О внесении изменений в решение «Об утверждении Правил проведения раздельных сходов местного сообщества в Иргизском районе» от 19 февраля 2014 года № 124
Деректемелер және дереккөз
- Толық атауы
- О внесении изменений в решение «Об утверждении Правил проведения раздельных сходов местного сообщества в Иргизском районе» от 19 февраля 2014 года № 124
- Атауы (қаз.)
- «Ырғыз ауданында бөлек жергілікті қоғамдастық жиындарын өткізудің Қағидаларын бекіту туралы» 2014 жылғы 19 ақпандағы № 124 шешіміне өзгерістер енгізу туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 118
- Қабылданған күні
- 30.03.2022
- Көрсетілген редакция
- 30.10.2023 166151_663227.kaz
- Соңғы өзгеріс
- 30.10.2023
- Мәтін тілі
- қазақша
- НҚА мемлекеттік тіркеу нөмірі
- G22CE00118M
- ЭКБ идентификаторы
- 166151
- Редакция идентификаторы
- 166151_663227
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 02:51
0 «Ырғыз ауданында бөлек жергілікті қоғамдастық жиындарын өткізудің Қағидаларын бекіту туралы» 2014 жылғы 19 ақпандағы № 124 шешіміне өзгерістер енгізу туралы
Ырғыз аудандық мәслихаты ШЕШТІ:
1. «Ырғыз ауданында бөлек жергілікті қоғамдастық жиындарын өткізудің Қағидаларын бекіту туралы» 2014 жылғы 19 ақпандағы № 124 шешіміне (нормативтік құқықтық актілерді тіркеу Тізілімінде №3816 болып тіркелген) төмендегідей өзгерістер енгізілсін:
тақырып мынадай редакцияда жазылсын:
«Ырғыз ауданында жергілікті қоғамдастықтың бөлек жиындарын өткізудің қағидаларын бекіту туралы»;
көрсетілген шешіммен бекітілген Ырғыз ауданында жергілікті қоғамдастықтың бөлек жиындарын өткізудің қағидалары осы шешімнің қосымшасына сәйкес жаңа редакцияда мазмұндалсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
3 Ырғыз аудандық мәслихатының
2022 жылғы «30» наурыздағы
№ 118 шешімімен бекітілген
Ырғыз ауданында жергілікті қоғамдастықтың бөлек жиындарын өткізудің Қағидалары
1-тарау. Жалпы ережелер
1. Осы Ырғыз ауданында жергілікті қоғамдастықтың бөлек жиындарын өткізудің қағидалары «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 39-3-бабының 6-тармағына сәйкес әзірленді және ауыл, ауылдық округ, көше, көппәтерлі тұрғын үй тұрғындарының жергілікті қоғамдастығының бөлек жиындарын өткізудің үлгі тәртібін белгілейді.
2. Осы Қағидаларда мынадай негізгі ұғымдар пайдаланылады:
1) жергілікті қоғамдастық – шекараларында жергілікті өзін-өзі басқару жүзеге асырылатын, оның органдары құрылатын және жұмыс істейтін тиісті әкімшілік-аумақтық бөлініс аумағында тұратын тұрғындардың (жергілікті қоғамдастық мүшелерінің) жиынтығы;
2) жергілікті қоғамдастықтың бөлек жиыны – ауыл, шағын аудан, көше, көппәтерлі тұрғын үй тұрғындарының (жергілікті қоғамдастық мүшелерінің) жергілікті қоғамдастық жиынына қатысу үшін өкілдерді сайлауға тікелей қатысуы.
2-тарау. Жергілікті қоғамдастықтың бөлек жиындарын өткізудің тәртібі
3. Жергілікті қоғамдастықтың бөлек жиынын өткізу үшін ауылдық округтің аумағы учаскелерге (ауылдар, көшелер, көппәтерлі тұрғын үйлер) бөлінеді.
4. Жергілікті қоғамдастықтың бөлек жиындарында жергілікті қоғамдастық жиынына қатысу үшін саны үш адамнан аспайтын өкілдер сайланады.
5. Жергілікті қоғамдастықтың бөлек жиынын ауылдық округтің әкімі шақырады және ұйымдастырады.
6. Жергілікті қоғамдастықтың халқына жергілікті қоғамдастықтың бөлек жиындарының шақырылу уақыты, орны және талқыланатын мәселелер туралы ауылдық округ әкімі бұқаралық ақпарат құралдары арқылы немесе Ырғыз ауданы әкімдігінің irgizakimat@aktobe.gov.kz сайты арқылы олар өткізілетін күнге дейін күнтізбелік он күннен кешіктірмей хабарлайды.
7. Ауыл, көше, көппәтерлі тұрғын үй шегінде бөлек жергілікті қоғамдастық жиынын өткізуді ауылдық округ әкімі ұйымдастырады.
Шағын аудан немесе көше шегінде көппәтерлі үйлер болған жағдайда, көппәтерлі үйдің бөлек жиындары өткізілмейді.
8. Жергілікті қоғамдастықтың бөлек жиынының ашылуы алдында тиісті ауылдың, көшенің, көппәтерлі тұрғын үйдің қатысып отырған, оған қатысуға құқығы бар тұрғындарын тіркеу жүргізіледі.
Жергілікті қоғамдастықтың бөлек жиыны осы ауылда, көшеде, көппәтерлі үйде тұратын және оған қатысуға құқығы бар тұрғындардың (жергілікті қоғамдастық мүшелерінің) кемінде он пайызы қатысқан кезде өтті деп есептеледі.
9. Жергілікті қоғамдастықтың бөлек жиынын ауылдық округ әкімі немесе ол уәкілеттік берген тұлға ашады.
Ауылдық округ әкімі немесе ол уәкілеттік берген тұлға бөлек жергілікті қоғамдастық жиынының төрағасы болып табылады.
Жергілікті қоғамдастықтың бөлек жиынының хаттамасын ресімдеу үшін ашық дауыс берумен хатшы сайланады.