««Жер қойнауы ресурстары залалын экономикалық бағалау әдістемесін бекіту туралы» Қазақстан Республикасы Индустрия және инфрақұрылымдық даму министрінің міндетін атқарушының 2021 жылғы 20 тамыздағы № 457 және Қазақстан Республикасы Энергетика министрінің 2021 жылғы 23 тамыздағы № 274 бірлескен бұйрығына өзгерістер енгізу туралы»
БҰЙЫРАМЫЗ:

1. «Жер қойнауы ресурстары залалын экономикалық бағалау әдістемесін бекіту туралы» Қазақстан Республикасы Индустрия және инфрақұрылымдық даму министрінің міндетін атқарушының 2021 жылғы 20 тамыздағы № 457 және Қазақстан Республикасы Энергетика министрінің 2021 жылғы 23 тамыздағы № 274 бірлескен бұйрығына (Нормативтік құқықтық актілерді мемлекеттік тіркеу тізілімінде № 24132 болып тіркелген) мынадай өзгерістер енгізілсін:
көрсетілген бірлескен бұйрықпен бекітілген Жер қойнауы ресурстары залалын экономикалық бағалау әдістемесінде:
3-тармақ жаңа редакцияда жазылсын:
«Көмірсутектерді барлау мен өндіру кезінде жер қойнауын ұтымды және кешенді пайдалану бойынша талаптардың бұзылуы салдарынан келтірілген залалдың мөлшері Қазақстан Республикасы Энергетика министрінің 2018 жылғы 26 сәуірдегі № 141 бұйрығымен бекітілген (Нормативтік құқықтық актілерді мемлекеттік тіркеу тізілімінде № 17030 болып тіркелген) көмірсутектерді барлау мен өндіру кезінде жер қойнауын ұтымды және кешенді пайдалану бойынша талаптардың бұзылуы салдарынан келтірілген залалдың мөлшерін айқындау қағидаларына (бұдан әрі – Қағидалар) сәйкес айқындалады.
Уран өндіру кезінде жер қойнауын ұтымды және кешенді пайдалану жөніндегі талаптарды бұзу салдарынан келтірілген залалдың мөлшері «Жер қойнауы және жер қойнауын пайдалану туралы» Қазақстан Республикасы Кодексінің 174-бабының 5-тармағына сәйкес белгіленген тәртіппен айқындалады»;
6-тармақтың үшінші бөлігі жаңа редакцияда жазылсын:
«Жер қойнауын заңсыз пайдалану, оның ішінде пайдалы қазбаларды заңсыз алу (өндіру) нәтижесінде келтірілген залалды экономикалық бағалау мөлшерін айқындау үшін қажетті мәліметтер жеткіліксіз болған жағдайда, пайдалы қатты қазбалар саласындағы уәкілетті органның, көмірсутектер саласындағы уәкілетті органның және уран саласындағы уәкілетті органның, астананың, облыстардың, республикалық маңызы бар қаланың жергілікті атқарушы органдарының лауазымды адамдары қосымша материалдар сұратады»;
17-тармақ жаңа редакцияда жазылсын:
«17. Кең таралған пайдалы қазбаларды (бұдан әрі – КТПҚ) өндіру кезінде жер қойнауын заңсыз пайдалану нәтижесіндегі келтірілген залалдың мөлшері астананың, облыстың, республикалық маңызы бар қаланың жергілікті атқарушы органымен мынадай формула бойынша айқындалады:
З = (ӨкӨқ) + (ӨкӨқБмм),
мұнда:
З – жер қойнауы ресурстарына келтірілген залалдың мөлшері;
Өк– заңсыз өндірілген пайдалы қазбалардың көлемі, тонна/текше метр;
Өқ – заңсыз өндірілген КТПҚ құны;
Бмм– залал мөлшері айқындалатын айдың бірінші жұмыс күніне Қазақстан Республикасының Ұлттық Банкі белгілеген базалық мөлшерлеменің мөлшері,%».

3) осы бірлескен бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Атом энергиясы жөніндегі агенттігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

КЕЛІСІЛДІ
Қазақстан Республикасының Экология және
табиғи ресурстар министрлігі