БҰЙЫРАМЫН:

1. «Азаматтық қорғау саласындағы уәкілетті орган жедел резервінің материалдық құндылықтарымен операция жүргізу, олардың орнын ауыстыру, пайдалану, толықтыру қағидаларын бекіту туралы» Қазақстан Республикасы Төтенше жағдайлар министрінің 2014 жылғы 16 мамырдағы №225 бұйрығына (Нормативтік құқықтық актілерді мемлекеттік тіркеу тізілімінде 9508 болып тіркелген, «Әділет» ақпараттық-құқықтық жүйесінде 2014 жылғы 4 шілдеде жарияланған) мынадай өзгерістер енгізілсін:
бұйрықтың кіріспесі мынадай редакцияда жазылсын:
«Азаматтық қорғау туралы» 2014 жылғы 11 сәуірдегі Қазақстан Республикасы Заңының 12-бабы 1-тармағының 4) тармақшасын іске асыру мақсатында БҰЙЫРАМЫН:
Аталған бұйрықпен бекітілген Азаматтық қорғау саласындағы уәкілетті орган жедел резервінің материалдық құндылықтарымен операция жүргізу, олардың орнын ауыстыру, пайдалану, толықтыру қағидаларында:
1-тараудың тақырыбы мынадай редакцияда жазылсын:
«1-тарау. Жалпы ережелер»;
1-тармақтың 10) тармақшасы мынадай редакцияда жазылсын:
«10) жедел резервтің үйлестірушісі – жедел резервтің материалдық құндылықтарымен операция жүргізуге бақылауды жүзеге асыратын Қазақстан Республикасы Төтенше жағдайлар министрлігінің Азаматтық қорғаныс және әскери бөлімдер комитеті.»;
2-тараудың тақырыбы мынадай редакцияда жазылсын:
«2-тарау. Уәкілетті орган жедел резервінің мақсаты»;
3-тараудың тақырыбы мынадай редакцияда жазылсын:
«3-тарау. Уәкілетті органның негізгі міндеттері мен функциялары»;
3-тармақ мынадай редакцияда жазылсын:
«3. Қазақстан Республикасы Төтенше жағдайлар министрлігінің міндеті (бұдан әрі – Министрлік) жедел резервті құру және оны қолдану болып табылады.»;
4-тараудың тақырыбы мынадай редакцияда жазылсын:
«4-тарау. Уәкілетті орган жедел резервінің материалдық құндылықтармен операция жүргізу»;
8-тармақтың 1) тармақшасы мынадай редакцияда жазылсын:
«1) дәрілік заттар мен медициналық мақсаттағы бұйымдар – Министрліктің «Апаттар медицинасы орталығы» мемлекеттік мекемесінің (бұдан әрі – «Апаттар медицинасы орталығы» ММ) ведомстволық бағынысты ұйымдарында;»;
8-тармақтың 2) тармақшасы мынадай редакцияда жазылсын:
«2) техника, шатырлар, шаруашылық мүлкі, заттай мүлік, гигиеналық құралдар - Министрлік азаматтық қорғанысының әскери бөлімдерінде сақталады.»;
11-тармақ мынадай редакцияда жазылсын:
«11. Жедел резервті шығару (пайдалану) Қазақстан Республикасы Төтенше жағдайлар министрінің немесе оның міндетін атқаратын вице-министрдің шешімімен жүзеге асырылады.»;
16-тармақ мынадай редакцияда жазылсын:
«16. Жедел резервтің материалдық құндылықтарын сақтау орындарынан мақсаты бойынша пайдалану орындарына дейін және кері орнын ауыстыру Қазақстан Республикасы Төтенше жағдайлар министрінің шешімі бойынша көлік құралдарымен жүзеге асырылады.»;
5-тараудың тақырыбы мынадай редакцияда жазылсын:
«5-тарау. Уәкілетті орган жедел резервінің материалдық құндылықтарын жаңарту тәртібі»;
17-тармақ мынадай редакцияда жазылсын:
«17. Жедел резервтің материалдық құндылықтары Қазақстан Республикасы Төтенше жағдайлар министрінің шешімі негізінде сақтау, жарамдылық мерзімдерінің аяқталуына немесе тозуына қарай жаңартылады.»;
20-тармақ мынадай редакцияда жазылсын:
«20. Берілген өтінімдер негізінде жедел резервті үйлестіруші Қазақстан Республикасы Төтенше жағдайлар министрінің тиісті бұйрығын әзірлейді, онда жедел резервтің жаңартылатын материалдық құндылықтарын одан әрі пайдалану және толтыру тәртібі көрсетіледі.»;
21-тармақ алып тасталсын;
22-тармақ мынадай редакцияда жазылсын:
«22. Дәрілік заттарды және медициналық мақсаттағы бұйымдарды жаңарту «Мемлекеттік мекемелерде бухгалтерлік есепке алуды жүргізу қағидаларын бекіту туралы» Қазақстан Республикасы Қаржы министрінің 2010 жылғы 3 тамыздағы № 393 бұйрығының «Қорларды есепке алу тәртібі» 8-тарауына және «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедгі Кодексінің 250-бабына сәйкес жүзеге асырылады».

«КЕЛІСІЛГЕН»
Қазақстан Республикасы
Қаржы министрлігі министрлігі
«КЕЛІСІЛГЕН»
Қазақстан Республикасы
Ішкі істер министрлігі
«КЕЛІСІЛГЕН»
Қазақстан Республикасы
Денсаулық сақтау министрлігі