Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 9-бабына сәйкес Қостанай облыстық мәслихаты ШЕШІМ ҚАБЫЛДАДЫ:

Қостанай облыстық мәслихатының 2014 жылғы 14 наурыздағы № 264 «Қостанай облыстық мәслихатының Регламентін бекіту туралы» шешіміне (Нормативтік құқықтық актілерді мемлекеттік тіркеу тізілімінде № 4599 тіркелген, 2014 жылғы 13 мамырда «Әділет» ақпараттық-құқықтық жүйесінде жарияланған) мынадай өзгерістер енгізілсін:
көрсетілген шешіммен бекітілген Қостанай облыстық мәслихатының Регламентінде:
13-тармақ жаңа редакцияда жазылсын:
«13. Мәслихаттың қарауына жататын мәселелер бойынша мәслихаттың сессияларына қалалар мен аудандар мәслихаттарының хатшылары, облыс әкімі, қалалар мен аудандардың әкiмдерi, жұмысы туралы ақпарат сессияда қаралатын ұйымдардың басшылары мен өзге де лауазымды адамдары шақырылады. Сессияларға сессия төрағасының шақыруымен бұқаралық ақпарат құралдары, мемлекеттiк органдар мен қоғамдық ұйымдар өкiлдерiнiң қатысуына жол берiледi.», орыс тіліндегі мәтін өзгермейді;
20-тармақ жаңа редакцияда жазылсын:
«20. Мәслихаттың нормативтік құқықтық шешімдері Әдiлет министрлiгi аумақтық органдарында мемлекеттiк тiркелуге және Қазақстан Республикасының заңнамасында белгiленген тәртiппен жариялануға жатады.», орыс тіліндегі мәтін өзгермейді;
28-тармақтың екінші абзацы жаңа редакцияда жазылсын:
«Тұрақты комиссиялар уақытша жұмыс тобының пiкiрiн ескере отырып, тиiстi негiздемелермен және есептермен Қостанай облысы бюджетiнiң жобасы бойынша ұсыныстар әзiрлейдi және оларды ұсыныстарды жинау мен Қостанай облысы бюджетiнiң жобасы бойынша қорытынды әзiрлеудi жүзеге асыратын бейiндi тұрақты комиссияға жiбередi.», орыс тіліндегі мәтін өзгермейді;
31-тармақ жаңа редакцияда жазылсын:
«31. Мәслихат Қостанай облысы әкiмiнiң есептерiн тыңдау жолымен жергілікті бюджеттiң, аумақтарды дамыту бағдарламаларының орындалуын бақылауды жүзеге асырады.», орыс тіліндегі мәтін өзгермейді;
34-тармақ жаңа редакцияда жазылсын:
«34. Облыстың тексеру комиссиясының бюджеттiң атқарылуы туралы есебiн мәслихат жыл сайын қарайды.», орыс тіліндегі мәтін өзгермейді.

Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.