жұмсау, мониторингтеу және есептілігі қағидаларын бекіту туралы» Қазақстан Республикасы Оқу-ағарту министрінің
2023 жылғы 17 ақпандағы № 38 бұйрығына
өзгерістер енгізу туралы
БҰЙЫРАМЫН:

1. «Білім беру инфрақұрылымын қолдау қорының қаражатын бөлу, жұмсау, мониторингтеу және есептілігі қағидаларын бекіту туралы» Қазақстан Республикасы Оқу-ағарту министрінің 2023 жылғы 17 ақпандағы № 38 бұйрығына (Нормативтік құқықтық актілерді мемлекеттік тіркеу тізілімінде № 31915 болып тіркелген) мынадай өзгерістер енгізілсін:
көрсетілген бұйрықпен бекітілген Білім беру инфрақұрылымын қолдау қорының қаражатын бөлу, жұмсау, мониторингтеу және есептілігі қағидаларында:
2-тармақтың 1) тармақшасы жаңа редакцияда жазылсын:
«1) Білім беру инфрақұрылымын қолдау қоры (бұдан әрі – Қор) – орта білім беру объектілерін салуды, реконструкциялауды қаржыландыру мақсатында ақша түсімдерін есепке жатқызу және жұмсау үшін Қазақстан Республикасының Бюджет кодексіне сәйкес мемлекеттік қазынашылықта ашылған қолма-қол ақшаны бақылау шоты (бұдан әрі – Қор шоты);»;
3 және 4-тармақтар алып тасталсын;
6-тармақтың 3) тармақшасы жаңа редакцияда жазылсын:
«3) Қазақстан Республикасы Ұлттық экономика министрінің міндетін атқарушының 2025 жылғы 28 маусымдағы № 59 бұйрығымен бекітілген Мемлекеттік инвестициялық жобаларды жоспарлау және іске асыру, инвестициялық ұсынысты, техникалық-экономикалық және қаржылық-экономикалық негіздемелерді әзірлеу немесе түзету, қажетті сараптамалар жүргізу, бюджеттік кредиттеудің орындылығын айқындау, мемлекеттік инвестициялық жобалар портфелін қалыптастыру, сондай-ақ мемлекеттік инвестициялық жобалардың бекітілген (нақтыланған) параметрлерін түзету, іріктеу, іске асырылуын мониторингтеу және бағалау қағидаларына (осы Қағидалардың 10-тармағының 2), 3, 4), 5), 6), 7), 8), 9), 10) және 11) тармақшаларында көрсетілген орта білім беру объектілері бойынша) сәйкес құжаттарын;»;
16-тармақ жаңа редакцияда жазылсын:
«16. Уәкілетті орган Басым тізбе жобасының кейінгі қалыптастырыуын осы Тарауда белгіленген тәртіппен тоқсанына бір реттен артық емес жүзеге асырады.»;
24, 25 және 26-тармақтар жаңа редакцияда жазылсын:
«24. Қор қаражатын ЖАО шоттарынан пайдалануға байланысты төлемдерді жүргізу Қазақстан Республикасы Қаржы министрінің 2025 жылғы 30 мамырдағы № 272 бұйрығымен бекітілген 2025 қаржы жылына арналған бюджетті атқару және оған кассалық қызмет көрсету қағидаларынының (бұдан әрі – № 272 Қағида) 6-тарауының 7-параграфына сәйкес жүзеге асырылады.
25. Қор шотын және ЖАО шоттарын жабу тәртібі № 272 Қағидалардың 4-тарауының 8-параграфы талаптарына сәйкес жүзеге асырылады.
26. Қор қаражатының жыл басындағы қалдықтары мемлекеттік бюджетке алып қоюға (аударуға) жатпайды.»;
31-тармақ жаңа редакцияда жазылсын:
«31. Уәкілетті орган ай сайын, есепті кезеңнен кейінгі айдың 10-күніне дейінгі мерзімде және тиісті қаржы жылы үшін есепті жылдан кейінгі жылдың 1 ақпанына дейінгі мерзімде «Бюджеттік есептілікті жасау және ұсыну қағидаларын бекіту туралы» Қазақстан Республикасы Қаржы министрінің 2025 жылғы 28 мамырдағы № 262 бұйрығында көзделген нысан бойынша Қор түсімдері мен шығыстары туралы есепті бюджетті атқару жөніндегі орталық уәкілетті органға ұсынады.».

3) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Оқу-ағарту министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

«КЕЛІСІЛДІ»
Қазақстан Республикасы
Қаржы министрлігі
«КЕЛІСІЛДІ»
Қазақстан Республикасы
Ұлттық экономика министрлігі