Об утверждении Протокола о внесении изменений в Соглашение о сотрудничестве в развитии и использовании систем сотовой подвижной связи от 17 января 1997 года
Деректемелер және дереккөз
- Толық атауы
- Об утверждении Протокола о внесении изменений в Соглашение о сотрудничестве в развитии и использовании систем сотовой подвижной связи от 17 января 1997 года
- Атауы (қаз.)
- 1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге өзгерістер енгізу туралы хаттаманы бекіту туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 532
- Қабылданған күні
- 25.07.2019
- Көрсетілген редакция
- 25.07.2019 133433_415352.kaz
- Соңғы өзгеріс
- 25.07.2019
- Мәтін тілі
- қазақша
- НҚА мемлекеттік тіркеу нөмірі
- P1900000532
- ЭКБ идентификаторы
- 133433
- Редакция идентификаторы
- 133433_415352
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 19:02
0 1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге өзгерістер енгізу туралы хаттаманы бекіту туралы
Қазақстан Республикасының Үкіметі ҚАУЛЫ ЕТЕДІ:
1 1. Қоса беріліп отырған 1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге өзгерістер енгізу туралы 2018 жылғы 2 қарашада Астанада жасалған хаттама бекітілсін.
2 2. Осы қаулы қол қойылған күнінен бастап қолданысқа енгізіледі.
📌 Ескерту. Нормативтік құқықтық актіге қоса тіркелген халықаралық Хаттаманың мәтіні ресми болып табылмайды. ҚР халықаралық Хаттамасының жасасқан тілдердегі ресми куәландырылған көшірмесін ҚР халықаралық Хаттамаларын тіркеуге, есептеуге және сақтауға жауапты ҚР Сыртқы істер министрлігінен алуға болады
0 1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге өзгерістер енгізу туралы ХАТТАМА
Қазақстан Республикасы
Үкіметінің
2019 жылғы « »
№ қаулысымен
бекітілген
1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге өзгерістер енгізу туралы
ХАТТАМА
Бұдан әрі Тараптар деп аталатын 1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімнің қатысушы мемлекеттерінің үкіметтері
ұялы жылжымалы байланыстың техникалық мүмкіндіктерінің үнемі ұлғаюын ескере отырып,
ұялы жылжымалы байланыс қызметтерін көрсету бойынша тиімді шараларды әзірлеуге ұмтыла отырып,
төмендегілер туралы келісті:
1 1-бап
1997 жылғы 17 қаңтардағы Ұялы жылжымалы байланыс жүйелерін дамыту мен пайдаланудағы ынтымақтастық туралы келісімге (бұдан әрі – Келісім) мынадай өзгерістер енгізілсін:
1 1. 1-бапта екінші абзац мынадай редакцияда жазылсын:
«ұялы жылжымалы байланыс жүйесі (жылжымалы радиотелефон байланысы)» – техникалық құралдардың (коммутациялық және радиожабдық, жалғастырушы желілер, құрылысжайлар) жиынтығы, олардың көмегімен жүйе абоненттеріне үздіксіз телефон байланысы (қалалық, қалааралық, халықаралық) өздерінің арасында және жалпы пайдаланымдағы желі абоненттері арасында, оның ішінде радиотелефон байланысының заманауи цифрлық стандарттарын пайдалана отырып ұсынылады;».
2 2. 2-бап жетінші абзацтағы «бойынша шаралар қабылдайды.» деген сөздер алып тасталып, мынадай мазмұндағы абзацпен толықтырылсын:
«ұялы жылжымалы байланыс жүйелерін пайдалану мүмкіндіктерін кеңейтуге қатысты ұсыныстар әзірлеу бойынша шаралар қабылдайды.».
3 3. 3-бапта:
жетінші абзацтағы «келісімін», «әзiрлiк бiлдiредi» деген сөздер алып тасталып, «әрі қарай дамыту үшін» деген сөздерден кейін «қажет болған жағдайда» деген сөздермен толықтырылсын;
мынадай мазмұндағы жаңа абзацтармен толықтырылсын:
«жылжымалы ұялы байланыс жүйелерін пайдалана отырып, трансшекаралық қызметтерді дамытуға, сондай-ақ абоненттердің көрсетілетін қызметтерге қолжетімділігін оңайлатуға және байланыс операторларына қызмет көрсету бойынша қызметті реттеуге ықпал ету;
шекара маңы станцияларынан келетін сигналдың қуаттылығын реттеу бойынша шаралар әзірлеуге және қабылдауға, үйлестірілген жиіліктер беру параметрлеріне сәйкес келуіне әзiрлiк бiлдiредi.».
4 4. 5-бап мынадай редакцияда жазылсын:
«Шаруашылық жүргізуші субъектілердің қызметі өздерінің арасында ұялы жылжымалы байланыс жүйелерінің мемлекетаралық бағыттарындағы өзара іс-қимылы туралы шарттар жасалған кезде осы Келісімге қатысушы мемлекеттердің ұлттық заңнамасымен регламенттеледі.».
5 5. 6-бап мынадай редакцияда жазылсын:
«Тараптар осы Келісімге қатысушы мемлекеттердің аумақтарында осы байланыс түрінің қызметін және жылжымалы радиотелефон байланысы жүйелерін пайдалана отырып ұсынылатын басқа да қызмет түрлерін кедергісіз ұсынуға бағдарланған ұялы жылжымалы байланыс жүйелерін дамыту және пайдалану саласындағы ұлттық нормативтік құқықтық актілерді жақындату жөніндегі шараларды жүзеге асырады.
Тараптар ұялы жылжымалы байланыс жүйесі арқылы тиісті халықаралық стандарттарға сәйкес келмейтін және қауіпсіздікпен байланысты проблемаларға және қаржылай шығындарға алып келетін санкцияланбаған, сапасыз трафикті (оның ішінде «SimBox» нөмірлері арқылы) тапсырудың жолын кесу, сондай-ақ трафикпен өзара алмасу үшін екі тараптың ұялы операторларының тікелей дауыс арналарын пайдалану жөніндегі ынтымақтастықты дамытады.».
2 2-бап
Осы Хаттама оған қол қойған Тараптардың барлық қажетті мемлекетішілік рәсімдерді орындағаны туралы үшінші хабарлама депозитарийге сақтауға тапсырылған күннен бастап күшіне енеді.
Мемлекетішілік рәсімдерді кешірек орындаған Тараптар үшін ол тиісті құжаттар депозитарийге тапсырылған күннен бастап күшіне енеді.
2018 жылғы 2 қарашада Астана қаласында орыс тілінде бір төлнұсқа данада жасалды. Төлнұсқа дана Тәуелсіз Мемлекеттер Достастығының Атқарушы комитетінде сақталады, ол осы Хаттамаға қол қойған әрбір мемлекетке оның расталған көшірмесін жібереді.