мен толықтырулар енгізу туралы
БҰЙЫРАМЫН:
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына (нормативтік құқықтық актілерді мемлекеттік тіркеу тізілімінде № 14441 болып тіркелген) мынадай өзгерістер мен толықтырулар енгізілсін:
кіріспе мынадай редакцияда жазылсын:
«Қазақстан Республикасының «Сыбайлас жемқорлыққа қарсы іс-қимыл туралы» Заңының 8-бабының 5-тармағына сәйкес БҰЙЫРАМЫН:»;
көрсетілген бұйрықпен бекітілген Сыбайлас жемқорлық тәуекелдеріне сыртқы талдау жүргізудің үлгілік қағидаларында:
10-тармақтың екінші бөлігі мынадай редакцияда жазылсын:
«Сыбайлас жемқорлыққа қарсы саясат жөніндегі уәкілетті орган талдау объектісінің қызметіндегі сыбайлас жемқорлық тәуекелдеріне сыртқы талдау жүргізген жағдайда, сыбайлас жемқорлық тәуекелдеріне ішкі талдау ол аяқталған күннен бастап бір жыл өткен соң жүргізіледі.»;
13-тармақ мынадай редакцияда жазылсын:
«13. Мынадай мәселелер талдау объектісінің ұйымдастырушылық-басқарушылық қызметі деп түсініледі:
1) персоналды басқару, оның ішінде сыбайлас жемқорлық тәуекелдеріне шалдыққан лауазымдарды айқындау;
2) мүдделер қақтығысын алдын алу және реттеу;
3) мемлекеттік қызметтер көрсету;
4) рұқсат беру функцияларын іске асыру;
5) бақылау-тексеру функцияларын іске асыру;
6) бюджет және қаржы қаражатын игеру және бөлу;
7) мемлекеттік сатып алуларды жүзеге асыру;
8) бюджеттік жоспарлау;
9) жеке және заңды тұлғалармен шарттар жасасу;
10) цифрлық жүйелерді әзірлеу және пайдалану;
11) талдау объектісінің ұйымдастырушылық-басқарушылық қызметінен туындайтын өзге де мәселелер.»;
15-тармақта:
мынадай мазмұндағы 3-1) тармақшамен толықтырылсын:
«3-1) талдау объектісінің қызметіне байланысты мәселелер бойынша заңды күшіне енген сот актілері;»;
мынадай мазмұндағы 7-1) тармақшамен толықтырылсын:
«7-1) талдау объектісінің ішкі сыбайлас жемқорлық тәуекелдеріне қатысты болуы мүмкін ақпаратты қамтитын әлеуметтік желілерде және интернет-ресурстарда жарияланған жарияланымдар, өтініштер және өзге де мәліметтер;»;
2-тарау мынадай мазмұндағы 19-1-тармақпен толықтырылсын:
«19-1. Ішкі сыбайлас жемқорлық тәуекелдеріне талдау нәтижелері бойынша ішкі талдау субъектісі сыбайлас жемқорлық тәуекелдеріне сыртқы талдау жүргізу қажеттілігі туралы сыбайлас жемқорлыққа қарсы саясат жөніндегі уәкілетті органға сұрау салуға құқылы.»;
21-тармақ мынадай редакцияда жазылсын:
«21. Сыбайлас жемқорлық тәуекелдеріне шалдыққан лауазымдардың тізбесін әдеп жөніндегі уәкілдер, сыбайлас жемқорлыққа қарсы комплаенс-қызметтер және өзге де құрылымдық бөлімшелер немесе мемлекеттік органдардың, ұйымдардың және квазимемлекеттік сектор субъектілерінің сыбайлас жемқорлыққа қарсы іс-қимыл саласындағы Қазақстан Республикасының заңнамасын бұзушылықтардың алдын алу және оларға жол бермеу жөніндегі функцияларды жүзеге асыратын тұлғалары сыбайлас жемқорлық тәуекелдеріне шалдыққан лауазымдарды атқаратын адамдармен жүйелі профилактикалық жұмысты ұйымдастыру кезінде пайдаланады.»;
26-тармақ мынадай мазмұндағы екінші бөлікпен толықтырылсын:
«Анықталған сыбайлас жемқорлық тәуекелдері және іс-шаралар жоспарының орындалу барысы туралы ақпарат ішкі талдау субъектісінің бірінші басшысына жарты жылда бір рет, 15 қаңтар және 15 шілдеге дейін ұсынылады.».