О внесении изменений в решение маслихата города Астаны от 20 июля 2017 года № 167/21-VI «О Порядке оказания социальной помощи отдельным категориям граждан города Астаны в виде освобождения от оплаты за проезд на маршрутах городского пассажирского транспорта»
Деректемелер және дереккөз
- Толық атауы
- О внесении изменений в решение маслихата города Астаны от 20 июля 2017 года № 167/21-VI «О Порядке оказания социальной помощи отдельным категориям граждан города Астаны в виде освобождения от оплаты за проезд на маршрутах городского пассажирского транспорта»
- Атауы (қаз.)
- «Астана қаласы азаматтарының жекелеген санаттарына қалалық бағдарлардың жолаушылар көлігінде жол жүруге төлем төлеуден босату түрінде әлеуметтік көмек көрсету тәртібі туралы» Астана қаласы мәслихатының 2017 жылғы 20 шілдедегі № 167/21-VI шешіміне өзгерістер енгізу туралы
- Акт түрі
- Өзге акт
- Заңдық күші
- Қолданыста
- Тізілімдегі мәртебе коды
- new
- Нөмірі
- 244/30-VI
- Қабылданған күні
- 29.03.2018
- Көрсетілген редакция
- 29.03.2018 120965_339584.kaz
- Соңғы өзгеріс
- 29.03.2018
- Мәтін тілі
- қазақша
- НҚА мемлекеттік тіркеу нөмірі
- V18AAZ01169
- ЭКБ идентификаторы
- 120965
- Редакция идентификаторы
- 120965_339584
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 01:05
0 «Астана қаласы азаматтарының
жекелеген санаттарына қалалық
бағдарлардың жолаушылар көлігінде
жол жүруге төлем төлеуден босату
түрінде әлеуметтік көмек көрсету
тәртібі туралы» Астана қаласы
мәслихатының 2017 жылғы 20 шілдедегі
№ 167/21-VI шешіміне өзгерістер енгізу туралы
«Қазақстан Республикасында мүгедектердi әлеуметтiк қорғау туралы»
2005 жылғы 13 сәуірдегі Қазақстан Республикасы Заңының 16-бабына, «Қазақстан Республикасы астанасының мәртебесі туралы» 2007 жылғы
21 шілдедегі Қазақстан Республикасы Заңы 8-бабының 3-тармақшасына сәйкес Астана қаласының мәслихаты ШЕШІМ ҚАБЫЛДАДЫ:
1
1. «Астана қаласы азаматтарының жекелеген санаттарына қалалық бағдарлардың жолаушылар көлігінде жол жүруге төлем төлеуден босату түрінде әлеуметтік көмек көрсету тәртібі туралы» Астана қаласы мәслихатының 2017 жылғы 20 шілдедегі № 167/21-VI шешіміне (Нормативтік құқықтық актілерді мемлекеттік тіркеу тізілімінде № 1124 болып тіркелген, 2017 жылғы 19 тамыздағы «Астана ақшамы», «Вечерняя Астана» газеттерінде жарияланған) мынадай өзгерістер енгізілсін:
жоғарыда көрсетілген шешіммен бекітілген Астана қаласы азаматтарының жекелеген санаттарына қалалық бағдарлардың жолаушылар көлігінде жол жүруге төлем төлеуден босату түрінде әлеуметтік көмек көрсету тәртібінде:
2-тармақтағы «Астана қаласының Жұмыспен қамту, еңбек және әлеуметтік қорғау басқармасы» деген сөздер «Астана қаласының Жұмыспен қамту және әлеуметтік қорғау басқармасы» деген сөздермен ауыстырылсын;
3-тармақтағы «Астана қаласының жолаушылар көлігі басқармасы» деген сөздер «Астана қаласының Көлік және жол-көлік инфрақұрылымын дамыту басқармасы» деген сөздермен ауыстырылсын;
4-тармақ мынадай редакцияда жазылсын:
«4. Әлеуметтік көмекті көрсету үшін қажет болған жағдайда, сондай-ақ тоқсан сайын бір рет:
«Азаматтарға арналған үкімет» мемлекеттік корпорациясы» коммерциялық емес акционерлық қоғамының Астана қаласы бойынша филиалы – «Әлеуметтік төлемдерді ведомствоаралық есептеу орталығы» департаментімен – Тәртіптің 5-тармағында көрсетілген санаттарға жататын азаматтар туралы;
әкімшімен – 2018 жылдың 1 қаңтарынан бастап көп балалы отбасылар бойынша мәліметтер (электрондық және қағаз жеткізгіштерде) Басқармаға ұсынылады.»;
5-тармақ мынадай редакцияда жазылсын:
«5. Әлеуметтік көмек азаматтардың мына санаттарына:
1) Ұлы Отан соғысының қатысушылары мен мүгедектерiне және соларға теңестiрiлген адамдарға;
2) жасы бойынша және еңбек сiңiрген жылдары бойынша зейнеткерлерге, сонымен қатар жасына байланысты және зейнеткерлік жасқа жеткен асыраушысынан айырылу жағдайы бойынша мемлекеттік әлеуметтік жәрдемақы алушыларға;
3) көп балалы аналарға;
4) көп балалы отбасыларға;
5) мүгедектерге;
6) он сегiз жасқа дейiнгi мүгедек балаларға, оның ішінде ата-анасының (заңды өкiлдерінің) біреуіне ұсынылады.».