«Алматы қаласы Цифрландыру басқармасы» коммуналдық
мемлекеттік мекемесі туралы ережені бекіту туралы»
2019 жылғы 20 қыркүйектегі №3/548 қаулысына өзгерістер мен толықтырулар енгізу туралы
Алматы қаласының әкімдігі ҚАУЛЫ ЕТЕДІ:

аталған қаулымен бекітілген «Алматы қаласы Цифрландыру басқармасы» коммуналдық мемлекеттік мекемесі туралы ережеде:
16 тармақтағы:
1 тармақша келесі редакцияда жазылсын:
«1) ақпараттық-коммуникациялық технологиялар және ақпараттық қауіпсіздікті қамтамасыз ету, деректерді басқару талаптары саласындағы бірыңғай талаптардың сақталуын қамтамасыз ету;»;
15 тармақша келесі редакцияда жазылсын:
«15) ақпараттық-коммуникациялық қызметтерді сатып алу;».
22, 23-тармақшалар алынып тасталсын;
келесі мазмұндағы 30-3) - 30-20) тармақшаларымен толықтырылсын:
«30-3) байланыс операторлары көрсететін байланыс қызметтерінің сапасына мемлекеттік бақылауды жүзеге асыру;
30-4) операторға «электрондық үкімет» веб-порталын ақпараттық толықтырып отыру үшін қажетті электрондық ақпараттық ресурстарды беру;
30-5) операторға деректерді басқару талаптарына сәйкес деректерді талдауды жүзеге асыру үшін электрондық ақпараттық ресурстарға қолжетімділік беру;
30-6) деректерді басқару талаптарына сәйкес деректерді «электрондық үкіметтің» ақпараттық-коммуникациялық платформасына беру;
30-7) инвестициялар тарту жүйесін және ақпараттандыру саласындағы инвестициялық жобаларды әзірлеу мен іске асыруды ынталандыру тетіктерін жетілдіру жөніндегі қызметті жүзеге асыру;
30-8) ақпараттық-коммуникациялық технологиялар саласын дамыту үшін жағдай жасау;
30-9) платформалық бағдарламалық өнімдерді әзірлеу және орналастыру;
30-10) Алматы қаласының шегінде жеке кәсіпкерлік субъектілеріне қатысты ақпараттандыру саласындағы мемлекеттік бақылауды жүзеге асыру;
30-11) ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптардың орындалуына мониторингті жүзеге асыру;
30-12) өз құзыреті шегінде ақпараттық-коммуникациялық инфрақұрылымның сын тұрғыдан маңызды объектілеріне жататын объектілерді айқындау;
30-13) Алматы қаласы аумағында жеке кәсіпкерлік субъектілеріне қатысты Қазақстан Республикасының дербес деректер және оларды қорғау туралы заңнамасының сақталуына мемлекеттік бақылауды жүзеге асыру;
30-14) субъектінің немесе оның заңды өкілінің дербес деректер мазмұнының және оларды өңдеу тәсілдерінің оларды өңдеу мақсаттарына сәйкестігі туралы жолданымдарын қарау және тиісті шешімдер қабылдау;
30-15) Қазақстан Республикасының дербес деректер және оларды қорғау туралы заңнамасының бұзылуына жол берген адамдарды Қазақстан Республикасының заңдарында белгіленген жауаптылыққа тарту жөніндегі шараларды қабылдау;
30-16) меншік иесінен және (немесе) оператордан, сондай-ақ үшінші тұлғадан анық емес немесе заңсыз жолмен алынған дербес деректерді нақтылауды, бұғаттауды немесе жоюды талап ету;
30-17) субъектілердің дербес деректер саласындағы құқықтарын қорғауды жетілдіруге бағытталған шараларды жүзеге асыру;
30-18) Алматы қаласы аумағында Қазақстан Республикасының Ұлттық архивінің және орталық мемлекеттік архивтердің жинақтау көздерін қоспағанда, Қазақстан Республикасының электрондық құжат және электрондық цифрлық қолтаңба туралы заңнамасының сақталуына мемлекеттік бақылауды жүзеге асыру;
30-19) Алматы қаласы аумағында электрондық құжат айналымы және электрондық архивтер саласындағы мемлекеттік саясатты іске асыру;
30-20) Алматы қаласы аумағында электрондық құжат айналымы мен электрондық архивтер мәселелеріне әдістемелік басшылықты жүзеге асыру».

2) осы қаулыны Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасының нормативтік құқықтық актілерінің эталондық бақылау банкіне енгізу үшін жолдауды қамтамасыз етсін.