О внесении дополнений в приказ Министра энергетики Республики Казахстан от 15 марта 2023 года № 106 «Об утверждении инструкции по организации антитеррористической защиты объектов нефтегазовой отрасли, уязвимых в террористическом отношении, находящихся в ведении Министерства энергетики Республики Казахстан»
Деректемелер және дереккөз
- Толық атауы
- О внесении дополнений в приказ Министра энергетики Республики Казахстан от 15 марта 2023 года № 106 «Об утверждении инструкции по организации антитеррористической защиты объектов нефтегазовой отрасли, уязвимых в террористическом отношении, находящихся в ведении Министерства энергетики Республики Казахстан»
- Атауы (қаз.)
- «Қазақстан Республикасы Энергетика министрлігінің қарамағындағы террористік тұрғыдан осал мұнай-газ саласы объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» Қазақстан Республикасы Энергетика министрінің 2023 жылғы 15 наурыздағы № 106 бұйрығына толықтырулар енгізу туралы
- Акт түрі
- Бұйрық
- Заңдық күші
- Күшіне енбеген
- Тізілімдегі мәртебе коды
- exe
- Нөмірі
- 297-н/қ
- Қабылданған күні
- 06.08.2026
- Қолданысқа енгізілген күні
- 17.10.2026
- Көрсетілген редакция
- 06.08.2026 I228820_0.kaz
- Соңғы өзгеріс
- 06.08.2026
- Мәтін тілі
- қазақша
- НҚА мемлекеттік тіркеу нөмірі
- V2600039586
- ЭКБ идентификаторы
- 228820
- Редакция идентификаторы
- I228820_0
- Бастапқы дереккөз
- ЭКБ zan.gov.kz (API)
- Деректер жаңартылды
- 18.08.2026 03:33
0
«Қазақстан Республикасы Энергетика министрлігінің қарамағындағы террористік тұрғыдан осал мұнай-газ саласы объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» Қазақстан Республикасы Энергетика министрінің 2023 жылғы 15 наурыздағы № 106 бұйрығына толықтырулар енгізу туралы
БҰЙЫРАМЫН:
1. «Қазақстан Республикасы Энергетика министрлігінің қарамағындағы террористік тұрғыдан осал мұнай-газ саласы объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» Қазақстан Республикасы Энергетика министрінің 2023 жылғы 15 наурыздағы № 106 бұйрығына (Нормативтiк құқықтық актiлердің мемлекеттiк тізілімінде № 32078 болып тіркелген) мынадай толықтырулар енгізілсін:
көрсетілген бұйрықпен бекітілген Қазақстан Республикасы Энергетика министрлігінің қарамағындағы террористік тұрғыдан осал мұнай-газ саласы объектілерінің терроризмге қарсы қорғалуын ұйымдастыру жөніндегі нұсқаулықта:
мынадай мазмұндағы 78-1-тармақпен толықтырылсын:
«78-1. Объектілерді терроризмге қарсы қорғауды күшейту мақсатында Каспий теңізінің қазақстандық секторында жер қойнауын пайдалану жөніндегі операцияларды жүзеге асыратын мұнай-газ саласының шаруашылық жүргізу субъектілері (объектілердің меншік иелері, иелері, объектілердің басшылары немесе лауазымды тұлғалары) терроризмге қарсы күрес жөніндегі теңіз жедел штабының күштері мен құралдарын терроризмге қарсы күрес жөніндегі теңіз жедел штабының сұрау салуы бойынша өндірістік объектілердің маңынан орналастыру орнын қамтамасыз етеді және терроризмге қарсы күрес жөніндегі теңіз жедел штабының күштері мен құралдарын орналастыруға тікелей байланысты шығыстарды көтереді. Бұл ретте терроризмге қарсы күрес жөніндегі теңіз жедел штабы күштері мен құралдарын теңіз өндірістік объектілерінің маңында мобильді теңіз құралдарында орналастыруға рұқсат етіледі.»;
мынадай мазмұндағы 124-1 және 124-2-тармақтармен толықтырылсын:
«124-1. Терроризмге қарсы күрес жөніндегі теңіз жедел штабының күштері мен құралдарын орналастыру орны мынадай талаптарға сәйкес келеді:
кемінде 10 қызметкерді орналастыруды қамтамасыз ету;
тікұшақ алаңының болуы;
теңіз өндірістік объектілерінен 23 километрден аспайтын қашықтықта орналасуы.
124-2. Терроризмге қарсы күрес жөніндегі теңіз жедел штабының күштері мен құралдарын орналастыруға тікелей байланысты шығыстарға терроризмге қарсы күрес жөніндегі теңіз жедел штабының күштері мен құралдарын орналастыруды және олардың жұмыс істеуін қамтамасыз етуге байланысты құжаттамамен расталған шығыстар жатады.
Мұндай шығыстарды көтеру мен өтеудің тізбесі, көлемі және тәртібі тараптардың келісімі бойынша Қазақстан Республикасының азаматтық заңнамасына сәйкес айқындалады.».
2 2. Қазақстан Республикасы Энергетика министрлігінің Мұнай игеру және өндіру департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты ресми жариялағаннан кейін Қазақстан Республикасы Энергетика министрлігінің интернет-ресурсында орналастыруды;
3) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
«КЕЛІСІЛДІ»
Қазақстан Республикасының
Ұлттық қауіпсіздік комитеті
«КЕЛІСІЛДІ»
Қазақстан Республикасының
Ішкі істер министрлігі