Об инструкции о порядке бюджетного кредитования субъектов малого предпринимательства Акмолинской области в 2002 году Күшін жойған

Ақмола облысының шағын кәсіпкерлік субъектілерін 2002 жылы бюджеттік несиелендіру тәртібі жөніндегі нұсқау туралы 📌 Ескерту. Күші жойылды - Ақмола облысы әкімдігінің 16.01.2003 № а-2/15 қаулысымен. Ақмола облыстық мәслихатының 2001 жылғы 20 желтоқсандағы «2002 жылғы облыстық бюджет туралы» № С/13-2 шешімін жүзеге асыру мақсатында, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» № 148-II Заңына және, ҚР Үкіметінің 2000 жылғы 22 қыркүйекте қабылданған «ҚР Үкіметі мен, ҚР жергілікті атқару органдарының несие беру Ережесін бекіту туралы» № 1440 қаулысына сәйкес облыс әкімі шешім қабылдады:

1. 2001 ж. Ақмола облысының шағын кәсіпкерлік субъектілерін бюджеттік несиелеу тәртібі туралы нұсқауды басшылыққа алып облыстық бюджет қаржысынан несиелеуді жүзеге асыру (қосымша).

2. Бюджеттік несиелеу бағдарламасының әкімшісі болып облыстық экономика және шағын бизнесті дамыту басқармасы белгіленсін.

3. Бағдарлама әкімшісі бөлінген бюджеттік қаражатты Ақмола облысының 2002 жылды шағын кәсіпкерлік субъектілерін бюджеттік несиелеу тәртібі туралы Нұсқауға сәйкес уақытында және толық пайдалануын қамтамасыз етсін.

4. Осы шешім Ақмола облыстық әділет басқармасында тіркелген күннен бастап күшіне енеді.

5. Осы шешімнің орындауын бақылау облыс әкімінің орынбасары Д.З. Әділбековке жүктелсін.

6. Облыс әкімінің 22 мамыр 2001 жылғы № 106 «Шағын кәсіпкерлік субъектілерін бюджеттік несиелендіру жөніндегі комиссия құрамы туралы» шешімінің күші жойылсын.

Қосымша 1 Акмола облысы әкімінің шешіміне № 4 от «28» 01 2002 ж. Ақмола облысының шағын кәсіпкерлік субъектілерін 2002 жылы бюджеттік несиелендіру тәртібі туралы НҰСҚАУ

1. Жалпы шарты

1. Осы Нұсқау ҚР Президенті 1997 жылғы наурыздың 6-ы қабылдаған «Шағын кәсіпкерлікті мемлекеттік қолдау және дамыту белсендіру бойынша шаралар туралы» № 3398, 1995 жылғы тамыздың 31-і қабылданған «ҚР банктер және банк қызметі туралы» № 2444 Жарлықтарға, ҚР 1997 жылғы маусымның 19-ы қабылданған «Шағын кәсіпкерлікті мемлекеттік қолдау туралы» № 131-1 Заңына, сондай-ақ ҚР Үкіметі 2000 жылғы қыркүйектің 22-і қабылданған «ҚР Үкіметі және жергілікті атқарушы органдардың несие беретін Ережесін бекіту туралы» № 1440 Қаулысына сәйкес әзірленген.

2. Осы Нұсқау белгілейді:

1) облыстық бюджет қаражатынан шағын кәсіпкерлік субъектілерін несиелеу тәртібі, шарты, мерзімі және механизмі;

2) шағын кәсіпкерлік субьектілерін тең қаржыландыру тәртібімен бюджеттік несиелеу туралы банк-несиесімен келісім шарты;

3) несиелік қаражатты қайтару тәртібі мен механизмі.

3. Бюджеттік несиелеудің негізгі мақсаты облыстық мәслихаттың IX кезектен тыс сессиясы 2001 жылғы 11 мамырда өз шешімімен бекіткен Ақмола облысының шағын кәсіпкерлікті 2001-2002 ж.ж. дамыту және қолдау аймақтық бағдарламасын орындау болып табылады.

4. Бюджрттік несиелеу мақсаттандырылған болып табылады және ең алдымен Ақмола облысының шағын кәсіпкерлікті 2001-2002 ж.ж. дамыту және қолдау бағдарламасында белгіленген басымдылық бағыттарын несиелеуге бөлінеді.

5. Шағын бизнесті дамытуға бөлінген облыстық бюджет қаражаты ҚР 1997 жылғы маусымныц 19-ы қабылданған «Шағын кәсіпкерлікті мемлекеттік қолдау туралы» № 131-1 Заңының 3 бап талаптарына сәйкес шағын кәсіпкерлік субъектілерін несислеуге арналған.

2. Бюджеттік несиелеу шарты.

6. Облыс әкімиятының қаулысымен кеңестік-мәжілістік орган - облыс әкімінің жанында шағын кәсіпкерлік субъектілерін бюджеттік несиелеу бойынша Комиссия құрылады (бұдан былай - Комиссия). Несие беру немесе оны бермеу туралы, сондай-ақ үш айдан аспайтын мерзімге ұзарту туралы шешімді Комиссия қабылдайды.

7. Бюджеттік қаражаттан несиенің нақты сомасы, беру мерзімі, сондай-ақ облыстық қаржы басқармасы (бұдан былай Кредитор деп аталады), облыстық экономика және шағын бизнесті дамыту басқармасы (бұдан былай — бағдарлама әкімшісі) және банк-несие беруші (бұдан былай - банк) несиелік қызмет көрсетуге жасалатын келісімнің жалпы шарты облыс әкімінің жанындағы шағын кәсіпкерлік субъектілерін бюджетті несиелеу жөніндегі Комиссиямен белгіленеді. Нақты жағдайға қарап (экономикалық ахуалы, инфляцияның қарқыны, банкте қалыптасқан пайыздық ставка және т.б.) Комиссия бір несие алушыға несиелеу лимитін белгілеуге хұқылы.

8. Бюджеттік несиелер ұлттық валютамен (теңге) жеделдік, төлемдік, қайтарылымдық шартта беріледі.

9. Беру мерзіміне байланысты бюджеттік несие болады:

1) қысқа мерзімді - 1 жылға дейінгі мерзім;

2) орта мерзімді - 1 жылдан астам, бірақ 3 жылдан аспауы керек. Жеке жағдайларда орта мерзімді несиелеуде борыштың негізгі сомасын жабу және сыйақы төлеу бойынша жеңілдік кезең берілуі мүмкін.

10. Бюджеттік несиелеудің міндетті шарты кредитордың мүддесін қорғау, несиелік қатердің болмауын жасау болып табылады. Берілген бюджеттік несиенің қажет тиімділігіне қол жеткізу және оны уақытында қайтару мақсатында бюджеттік несиелер сыпақының келесі ставкалары бойынша беріледі: - Шағын кәсіпкерлік субъектілерін несиелеу бойынша қызмет көрсетуді мемлекеттік сатып алу жөнінде конкурс қорытындыса бойынша белгілінген ставкамен тек қана облыстық бюджет қаражаты есебінен бес жүз мың теңге шеңберінде берілетін несие бойынша; - Шағын кәсіпкерлік субъектілерін несиелеу бойынша қызмет көрсетуді мемлекеттік сатып алу жөнінде конкурс қорытындыса бойынша белгіленген ставкамен 100 % тең қаржыландыру жағдайында бес жүз мың теңгеден астам мөлшерде берілетін несие бойынша; ҚР «Бюджеттік ставка туралы» Заңының 1 бабына сәйкес сыпаңы ставкасы келесі тәртіпте есептеледі: - Конкурс қорытындысы бойынша белгіленген ставкадан 0,5 % астам облыстық бюджет кірісіне, қалған пайызы банк кірісіне бес жүз мың теңге сомасына берілген несие бойынша.

11. Несие алушыларға қойылатын негізгі талаптар:

1) бюджеттік несиелерді мерзімінде қайтару бойынша тиісті мүмкіншіліктің болуы;

2) бұрынғы алынған несиелер бойынша қарыздың болмауы;

3) берілген несиені мақсаттылықпен пайдалану. Бюджеттік қаражаттан қайтару негізінде жеңілдік несиесін беру несие алушы өндірістік қызметпен, экономиканың басымдық секторында айналысса, облыс үшін әлеуметтік маңызы бар қызмет көрсетуді кеңейтсе, сондай-ақ жұмыссыз азаматтарды жұмысқа орналастыру үшін жұмыс орындарын жасаса ғана жүзеге асырылады. Несие алушыға берілетін бюджеттік қаражатты олар жабдық сатып алуға, сондай-ақ айналымдағы қаражатты толықтыруға пайдалана алады. Несие алушыларға берілетін бюджеттік қаражат еңбек ақы бойынша борышты жабуға, бюджетке төлемақы беруге және т.б. пайдаланылмайды.

12. Несие алушының құжаттарына қойылатын талапты банктің өзі қояды, бірақ ол Кредитор, бағдарлама әкімшісі және Банк жасаған келісім шартына қайшы келмеуге тиіс.

3. Бюджеттік несиелеу тәртібі.

13. Несие алушы облыстың аудан, қала әкімияттарына несиелік өтініш пен бизнес-жобасын тапсырады.

14. Аудандар мен қалалардың шағын кәсіпкерлігін дамыту сұрақтары бойынша қоғамдық-эксперттік комиссиялар отырыстарында несиелік өтініштер мен бизнес-жобалар 3 күнтізбелік күн ішінде қаралады.

15. Шағын кәсіпкерлік субъектілерін бюджеттік несиелеу туралы шешім қабылданған жағдайда несиелік өтініштер мен бизнес-жобалар залогтік қамсыздандыруды растайтын құжаттармен бірге облыстық экономика және шағын бизнесті дамыту басқармасына (бұдан былай — бағдарлама әкімшісі) жіберіледі. Несие берілмейтін жағдайда несие сұраушыға себебі көрсетіліп жазбаша жауап берілуге тиіс.

16. Бағдарлама әкімшісі тапсырылған бизнес-жобаларды 5 күнізбелік күн ішінде қарайды және алынған құжаттар топтамасын банктің несие бөліміне қарау және залогтік мүлікті бағалау үшін жібереді.

17. Банктің оң тұжырымдамасын алған жобалар бағдарлама әкімшісіне жіберіледі. Оң тұжырымға ие болмаған жобалар несие сұраушыға қайтарылады.

18. Банктің оң тұжырымын алған жобаларды бағдарлама әкімшісі 3 күнтізбелік күн ішінде қарау үшін комиссия отырысына тапсырады

19. Комиссия хұқылы болып есептеледі, егер оның мүшелерінің үштен екі бөлігі қатысып отырса. Комиссия шешімі ашық дауыс беру арқылы дауыстың қарапайым көпшілігімен қабылданады және қабылданды деп есептеледі, егер ол үшін комиссия мүшелерінің жалпы санынан көпшілік дауыс берілсе. Дауыстар тең түскен жағдайда төраға дауыс берген шешім қабылданған болып есептеледі. Комиссия шешімінің комиссияның барлық мүшелері қол қояды.

20. Комиссия қолдаған және бекіткен жобалар комиссия отырысының хаттамасымен банк-берушіге жіберіледі, ол несие алушыға бюджеттік несие беру үшін негіз болып табылады.

21. Комиссия отырысының көшірмесі облыстық қаржы басқармасына жіберіледі, ол банк-берушіге ақша аудару үшін бағдарлама әкімшісіне қаражат бөлуге негіз болып табылады.

4. Қаражатты қайтару тәртібі.

22. Берілген несиелерді қайтаруды несие алушы несиені нақты қайтарған күннен бастап үш банктік күн ішінде облыстық бюджет шотына төлемдік тапсырма арқылы банк-беруші жүзеге асырады.

23. Бағдарлама әкімшісі берген қаражат бойынша карызды қайтармаған жағдайда банк-беруші кепілдікке қойылған затты өндіріп алуды қолдану арқылы несиені мәжбүрлікпен қайтаруға шаралар қолданады.

24. Несие алушы қарызды нақты өтегеннен кейін банк-беруші қаражатты облыстық бюджет шотына мерзімінде қайтармаса әр созылған күн үшін ҚР Ұлттық банкінің бейқаржыландыру ставкасының 1,5 мөлшерінде өсім есептеледі.

25. Егер Банк орындаған процедурлық нормалар несиемінің борышын 90 күнтізбелік күннің ішінде қайтармаса, Банк бюджетке ақшаны өзінің қаражаты есебінен қайтарады. Бюджеттік несиелеу кезінде ақырғы қарыз алушы шағын кәсіпкерлік субъектілерінің (ШКС) құжаттары мен ақша қаражаттары қозғалысының сызбасы