О внесении изменений в постановление Правительства Республики Казахстан от 2 апреля 2014 года № 301 «Об утверждении Правил возмещения расходов участников национального превентивного механизма по превентивным посещениям»
Деректемелер және дереккөз
- Толық атауы
- О внесении изменений в постановление Правительства Республики Казахстан от 2 апреля 2014 года № 301 «Об утверждении Правил возмещения расходов участников национального превентивного механизма по превентивным посещениям»
- Атауы (қаз.)
- «Ұлттық алдын алу тетігі қатысушыларының алдын ала болу бойынша шығыстарын өтеу қағидаларын бекіту туралы» Қазақстан Республикасы Үкіметінің 2014 жылғы 2 сәуірдегі № 301 қаулысына өзгерістер енгізу туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 580
- Қабылданған күні
- 01.08.2019
- Көрсетілген редакция
- 01.08.2019 133699_416901.kaz
- Соңғы өзгеріс
- 01.08.2019
- Мәтін тілі
- қазақша
- НҚА мемлекеттік тіркеу нөмірі
- P1900000580
- ЭКБ идентификаторы
- 133699
- Редакция идентификаторы
- 133699_416901
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 18:55
0 «Ұлттық алдын алу тетігі қатысушыларының алдын ала болу бойынша шығыстарын өтеу қағидаларын бекіту туралы» Қазақстан Республикасы Үкіметінің 2014 жылғы 2 сәуірдегі № 301 қаулысына өзгерістер енгізу туралы
Қазақстан Республикасының Үкіметі ҚАУЛЫ ЕТЕДІ:
1 1. «Ұлттық алдын алу тетігі қатысушыларының алдын ала болу бойынша шығыстарын өтеу қағидаларын бекіту туралы» Қазақстан Республикасы Үкіметінің 2014 жылғы 2 сәуірдегі № 301 қаулысына (Қазақстан Республикасының ПҮАЖ-ы, 2014 ж., № 25, 196-құжат) мынадай өзгерістер енгізілсін:
көрсетілген қаулымен бекітілген Ұлттық алдын алу тетiгi қатысушыларының алдын ала болу бойынша шығыстарын өтеу қағидаларында:
5-тармақтың 1) тармақшасының үшінші абзацы мынадай редакцияда жазылсын:
«ұсынылған растау құжаттары (фискалдық чек, кассалық кіріс ордері, шот-фактура, шот, жүкқұжат, хабарлама, тұру үшін құжаттар дара кәсіпкерден ұсынылған жағдайда тұлғаның мүлікті жалға беруге құқығын растайтын құжаттар (жалға беру шарты, патент, куәлік) және мейманханалық қызмет беруші ұсынатын басқа да растайтын құжаттар қосымша ұсынылады, бұл ретте тұрғын үй-жайды тәулігіне жалдау бойынша шығыстар сомасы Нұр-Сұлтан, Алматы, Шымкент, Атырау, Ақтау және Байқоңыр қалаларында айлық есептік көрсеткіштің жеті еселенген мөлшерінен, облыс орталықтары мен облыстық маңызы бар қалаларда айлық есептік көрсеткіштің алты еселенген мөлшерінен, аудан орталықтарында, аудандық маңызы бар қалаларда және Ақмола облысы Бурабай ауданының Бурабай кентінде айлық есептік көрсеткіштің төрт еселенген мөлшерінен, ауылдық округтерде айлық есептік көрсеткіштің екі еселенген мөлшерінен аспауға тиіс;»;
5-тармақтың 2) тармақшасы мынадай редакцияда жазылсын:
«2) ұлттық алдын алу тетігінің әрбір қатысушысына алдын ала болу қорытындылары бойынша жыл сайынғы шоғырландырылған баяндама үшін жиналған материалдарды өңдеуді, ұсыныстар мен ұсынымдар, ақпарат дайындауды қоса алғанда, болу қорытындылары бойынша есепті дайындауға байланысты он екі айлық есептік көрсеткіш мөлшеріндегі шығыстар;»;
6-тармақтың 5) тармақшасы мынадай редакцияда жазылсын:
«5) ұлттық алдын алу тетігі қатысушысының басқа жерге шығу күнін және негізгі жұмыс (қызмет) орнына келу күнін қамтитын алдын ала болу уақыты ішінде негізгі жұмыс (қызмет) орны сақталады және Қазақстан Республикасы Еңбек кодексінің 124-бабының 1 және 2-тармақтарына сәйкес жалақы төленеді.»;
көрсетілген Қағидаларға 1-қосымшада:
6-бағанның тақырыбы мынадай редакцияда жазылсын:
«Алдын ала болу нәтижелері бойынша топтың есебін дайындауға байланысты шығыстар (12 АЕК мөлшерінде)».