Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, Құрық ауылының әкімі ШЕШІМ ҚАБЫЛДАДЫ:

1. Құрық ауылы әкімінің 2008 жылғы 20 тамыздағы № 91 «Құрық ауылы аумағынан жаңа тұрғын үй салу үшін дайындалған жерге атау беру туралы» шешіміне (нормативтік құқықтық актілерді мемлекеттік тіркеу Тізілімінде № 11-4-65 болып тіркелген, 2008 жылғы 16 қыркүйектегі «Қарақия» газетінде жарияланған) келесідей өзгерістер мен толықтыру енгізілсін:
көрсетілген шешімнің:
1) тақырыбы жаңа редакцияда жазылсын:
«Құрық ауылы аумағынан жаңа тұрғын үй құрылысын салу үшін дайындалған жерге атау беру туралы»;
2) кіріспесі жаңа редакцияда жазылсын:
«Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы», 2013 жылғы 21 қаңтардағы «Қазақстан Республикасының кейбір заңнамалық актілеріне ономастика мәселелері бойынша өзгерістер мен толықтырулар енгізу туралы», 2016 жылғы 6 сәуірдегі «Құқықтық актілер туралы» Заңдарына және ауыл тұрғындарының пікірлерін ескере отырып, Құрық ауылының әкімі ШЕШІМ ҚАБЫЛДАДЫ:»;
3) 1 тармағы жаңа редакцияда жазылсын:
«Жеке тұрғын үй құрылысын салу үшін Құрық – Ералиев станциясы автокөлік жолының батыс жағында орналасқан жерге «Маңғыстау» атауы берілсін.»;
4) 2 тармағы жаңа редакцияда жазылсын:
«Құрық ауылы әкімінің аппараты» мемлекеттік мекемесі (М.Арқалықов) осы қаулының әділет органдарында мемлекеттік тіркелуін, оның «Әділет» ақпараттық-құқықтық жүйесі мен бұқаралық ақпарат құралдарында оның ресми жариялануын қамтамасыз етсін.»;
5) 3 тармақпен толықтырылсын:
«Осы шешім әділет органдарында мемлекеттік тіркелген күнінен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.».