Қазақстан Республикасының Үкіметі ҚАУЛЫ ЕТЕДІ:

көрсетілген қаулымен бекітілген Қазақстан Республикасы Энергетика министрлігі туралы ережеде:
16-тармақта:
орталық аппараттың функцияларында:
48-1) тармақша мынадай редакцияда жазылсын:
«48-1) Қазақстан Республикасының уран кен орындарын игеру жөніндегі орталық комиссия туралы ережені әзірлейді және бекітеді, ережеде оның қызметін ұйымдастыру, құрамы, жұмыс регламенті және іс қағаздарын жүргізу айқындалады;»;
мынадай мазмұндағы 82-1) тармақшамен толықтырылсын:
«82-1) банктік салым кепілі шартын жасасу тәртібін және оның көмірсутектер мен уран өндіру саласындағы үлгілік нысанын әзірлейді және бекітеді;»;
мынадай мазмұндағы 180-1) тармақшамен толықтырылсын:
«180-1) радиоактивті қалдықтарға нормативтерді белгілейді;»;
мынадай мазмұндағы 423-1) тармақшамен толықтырылсын:
«423-1) мемлекеттік орган қабылдаған көмірсутектер және уран өндіру саласындағы жер қойнауын пайдалану жөніндегі операциялардың салдарын жою бойынша міндеттемелерді орындауды қамтамасыз етулерді ұсыну және есепке алу тәртібін айқындайды;»;
мынадай мазмұндағы 431-1) тармақшамен толықтырылсын:
«431-1) пайдалы қатты қазбалар саласындағы уәкілетті органмен бірлесіп, жер қойнауы ресурстары залалын экономикалық бағалау әдістемесін әзірлейді және бекітеді;»;
ведомствоның функцияларында:
28) тармақша мынадай редакцияда жазылсын:
«28) радиациялық қауіпсіздікті қамтамасыз ету саласында, оның ішінде радиоактивті қалдықтармен жұмыс істеуге байланысты қызметке мемлекеттік бақылауды және қадағалауды жүзеге асырады;»;
мынадай мазмұндағы 23-1-тармақпен толықтырылсын:
«23-1. Аппарат басшысы аумақтық органдар басшыларының орынбасарларын лауазымға тағайындайды және лауазымнан босатады.»;
Қазақстан Республикасы Энергетика министрлігінің қарамағындағы ұйымдардың тізбесінде:
6-тармақ алып тасталсын.

Бұл ретте осы қаулының 1-тармағының тоғызыншы, оныншы, он алтыншы және он жетінші абзацтары 2021 жылғы 2 қаңтардағы Қазақстан Республикасының Экологиялық кодексіне сәйкес 2021 жылғы 1 шілдеден бастап қолданысқа енгізіледі.