О внесении изменений в постановление акимата от 14 октября 2011 года № 413 "Об утверждении Правил передачи объектов коммунального имущества в доверительное управление"
Деректемелер және дереккөз
- Толық атауы
- О внесении изменений в постановление акимата от 14 октября 2011 года № 413 "Об утверждении Правил передачи объектов коммунального имущества в доверительное управление"
- Атауы (қаз.)
- Әкімдіктің 2011 жылғы 14 қазандағы № 413 "Коммуналдық мүлік объектілерін сенімгерлікпен басқаруға беру Қағидасын бекіту туралы" қаулысына өзгерістер енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 129
- Қабылданған күні
- 01.04.2013
- Көрсетілген редакция
- 26.02.2014 72306_186960.kaz
- Соңғы өзгеріс
- 26.02.2014
- Мәтін тілі
- қазақша
- НҚА мемлекеттік тіркеу нөмірі
- V13N0004117
- ЭКБ идентификаторы
- 72306
- Редакция идентификаторы
- 72306_186960
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 23:21
0 Әкімдіктің 2011 жылғы 14 қазандағы № 413 "Коммуналдық мүлік объектілерін сенімгерлікпен басқаруға беру Қағидасын бекіту туралы" қаулысына өзгерістер енгізу туралы
"Салық және бюджетке төленетін басқа да міндетті төлемдер туралы (Салық кодексі)" Қазақстан Республикасының 2008 жылғы 10 желтоқсандағы Кодексіне, "Сәйкестендіру нөмірлерінің ұлттық тізілімдері туралы" Қазақстан Республикасының 2007 жылғы 12 қаңтардағы Заңына сәйкес Қостанай облысының әкiмдігі ҚАУЛЫ ЕТЕДI:
1
1. Қостанай облысы әкімдігінің "Коммуналдық мүлік объектілерін сенімгерлікпен басқаруға беру Қағидасын бекіту туралы" 2011 жылғы 14 қазандағы № 413 қаулысына (Нормативтік құқықтық актілерді мемлекеттік тіркеу тізілімінде № 3785 болып тіркелген, 2011 жылғы 26 қарашада "Костанайские новости" газетінде жарияланған) мынадай өзгерістер енгізілсін:
жоғарыда көрсетілген қаулымен бекітілген Коммуналдық мүлік объектілерін сенімгерлікпен басқаруға беру қағидасындағы (бұдан әрі - Қағида):
12-тармақтың 3) тармақшасы жаңа редакцияда жазылсын:
"3) заңды тұлғалар үшін – салыстыру үшін міндетті түрде түпнұсқасын көрсете отырып, мемлекеттік тіркеу (қайта тіркеу) туралы анықтаманың немесе куәліктің, құрылтай құжаттарының (құрылтай шарты және жарғы) көшірмелері не аталған құжаттардың нотариалдық куәландырылған көшірмелері;
жеке тұлғалар үшін – салыстыру үшін міндетті түрде түпнұсқасын көрсете отырып, жеке тұлғаның жеке басын куәландыратын құжаттың көшірмесі не аталған құжаттың нотариалдық куәландырылған көшірмесі.
Коммуналдық заңды тұлға (баланс ұстаушы) өзінің коммуникация объектісін жеке меншік нысанында қызмет көрсететін ұйымның сенімгерлікпен басқаруына беруге өтініш білдірген жағдайда, өтінішке осы ұйымның келісімі мен оның құқығын белгілейтін құжаттардың көшірмелері, беру негіздемесі, берілетін объектінің мемлекеттік коммуналдық меншік құқығын растайтын құжаттарының көшірмелері қоса беріледі.";
32-тармақтың 3) тармақшасы алынып тасталсын;
32-тармақтың 7) тармақшасы жаңа редакцияда жазылсын:
"7) өкілдің өкілеттіктерін куәландыратын құжаттың түпнұсқасын, сондай-ақ салыстыру үшін өкілдің жеке басын куәландыратын құжаттың түпнұсқасы мен көшірмесін, немесе жеке басын куәландыратын құжаттың нотариалдық куәландырылған көшірмесін.
Қазақстан Республикасының заңды тұлғалары жарғының және заңды тұлғаны тіркеу (қайта тіркеу) туралы анықтаманың немесе куәліктің салыстыру үшін көшірмелері мен түпнұсқаларын немесе нотариалдық куәландырылған көшірмелерін қосымша ұсынады. Шетелдік заңды тұлғалар қазақ және/немесе орыс тілдеріндегі нотариалдық куәландырылған аудармасымен бірге құрылтайшы құжаттарын ұсынады.";
Қағиданың қосымшасында:
барлық мәтін бойынша "СТН" деген аббревиатура:
заңды тұлғалар үшін - "БСН";
жеке тұлғалар үшін - "ЖСН" деген аббревиатуралармен ауыстырылсын.