облыс әкімияты ҚАУЛЫ ЕТЕДІ:

1. Облыс әкімиятының 2003 жылғы 12 ақпандағы N 45 "Коммуналдық меншік объектілерін жалға беру мәселелері" қаулысына (Атырау облысы Әділет басқармасында 2003 жылғы 14 наурызда N 1350 тіркелген, облыс әкімиятының 2004 жылғы 21 қаңтардағы N 19 қаулысымен өзгеріс енгізілген) мынадай өзгерістер мен толықтырулар енгізілсін:
2-тармақтағы «Атырау облысының коммуналдық меншік басқармасына (бұдан әрі - басқарма)» деген сөздер "Атырау облысы Қаржы Департаменті (бұдан әрі - Департамент)" деген сөздермен ауыстырылсын;
көрсетілген қаулымен бекітілген Коммуналдық меншіктегі объектілерді жалға беру ережесінде:
4-тармақтың бірінші абзацы мынадай редакцияда мазмұндалсын:
"4. Баланс ұстаушымен келісім бойынша қалалық және аудандық бюджеттерден қаржыландырылатын мемлекеттік мекемелер және коммуналдық мемлекеттік кәсіпорындар балансындағы Объектілерді мүліктік жалға (жалдауға) беруді тиісті аудандар мен Атырау қаласы әкімияттары осы мақсат үшін белгілеген мемлекеттік органдар, ал облыстық бюджеттен қаржыландырылатындарын - Атырау облысы қаржы департаменті жүзеге асырады";
5-тармақ мынадай редакцияда жазылсын:
"Департаменттің:
1 тиісті аудандар және Атырау қаласы әкімияттарына алдын-ала ескерте отырып, қалалық және аудандық бюджеттерден қаржыландырылатын мемлекеттік мекемелер және коммуналдық мемлекеттік кәсіпорындар балансындағы жекелеген Объектілер (ауданаралық маңызы бар), сондай-ақ, мемлекеттік мекемелер мен коммуналдық мемлекеттік кәсіпорындарға бекітілмеген коммуналдық меншік Объектілері бойынша жалдау шарттарын жасасуға;
2) коммуналдық меншік Объектілерін Жалға берушілерден мүліктік жалдау бойынша ай сайынғы мәліметтерді сұратуға және олардың осы Ережелерді сақтауын бақылауға құқығы бар.";
6-тармақтың екінші абзацы мынадай редакцияда мазмұндалсын:
"Жергілікті бюджеттен қаржыландырылатын мемлекеттік мекемелер мен коммуналдық мемлекеттік кәсіпорындар жергілікті бюджеттен қаржыландырылатын мемлекеттік мекемелер немесе коммуналдық мемлекеттік кәсіпорындар балансындағы Объектілерді жалдау ақысының нольдік мөлшерлемесі бойынша коммуналдық қызметтерге төлем, объектіге қызмет көрсетуге төлемдер төлеу талабымен жалдауға беруді жүзеге асырады.";
17-тармақтағы "мемлекеттік және орыс тілдерінде" деген сөздер алынып тасталсын;
43-тармақтың:
1) тармақшасында "техникалық" деген сөз алынып тасталсын;
4) тармақшасы мынадай редакцияда мазмұндалсын:
4. Жалгердің құқықтары:
жалға алынған Объектіні шарт талаптарына сәйкес пайдалану;";
7) тармақшасының төртінші абзацы мынадай редакцияда жазылсын:
егер Жалгер екі айдан артық уақыт ішінде Объектіні пайдаланғаны үшін ақы төлемесе;";
50-тармақтың:

2) қабылдау-табыстау актісін жүзеге асыратын ұйымдар өкілдерінің құрамы";
3) тармақшасы "жалдау" деген сөзден кейін ", Объект алаңының мөлшері және орналасқан жері" деген сөздермен толықтырылсын;
59-тармақ мынадай мазмұндағы абзацпен толықтырылсын:
"S - бүтін шаршы метрге дейін дөңгелектелген орынжайдың ауданы";
Коммуналдық меншіктегі объектілерді жалға беру ережесінің № 1-қосымшасында:
Ескертуде:
"объектінің қажеттілігіне техникалық-экономикалық негіздеме;" деген сөздер алынып тасталсын.