О внесении изменений в решение Шалкарского районного маслихата от 2 ноября 2020 года № 565 «Об утверждении Правил оказания социальной помощи, установления размеров и определения перечня отдельных категорий нуждающихся граждан в Шалкарском районе»
Деректемелер және дереккөз
- Толық атауы
- О внесении изменений в решение Шалкарского районного маслихата от 2 ноября 2020 года № 565 «Об утверждении Правил оказания социальной помощи, установления размеров и определения перечня отдельных категорий нуждающихся граждан в Шалкарском районе»
- Атауы (қаз.)
- Шалқар аудандық мәслихатының 2020 жылғы 2 қарашадағы № 565 «Шалқар ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы» шешіміне өзгерістер енгізу туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 277
- Қабылданған күні
- 01.09.2022
- Көрсетілген редакция
- 15.09.2023 171469_657334.kaz
- Соңғы өзгеріс
- 15.09.2023
- Мәтін тілі
- қазақша
- НҚА мемлекеттік тіркеу нөмірі
- V22CM029430
- ЭКБ идентификаторы
- 171469
- Редакция идентификаторы
- 171469_657334
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 00:21
0 Шалқар аудандық мәслихатының 2020 жылғы 2 қарашадағы № 565 «Шалқар ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы» шешіміне өзгерістер енгізу туралы
ШЕШТІ:
1. Шалқар аудандық мәслихатының «Шалқар ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы» 2020 жылғы 2 қарашадағы № 565 (нормативтік құқықтық актілерді мемлекеттік тіркеу Тізілімінде № 7650 тіркелген) шешіміне келесі өзгерістер енгізілсін:
көрсетілген шешіммен бекітілген Шалқар ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларында:
2 тармағының 4) тармақшасы жаңа редакцияда жазылсын:
«4) ең төмен күнкөріс деңгейі - «Қазақстан Республикасының Стратегиялық жоспарлау және реформалар агенттігі Ұлттық статистика бюросының Ақтөбе облысы бойынша департаменті» Республикалық мемлекеттік мекемесі есептейтін ең төмен тұтыну себетінің құнына тең, бір адамға қажетті ең төмен ақшалай кіріс;»;
9 тармағының 5) тармақшасы жаңа редакцияда жазылсын:
«5) мүгедектігі бар балаларды үйде оқытуға жұмсалған шығындарды өтеуге мүгедектігі бар балалардың ата-аналарына немесе заңды өкілдеріне, білім беру кезеңіне бір мүгедектігі бар балаға, 2 (екі) айлық есептік көрсеткіш мөлшерінде «Шалқар ауданының білім бөлімі» мемлекеттік мекемесінің ұсынған тізімдері негізінде;»;
10 тармағы алынып тасталсын.
11 тармағының 5) тармақшасы жаңа редакцияда жазылсын:
«5) Мүгектігі бар адамдарға, Конституция күніне орай 50 000 (елу мың) теңге мөлшерінде көрсетіледі.»;
12 тармағының 5) тармақшасы жаңа редакцияда жазылсын:
«5) мүгектігі бар адамдарға, оның ішінде 18 жасқа дейінгі мүгедектігі бар баланы тәрбиелеп отырған адамдарға, 60 000 (алпыс мың) теңгеден артық емес мөлшерде;»;
16 тармағы алынып тасталсын.
17 тармақ жаңа редакцияда жазылсын:
«17. Атаулы күндері мен мерекелік күндеріне әлеуметтік көмек алушылардан өтініштер талап етілмей уәкілетті ұйымның не өзгеде ұйымдардың ұсынымы бойынша Шалқар ауданы ЖАО бекіткен тізімі бойынша көрсетіледі.
Азаматтардың кейбір санаттарының әр түрлі атаулы күндері мен мерекелік күндеріне (санатына байланысты) әлеуметтік көмек алуға құқығы болған жағдайда әлеуметтік көмектің бір түрі көрсетіледі (көлемі бойынша үлкені).»;
20 тармағының орыс тіліндегі мәтініне өзгеріс енгізілді, қазақ тіліндегі мәтіні өзгермейді;