Об утверждении Программы профилактики правонарушении и борьбы с преступностью в Акмолинской области на 2003-2004 годы Күшін жойған

Ақмола облысында құқық бұзушылыктың алдын алу және қылмыспен күрес жүргізудің 2003-2004 жылдарға арналған Бағдарламасын бекіту туралы 📌 Ескерту. Күші жойылды - Ақмола облыстық мәслихатының 08.04.2005 № 3С-11-21 шешімімен. Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабындағы 1 тармақтың 1 тармақшасына сәйкес, облыс әкімдігінің 2003 жылғы 17 наурыздағы № а-3/80 қаулысы мен 2003 жылғъі 11 наурыздағы № 1-03-13/337 ұсынысына байланысты облыстық мәслихат ШЕШІМ ЕТТІ:

1. Ақмола облысында құқық бұзушылықтың алдын алу және қылмыспен күрес жүргізудің 2003-2004 жылдарға арналған Бағдарламасы бекітілсін (қоса берілді).

2. Бағдарламаның жүзеге асырылуын бақылау облыстық мәслихаттың жастар істері, халықтың денсаулығын сақтау, білім, мәдениет жөніндегі және депутаттық өкілеттік, этика, заңдылық, құқық қорғау мәселелері жөніндегі тұрақты комиссияларына жүктелсін.

3. Осы шешім Ақмола облысының әділет басқармасында мемлекеттік тіркеуден өткеннен кейін күшіне енеді.

Ақмола облыстық мәслихатының 2003 жылғы 20 наурыздағы № С-25-4 шешімімен БЕКІТІЛГЕН Ақмола облысында құқық бұзушылықтың алдын алу және қылмыспен күрес жүргізудің 2003-2004 жылдарға арналған БАҒДАРЛАМАСЫ Көкшетау қаласы, 2003 жыл. Мазмұны беттері Бағдарлама төлқұжаты 3 Кіріспе 5 Проблеманың қазіргі кездегі жағдайын талдау 5 Бағдарламаның мақсаттары мен міндеттері 6

1. Мақсаттары

2. Міндеттері Бағдарламаны жүзеге асырудың негізгі бағыттары мен тетіктері 7

3. Құқық бұзушылықтың алдын - алу, құқық тәртібін нығайту

1) Құқық бұзушылықтың алдын алу және қоғамдық тәртіпті қамтамасыз ету.

2) Кәмелетке толмагандар арасындағы құқық бұзушылық пен қараусыздықтың алдын алу.

3) Маскүнемдік пен нашақорлықтың алдын-алу

4) Рецидивтік қылмыстың алдын-алу

5) Қоғамның құқық мәдениеті деңгейін көтеру

4. Қылмыстың әрекетіне қарсы іс шаралар

1) Ұйымдасқан қылмыспен күрес жүргізу, қылмыстарды ашу және тергеу

2) Заңсыз есірткі айналымымен күрес

3) Лаңкестікпен, экстремизммен және заңсыз көші-қон көріністерімен күрес

4) Экономикалық қылмыстармен және жемқорлықпен күрес

5) Қылмыспен күрес жүргізуді ақпараттық-техникалық қамтамасыз ету

6) Құқық қорғау органдары қызметінің заңдылығын нығайту

7) Құқық қорғау органдарының кадр саясатын жетілдіру

8) Қылмыспен күрес жүргізуде құқықтық базаны одан әрі дамыту

9) Қылмыспен күрес жүргізуде халықаралық қарым - қатынас орнату

10) Бағдарламаны жүзеге асырудың мониторингі Бағдарламаны ресурстық қамтамасыз ету Бағдарламаны жүзеге асырудан күтілетін нәтижелер 14 Бағдарламаны жүзеге асыру бойынша іс шаралар жоспары 15 Бағдарламаның төлқұжаты Бағдарлама атауы Ақмола облысында құқық бұзушылықтың алдын алу және қылмыспен күрес жүргізудің 2003-2004 жылдарға арналған Бағдарламасы. Бағдарламаны жасаудың негіздемесі Қазақстан Республикасы Үкіметінің 2002 жылғы 29 желтоқсандағы № 1430 Қаулысы. Бағдарламаны негізгі жасаушы Ақмола облыстық ішкі істер бас басқармасы Бағдарламаны жасаушылар және орындаушылар

1. Облыстық әкімдік

2. Облыстық прокуратура

3. Ұлттық қауіпсіздік комитетінің Ақмола облысы бойынша Департаменті.

4. Қаржы полициясының Ақмола Ақмола облысы бойынша Департаменті.

5. Облыстық әділет басқармасы

6. Облыстық денсаулық сақтау басқармасы

7. Облыстық мәдениет басқармасы

8. Облыстық ақпарат және қоғамдық келісім басқармасы

9. Облыстық білім беру басқармасы

10. Ақмола облысы бойынша кеден басқармасы

11. Облыстық төтенше жағдайлар жөніндегі басқармасы

12. Облыстық туризм және спорт басқармасы

13. Облыстық еңбек және әлеуметтік қорғау басқармасы Негізгі мақсат Құқық бұзушылықтың алдын алу және қылмыспен күрес жүргізуді қамтамасыз етуде құқық бұзушылықтың алдын алу, қоғамдық тәртіп пен қоғамдық қауіпсіздікті нығайту, бұл қызметке барлық облыстық мемлекеттік органдарды, қоғамдық құрылымдар мен тұрғындарды тартудың, жергілікті атқарушы органдар ролін және жауапкершілігін көтерудің жүйелерін жасау. Негізгі міндеттер Құқық бұзушылықтың мақсатты әлеуметтік-құқықтық алдын алынуын жүзеге асыру; қылмыспен күресте азаматтардың мүдделілігін көтеру, тұрғындардың құқықтық мәдениеті деңгейін арттыру; ұйымдасқан қылмысқа, есірткі бизнесіне, лаңкестікке және өзге де экстремизм, заңсыз көші қон, экономикалық қылмыстар мен жемқорлық көріністеріне қарсы әрекеттердің сенімді жүйелерін жасау. Негізгі күтілетін нәтижелер Құқық бұзушылықтың әлеуметтік алдын алу жүйелерін нығайту; Қылмыспен күресті күшейту; Тұрғындардың құқықтық санасының деңгейін көтеру, оның мемлекетке және құқық қорғау органдарына сенімін арттыру. Қаржыландыру көзі Жергілікті бюджет қаржысы Жүзеге асырудың мерзімі мен кезеңдері 1 кезең - 2003 жыл 2 кезең -2004 жыл Қылмыспен және құқық бұзушылықпен күрес жүргізу бойынша кешенді мәселелерді шешу жергілікті өкімет органдары мен басқармалары, құқық қорғау органдарының әрекеттерін үйлестіріп және біріктіруді, бұған мемлекеттік емес құрылымдарды қоғамдық бірлестіктер мен тұрғындарды белсенді тартуды талап етеді. Бұл құқық бұзушылықтың алдын алу және қылмыспен күрес жүргізудің 2003-2004 жылдарға арналған аймақтық бағдарламаларын (одан әрі бағдарлама) жасау қажеттігімен жүйеленеді. Бағдарлама Қазақстан Республикасындағы ҚР Үкіметінің 2002 жылғы 29 желтоқсандағы № 1430 қаулысымен қылмыспен және құқық бұзушылықпен күрес жүргізу саласындағы бұрынғы әрекет ететін бағдарламаларға қатысты мұрагерлік жүйесін сақтай отырып, өзге де бағдарламалық құжаттар мен бекітілген қылмыстың алдын алу және күрес жүргізу бағдарламаларын жүзеге асыру арнасында дайындалды. Бағдарламада ведомствоаралық деңгейдегі шешімдерді талап ететін принципті сипаттағы негізгі ережелер сақталады. Ведомстволық сипаттағы іс шараларды тиісті ведомстволық жоспарларға енгізу ұсынылады.

Проблеманың қазіргі кездегі жағдайын талдау Қоғамды одан әрі демократияландыруға, конституциялық құқықтар мен азаматтардың еркіндігін қорғау жолындағы әлеуметтік-экономикалық өзгерістер жағдайында қылмысқа қарсы күрес проблемалары қылмыстардың және құқық бұзылуының алдын алу, жазадан құтылмау принципін қамтамасыз етуге бағытталған нақты шаралар қолдануды талап етеді. Сонымен қатар, құқық қорғау органдары мен жергілікті атқару органдары жүргізіп жатқан шараларға қарамастан қылмысқа қарсы күресте түбегейлі өзгеріс жоқ. Облыста қылмыс деңгейі (халықтың 10 мыңына шаққанда) еліміздегі орташа көрсеткіштен едәуір жоғары. Қылмыс сипаты пайда табу үшін күш көрсетуге бағытталғаны айқындалып отыр. Қылмыстың негізгі бөлігін біреудің мүлкін ұрлау құрап отыр, тонау мен қарақшылық жасау көрсеткіштері өсті. Қылмыс барған сайын ұйымдастырылған сипат алуда. Кейбір азаматтар үшін қылмыспен айналысу күнкөріс көзіне айналып барады. Құқықтың бұзылуына қарсы күресте халықтың әлеуметтік белсенділігі төмендеді. Жергілікті атқарушы органдар мен басқармалардың, құқық қорғау органдарының, қоғамдық ұйымдар мен бірлестіктердің іс-қимылдары, олардың халықпен бірлесіп жұмыс жүргізуі бытыраңқы, жүйесіз сипатта. Маскүнемдік пен нашақорлықтың кең таралуы басты проблемалардың біріне айналып отыр. Облыстың ішкі істер органдарында 11437 емдеуді қажет ететін маскүнемдер, 1069 нашақорлар мен токсикамандар профилактикалық есепке алынған. Қылмыс пен құқық бұзылудың алдын алу төмен деңгейде сақталып отыр, маскүнемдер мен нашақорларды емдеуге арналған емдеу профилактидалық мекемелері өте аз, салауатты өмір салтын насихаттау жұмыстарын ұйымдастыруда жүйелілік жоқ. Облыста рецидивтік қылмыс деңгейі баяу төмендеп келеді. 2002 жылы әрбір он екінші қылмысты бұрын сотталғандар жасады. Соған қарамастан бас бостандығынан айыру, орындарынан босап шыққандар мен тұрақты мекен жайы жоқтарды әлеуметтік бейімдеу мәселелерін шешу жұмыстары қанағаттанғысыз жүргізілуде.

Бағдарламаның мақсаты мен міндеттері

1. Бағдарлама мақсаттары Құқық бұзушылықтың алдын алу жүйелерін жасау, қоғамдық тәртіп пен қоғамдық қауіпсіздікті нығайту, бұл қызметке барлық мемлекеттік органдарды, қоғамдық құрылымдар мен тұрғындарды тарту, құқық бұзушылықтың алдын алу және қылмыспен күрес жүргізуді қамтамасыз етуде жергілікті атқарушы органдарының ролі мен жауапкершілігін арттыру. Қылмыстық әрекеттерге қарсы жасалатын іс шаралардың тиімділігін арттыру, оның ұйымдасқан түрлерімен, есірткі бизнесімен, лаңкестікпен, экстремизммен, заңсыз көші - қонмен, экономикалық қылмыстар және жемқорлықпен күресті күшейту. Заңдылық пен құқық тәртібін одан әрі нығайту, азаматтардың конституциялық құқықтарын, еркіндіктерін және заңды мүдделерін қорғауды қамтамасыз ету.

2. Бағдарлама міндеттері Құқық бұзушылықтың мақсатты түрде, әлеуметтік - құқықтық алдын алуды, оның ішінде кәмелетке толмағандар мен жастар, бас еркінен айыру орындарынан босағандарды және тұрғылықты мекен жайы жоқ тұлғаларды әлеуметтік қалпына келтіруді жүзеге асыру; Қоғамдық қауіпсіздікті, құқық тәртібін қамтамасыз ету, құқық бұзушылықтың алдын алу және қылмыспен күрес жүргізуді қамтамасыз етуде жергілікті атқарушы органдардың ролі мен жауапкершілігін көтеру; Қылмыспен күрес жүргізуде азаматтардың мүдделілігін арттыру, тұрғындардың құқықтық мәдениетін қалыптастыру. Ұйымдасқан қылмысқа, есірткі бизнесіне, заңсыз көші-қонға, экономикалық қылмыс пен жемқорлыққа қарсы әрекеттерінің сенімді жүйелерін жасау; Құқық қорғау және арнайы органдар қызметін техникалық қайта жарақтандыруды және ақпараттық қамтамасыз етуді жүзеге асыру; Құқық қорғау органдарының кадр саясатын жетілдіру, олардың қызметкерлерінің біліктілігі мен шеберлігін көтеру; Қылмыспен күрес жүргізудің құқықтық базаларын одаң әрі дамыту; Республиканың өзге аймақтары мен шет мемлекеттердің құқық қорғау органдарымен қарым-қатынасты кеңейту;

Бағдарламаны жүзеге асырудың негізгі бағыттары мен тетіктері.

3. Құқық бұзушылықтың алдын алу, құқық тәртібін нығайту.

1) Құқық бұзушылықтың алдыналу және қоғамдық тәртіпті қамтамасыз ету. Облыста қылмыстық жағдайды тұрақтандыру және одан әрі азайту құқық бұзушылықтың алдын алудың тиімді жүйелерін жасамай, құқық қорғау және өзге де мемлекеттік органдардың тұргындармен байланысын белсенді дамытпайынша еш мүмкін емес. Құқық бұзушылықтың жекелей және жалпы алдын алынуын арттыру мақсатында полиция учаскелік инспекторларының штаттық санын нормативтік деңгейге дейін жеткізуді, полиция учаскелік инспекторларының көмекшілері лауазымдарын енгізу жұмыстарын жүргізуді талап етеді. Полиция учаскелік пункттерін қажетті көлікпен, байланыс құралдарымен, жиһаздармен, оргтехникалармен қамтамасыз ету. Көшелер мен қоғамдық орындарды құқық бұзушылық деңгейін қысқарту мақсатында қызмет атқару түрлері мен тәсілдерін одан әрі жетілдіру, көлік құралдарымен және қызметтік иттермен бақылау жасау арқылы жоғары икемділікті белсенді пайдалану, елді мекендерде қоғамдық тәртіпті қорғауды жүзеге асыратын күш-қуат санын қоғамдық бірлестіктер мен тұрғындарды тарту арқылы көбейту қажет. Көкшетау қаласында әкімшілік тұтқындалғандар үшін арнайы қабылдау орны құрылысын салуды қарастыру, тұрғылықты мекен жайы және құжаттары жоқ тұлғаларды ІІББ қабылдау - тарату мекемесінде ұстау жағдайын халықаралық стандарттарға сәйкес келтіру. Құқық тәртібін қолдауға қатысушы тұлғаларды құқықтық және әлеуметтік қорғауды қамтамасыз ету, моральдық және материалдық ынталандыру жүйелерін дамыту бойынша жұмыстарды жандандыру қажет.

2) Кәмелетке толмағандар арасында қараусыздық пен құқық бұзушылықтың алдын алу Ерекше назарды кәмелетке толмағандар арасындағы қылмыстың алдын алуға, өскелең ұрпақтың тиісті өмір сүру деңгейін қамтамасыз етуге, жастарды тәрбиелеуге және білім беруге, отбасы мен балаларга қажетті көмек көрсетуге, жасөспірімдердің қараусызыдығын ескертуге бағытталған жалпы әлеуметтік сипаттағы кешенді іс-шараларды жүзеге асыруға аударылуы тиіс. Бұл мақсатта жасөспірімдерге темекі өнімдері мен ішімдікті заңсыз сату фактілерін анықтау бойынша жұмыстарды белсенді түрде жүргізу талап етіледі. Бұқаралық ақпарат құралдарында салауатты өмір салтын насихаттауды өрістетуді, сауықтыру лагерлерінің, спорттық үйірмелер мен клубтар жүйелерін дамытуды, балалар мен жасөспірімдерді тұрғылықты мекен жайы бойынша еңбекпен қамтылуын, бұқаралық мәдени және спорттық шаралар санын арттыруды күшейтуді қамтамасыз ету қажет. Қолайсыз отбасылармен жұмыс жасауға бағытталған кешенді іс шараларды жүзеге асыру. Жергілікті жерлерде кәмелетке толмағандар істері бойынша комиссия жұмыстарының әрекеттілігін арттыру. Комиссия қызметі құқық қорғау қызметін күшейтуге, кәмелетке толмағандардың қараусыздығы мен құқық бұзушылығының алдын-алу мәселелерінде ведомство аралық үйлестіруді жүзеге асыруға, кәмелетке толмағандарды тәрбиелеуге, ұстауға, орналастыруға және оқытуға жауап беретін мекемелер мен ұйымдарға бақылау жасауға бағытталуы тиіс. Жасөспірімдердің арасында ішімдік пен есірткіні тұтынуын анықтау үшін оқушыларға жыл сайынғы медициналық тексеруді қамтамасыз ету қажет. Педагогикалық ұжымдар және ішкі істер органдары күшімен мектепке бармайтын жасөспірімдерді анықтау бойынша шараларды жүйелі жүргізіп, балалар үйлері мен облыстық ІІББ кәмелетке толмағандар үшін уақытша оқшаулау, бейімдеу және ақтау орталығын қажетті құрал жабдықтармен және жиһаздармен қамтамасыз ету керек. Девиантты мінездегі жасөспірімдермен жұмысты күшейтіп, тиісті педагогикалық кадрларды дайындау бойынша жұмыстарды ұйымдастыру талап етіледі. Өскелең ұрпақтың құқықтық санасы деңгейін көтеру мақсатында оқу - тәрбие беру, процесінде құқықтық пәндер бойынша жүргізілетін сабақтардың сапасын жақсарту талап етіледі.

3) Маскүнемдік пен нашақорлықтың алдын - алу Осы заманғы жағдай ішкі істер органдарының алдын - алу құрамдас қызметіне көтеруді, бұл бағытта өзге де мемлекеттік органдармен бірлескен жұмыстарды белсенді жүргізу талап етіледі. Маскүнемдік пен нашақорлықтың алдын - алудың басым бағыттары салауатты өмір салтын насихаттау, ішімдікке және нашақорлыққа қарсы тұрақты иммунитетті қалыптастыру болуы тиіс, бұл ең алдымен өскелең ұрпақ арасында жасалуы қажет. Маскүнемдікпен, нашақорлықпен және улы заттарға әуестенушілік ауруларымен ауыратын тұлғаларды мәжбүрлеп емдеу үшін, Сілеті елді мекеніндегі арнайы емдеу, алдын алу мекемесіндегі орындар санын көбейту керек, ішкі істер органдарының медициналық айықтырғыштарының қызметін жақсарту бойынша жұмыстарды жалғастыру керек. Бұқаралық ақпарат құралдарында ішімдікке қарсы тақырыпта материалдарды жүйелі жариялауды, еңбек ұжымдарында маскүнемдіктің зияны жайлы лекциялар жүргізуді, салауатты өмір салтын насихаттайтын мәдени - спорттық шаралар мен акцияларды ұйымдастыру қажет.

4) Рецидивтік қылмыстардың алдын алу Рецидивтік қылмыстардың жағдайына бақылауды қамтамасыз ету мәселелерінде бұрын сотталғандармен жеке профилактикалық жұмыстары ұйымдастыруға ерекше мән берілуі тиіс. Бұл орайда қоғамға жат өмір салтын жүргізуші бұрын сотталғандарды анықтау бойынша жан-жақты жедел алдын алу шараларын жүргізудің іс тәжірибелерін жалғастыру және оның тиімділігін арттыру, оларды белгіленген заң бойынша уақытымен жауапкершілікке тарту аса қажет. Әділет министрлігі қарамағындағы ҚАЖК түзету мекемелері мен ішкі істер органдарының арасында бас еркінен айыру орындарынан босатылған тұлғалардың тұрғылықты мекен жайына дер кезінде баруы және оларды есепке алуға бақылау жасау бойынша өзара қарым-қатынастарын жақсарту талап етіледі. Көкшетау қаласындағы тұрғылықты мекен жайы жоқ тұлғаларды әлеуметтік бейімдеу орталығындағы орындарды көбейту бойынша жұмыстарды одан әрі жалғастыру қажет.

5) Қоғамның құқықтық мәдениеті деңгейін көтеру Құқық бұзушылықтың алдын алу және қылмыспен күрес жүргізу бойынша міндеттерді жан-жақты жүзеге асыру қоғамымыздағы құқықтық мәдениетті арттыруға байланысты мақсатты жұмыстарды тұрақты түрде жүргізбейінше мүмкін емес. Бұл мақсатта қоғамдастықпен байланысты кеңейту және тереңдету, бұл жұмыстарға барлық құқық қорғау және өзге де мемлекеттік органдарды тарту, сондай ақ облыс және аудан орталықтарының тұрғындарымен, ауылдық тұрғындармен, пәтер иелері кооперативтерімен, педагогикалық ұжымдармен және оқу орындары оқушыларымен мақсатты түрде үгіт - насихат және түсініктеме жұмыстарын ұйымдастыру бойынша іс шараларды одан әрі жалғастыру қажет.

4. Қылмыстық әрекеттерге қарсы іс - шаралар.

1) Ұйымдасқан қылмыспен күрес, қылмыстарды ашу және тергеу Ұйымдасқан қылмыспен күрес жүргізуді күшейту мақсатында құқық қорғау органдарының өзара тиімділігін арттыру, қылмысты топтарды, оларды қаржыландыру көздерін, қылмыстық жолмен табылған ақша қаражатын бейтараптау жолдарын анықтау бойынша жедел шараларды жүргізуді ұйымдастыру қажет. Ұйымдасқан қылмыстың нысанындағы қылмыстарды тергеу жөнінде бірлескен жедел тергеу топтарын құру тәжірибесін жалғастыру. Қылмыстық әрекеттер жөніндегі хабарларларға мезгілімен және жедел назар аудару мақсатында қылмыстарды тергеу толықтығы мен сапасын арттыру, тергеу, анықтау және сот органдарынан жасырынып жүрген қылмыскерлерді іздестіруді өрістету мақсатында ішкі істер органдарының кезекшілік бөлімдерін, жедел және тергеу құрылымдарын техникалық жарақтандыруды көтеру қажет. Құқық қорғау органдарының жедел құрылымдарының өзара қарым-қатынас деңгейін арттыру, қылмысты жасағаны жөнінде күдікті тұлғаларға қатысты ақпараттар алмасуды ұйымдастыру деңгейін көтеру. Қылмыстық процесске қатысушыларынын конституциялық құқықтарын бұлжытпай орындалуын қамтамасыз ету мақсатында алдын ала тергеу және анықтау барысына бақылауды күшейту қажет. Қылмыстарды ашу мен тергеудің өзекті мәселелері бойынша ведомствоаралық семинар мәжілістер өткізуді ұйымдастыру керек.

2) Заңсыз есірткі айналымына қарсы күрес жүргізу. Заңсыз есірткі айналымымен күрес жүргізу үшін, құқық қорғау органдарымен «МАК», «ДОПИНГ», «КАНАЛ», «АРНА» кешенді жедел алдьш алу операциялары және басқа да заңсыз есірткі дақылдарының егістіктерін анықтау мен жоюға бағытталған іс шаралар, заңсыз есірткі айналымы жүйесіндегі құқық бұзушылықтарды анықтау, олардың көрініс беру жолдарын жабу, сондай-ақ есірткі контрабандасының жолын кесу және өткізуді болдырмау бағытындағы Шараларды жүргізу тәжірибесін одан әрі жалғастыру. Құқық қорғау органдары арасында жедел, талдау және өзге де мәліметтерді, есірткі бизнесімен күрес жүргізу саласындағы жедел іздестіру қызметінің әдіс тәсілдерін ұйымдастыру және талдау бойынша әдістемелік ұсынымдарды алмасуды жақсарту. Сондай-ақ республиканың өзге де аймақтарындағы құқық қорғау органдарымен өзара қарым қатынасты жандандыру ұсынылады. Есірткі заттарын тасымалдау және сақтау фактілерін анықтау бойынша іс шаралардың тиімділігін арттыру мақсатында облыстық ішкі істер органдарының кинология қызметін нығайту, ІІББ жанындағы ит шаруашылығы қызметін кеңейту бойынша жұмыстарды одан әрі дамыту қажет. ІІО есірткі бизнесімен күрес жүргізетін бөлімшелерін автокөлікпен және осы заманғы техникалық құралдармен жарақтандыру бойынша жұмыстарды жалғастыру керек. Облыс шекарасы арқылы заңсыз есірткі заттарының өтуіне тосқауыл қою, оларды заңсыз тасымалдауды жабу, заңсыз айналымға қатысушы тұлғаларды, заңсыз есірткі айналымынан алған кірістерді анықтау бойынша жүйелі негізде келісілген жедел алдын алу шараларын және арнайы операцияларды жүргізуді ұйымдастыру қажет.

3) Лаңкестікпен, экстремизммен және заңсыз көші-қон көріністерімен күрес жүргізу. Мүмкін болатын лаңкестік көрністерге жол бермеу және дер кезінде тосқауыл қою мақсатында саясиландырылған қоғамдық бірлестіктер мен партиялар, олардың экстремистік көңіл күйдегі басшылары мен белсенділері қызметтері мен әрекеттерінің заңдылығына ұдайы бақылауды қамтамасыз ету керек. Жарылғыш, радиоактивті және уландырғыш заттар, қару - жарақтар мен оқ дәрілер сақталатын нысандарга жүйелі тексеріс жүргізу керек. Құқық қорғау органдарының әскери дайындығын тұрақты арттырып, лаңкестік актілерінің жолын кесуге арналған арнайы шаралардың практикалық дайындықтарын жүйелі жүргізу аса қажет. Көші-қон процесіндегі келеңсіз көріністерге жан-жақты назар аудару мақсатында кең көлемдегі «Мигрант» жедел алдын алу шараларын ұдайы жүргізуді қамтамасыз ету «Рубеж» жол полициясы жүйесінің стационарлық бекеттері тораптарын кеңейту, олардың материалдық техникалық қамтамасыз етілуін жақсарту керек. Құқық қорғау органдары арасында тиісінше деректер банкін құру осы заманға сай компьютерлік техникаларды жан-жақты пайдалану негізінде ақпарат алмасуын сапалы деңгейге көтеру керек.

4) Экономикалық қылмыстармен және жемқорлықпен күрес жүргізу. Облыс экономикасы әлі де болса криминалдық жағынан аз қамтылып отырғаны және шаруашылықтың әртүрлі салаларында қылмыстық ортаның туындауы жалғасын табуда. Осыған байланысты қоғам мүлкіне қасақана қол салушылықты болдырмау мақсатында қаржы шаруашылығы қызметі саласына мемлекеттік бақылау жүйелерін жетілдіру керек. Астық және оның өңделген өнімдері айналымы саласындағы заңсыз операцияларды анықтау бойынша бірлескен шараларды жүргізу жолымен экономикалық қылмыстармен жемқорлық әрекеттерге қарсы құқық қорғау органдары жұмысының нәтижесін көтеру қажет. Құқық қорғау органдары қызметкерлерінің кәсіби шеберлігін арттыру мақсатында жемқорлық көріністерімен күрес жүргізудің жаңа тәсілдері мен жолдарын таңдау, жүйелі семинарлар мен мәжілістер өткізуді ұйымдастыру қажет.

5) Қылмыспен күрес жүргізуде ақпараттық-техникалық қамтамасыз ету. Ішкі істер органдарының интеграциялық деректер банкімен қамтамасыз ету бағдарламасын енгізу, ақпараттар жүйелерін алып жүру бойынша міндеттерді жүзеге асыру барлық құқық қорғау органдарының қылмыспен күрес жүргізуде жедел іздестіру және анықтамалық сипаттағы (тұлғаларды, қару-жарақ пен автокөлік іздестіру; «қылмыстық емес» қарулар мен көліктер; полицияның жедел назарын аударуын қажет ететін тұлғалар) орталықтандырылған интеграциялық деректер банкін құруға және пайдалануға жол ашады. Бұл мақсатта бірыңғай автоматтандырылған ақпараттық телекоммуникациялық жүйелер құру, республика аумағына шетелдіктердің келуі мен кетуіне автоматтандырылған бақылау жүйелерін енгізу, ішкі істер органдарының Бас прокуратура (Алматы қаласы) СжБАО және аты-жөндері бар картотекасынан орталық деректер банкі мәліметтерін жедел алу бойынша кешенді шараларды жүзеге асыру бойынша республикалық жобаларды жүзеге асыру үшін жағдай жасау қажет. «Папилон» АДИС базасында ішкі істер органдарының бірыңғай дактилоскопиялық жүйелері кешендерін құру ұсынылады.

6) Құқық қорғау органдары қызметінің заңдылығын нығайту. Құқық қорғау органдары қызметінің заңдылығын нығайту мақсатында жүйелі негізде есеп - тіркеу тәртібі жағдайына тексеріс жүргізуді, қылмыстық істерді тергеу мерзімін сақтауды қамтамасыз ету қажет. Қайтыс болған азаматтар жайлы, медициналық мекемелерге жеткізілген жәбірленушілер жайлы дер кезінде ақпарат алуды қамтамасыз ету мақсатында Көкшетау қаласында «Төтенше оқиғалар бюросын» құру керек, ол құқық бұзушылықтардың жасалуын жедел анықтауға, сондай-ақ азаматтардың құқық қорғау органдары мен медициналық мекемелерге жөн-жосықсыз шағымдануының алдын алуға жол ашады. Құқық қорғау органдары мен соттарда есірткі заттарын сақтау және жою тәртібін реттейтін нормативтік құжаттарға өзгерту енгізу, есірткіні қайтадан айналымға жіберу, оларды айғақтарды бұрмалау үшін пайдалану және басқа да заңсыз әрекеттерді қысқартуға мүмкіндік береді. Құқық қорғау органдарының қатарын өздерін-өздері әшкерелейтін қызметкерлерден тазарту бойынша жұмыстарды өрістету керек.

7) Құқық қорғау органдарының кадр саясатын жетілдіру. Құқық қорғау органдарының мамандарын таңдау, орналастыру және тәрбиелеу жүйелерін қайта қарастыру, олардың қызметкерлері үшін әлеуметтік және құқықтық кепілдіктермен қамтамасыз етілуі, тұрақты, кәсіби шебер кадрлар ошағын қалыптастыру және нығайту бойынша кешенді шараларды жүзеге асыру қарастырылады. Ішкі істер органдарында білікті кадрлар резервін дайындау мақсатында Жоғарғы оқу орындарының заң бөлімдері студенттерін ІІО құрылымдарына тәжірибеден өтуге жіберу бойынша жұмыстарды жалғастыру, құқық қорғау органдары қызметкерлерінің студенттік ұжымдармен жүйелі кездесулерін ұйымдастыру қажет. Құқық қорғау органдары жүйелерінде жеке құрамның арнайы, жауынгерлік және дене тәрбиесі дайындығын, оны нақты жағдайларға жақындата отырып ұйымдастыруды қарастыру керек. Кешенді шаралардың ең өзекті құрамдас бөлігі болып, қызметкерлердің заңдылықты сақтау мен тәртібін нығайту, өз қатарындағы жемқорлық көріністерге қарсы күш жігерін өрістету бойынша жұмыстар атқару танылуы тиіс.

8) Қылмыспен күрес жүргізуде құқықтық базаны одан әрі дамыту. Қылмысты ескерту және алдын алу, жедел-іздестіру қызметін жетілдіру басым бағытта болуы қажет. Алдын ала тергеу және анықтау мәселелеріне байланысты заң нормаларын нақтылау мақсатында орталық органдарға қазіргі қолданылып жүрген нормативтік актілерге толықтырулар енгізу жөнінде бірқатар өзгерту ұсыныстарын енгізуді қолға алу керек. Ұйымдасқан қылмыс, наркобизнес, жемқорлық сипаттағы қылмыстарды, оның ішінде қаржыны талан - таражға салуға қатысты қылмыстарды ескерту және жолын кесу саласындағы заңдарды жетілдіруге ерекше назар аудару қажет.

9) Қылмыспен күрес жүргізуде халықаралық қарым-қатынас. Облыстық құқық қорғау органдары өз құзырлары шегінде шет мемлекеттердің тиісті құрылымдарымен ең алдымен қылмыс жасаған тұлғарды қайтару, қылмыстық істер бойынша өзара құқықтық көмектер көрсету, бірлескен жедел - іздестіру және алдын алу шараларын, сондай-ақ арнайы операцияларды жүзеге асыру мәселелері бойынша қарым-қатынасты жақсарту барысында бірқатар шаралар қолдануда.

10) Бағдарламаны жүзеге асыру мониторингі Бірінші тарауда көрсетілген «Орындауға жауапты» «Бағдарламаны жүзеге асыру бойынша іс-шаралар жоспары» шараларын орындаушылар ведомствоаралық топтар құрып, олардың жұмыстарын белгіленген мерзімде есеп беру арқылы бақылайды. Жауапты орындаушылар өз қарауындағы орындаушылармен бірге шаралардың Сапалы және дер кезінде орындалуына, бағдарламаны жүзеге асыруға бөлінген қаражатты тиімді пайдалануға жауапкершілік атқарады. Қажет жағдайда Бағдарламаны жүзеге асыруға қатысушы органдар белгіленген заң тәртібімен Бағдарлама мен оны іс-шаралары жоспарына өзгерту енгізу үшін ұсыныс енгізе алады Облыс әкімнің шешімі бойынша Бағдарламаның барысы мен іс-шараларын орындау нәтижелері қалалық және аудандық әкімдері мен Бағдарламаны орындаушы - мемлекеттік органдар басшыларының есебін тыңдау арқылы облыстық әкімдіктің отырысында қарауы мүмкін.

Бағдарламаны ресурстық қамтамасыз ету Қаржылай шығын талап етілетін Бағдарламаны жүзеге асыру шаралары жергілікті бюджет қаржысы есебінен қарастырылады. Бағдарлама іс шараларын жүзеге асыруға ұсынылатын шығындар 283,09 мың теңгені құрайды, оның ішінде 2003 жылы - 75,1 млн.теңге, 2004 жылы - 207 ,99 млн. теңге.

Бағдарламаны жүзеге асырудан күтілетін нәтижелер. Бағдарламаны жүзеге асыру барысында: құқық бұзушылықтың әлеуметтік алдын алу жүйелерін құру үшін негіз қаланады, заңға қарсы әрекетке бой ұратын азаматтарға бақылау күшейеді; күрес жүргізу өрістейді, ауыр қылмыс түрлерінің, әсіресе қасақана зорлау бағытындағы, өзгенің мүлкін тонау фактілері азаяды, қылмыстарды ашу артады; қоғамдық қауіпсіздікке қауіп - қатердің жедел және оңтайлы алдын-алу қамтамасыз етіледі; көшелер мен өзге де қоғамдық орындардағы жағдай жақсарады; тұрғындардың құқықтық санасының деңгейі көтеріледі, азаматтардың құқық қорғау органдарымен өзара байланысы жақсарады. АҚМОЛА ОБЛЫСЫНДА ҚҰҚЫҚ БҰЗУШЫЛЫҚТЫҢ АЛДЫН АЛУ ЖӘНЕ ҚЫЛМЫСПЕН КҮРЕС ЖҮРГІЗУДІҢ 2003-2004 ЖЫЛДАРҒА АРНАЛҒАН БАҒДАРЛАМАСЫН ЖҮЗЕГЕ АСЫРУ ШАРАЛАРЫНЫҢ ЖОСПАРЫ № п/п Шаралар Аяқталу үлгісі Орындауға (жүзеге асыруға) жауаптылар Орындалу (жүзеге асыру) мерзімі Жобаланған шығындар (мле.теңге) Қаржыландыру көзі 2003 ж. 2004 ж. 1 2 3 4 5 6 7 1) Құқық бұзушылықтың алдын алу және қоғамдық тәртіпті қамтамасыз ету 1 Жергілікті бюджетті құру кезінде қоғамдық тәртіпті қорғауға қатысқан азаматтарды марапаттауға қаржы қарастырылсын Әкімдіктің қаулысы Облыс әкімдігі, қала және аудан әкімдіктері 2003-2004 жылдар 2,1 3,6 Жергілікті бюджет 2 Қалалар және басқа да ірі елді мекендердегі таксофондар жүйесін кеңейтіп, көшелерді, аулаларды және дәліздерді жарықтандыру жұмыстары жалғастырылсын аудан және қала әкімдіктері 2003-2004 жылдар Бюджеттік қаржыландыру мөлшерінде Бюджеттік қаржыландыру мөлшерінде Қалалық, аудандық бюджетер 3 Полиция учаскелік пункттерінің іс-әрекеттерінің тиімділігін жақсарту және полициия учаскелік инспекторларының қажеттіліктерін: 1)қызметтік автокөлікпен; (ВАЗ түрі); 2)телефон байланысы құралдарымен; 3)қызметтік мүлікпен; 4)қызметтік пәтерлермен кезең - кезеңмен қамтамасыз ете отырып, олардың қызметтерін нығайту шаралары қолданылсын Әкімдік қаулысы Облыс әкімдігі, аудан, қала әкімдері, ІІББ 2003-2004 жылдар 72,1 1) 57,706 2) 8,594 3)1,3 4)4,5 131,796 1)115,991 2)9,0 3)1,36 4)5,445 Облыстық бюджет 4 Полиция учаскелік инспекторларының штаттық санын тиісті межесіне сәйкес кезең - кезеңмен жеткізу шаралары қолданылсын Әкімдік қаулысы Облысс әкімдігі, қала, аудан әкімдері 2003-2004 жылдар 27,304 Жергілікті бюджет 5 Ерейментау және Есіл аудандарындағы «Рубеж» жүйесі тұрақты бекеттерінің құрылысы және техникалық жабдықталуы аяқталсын, қызмет көрсетуші бекеттерге жөндеу жүргізілсін қабылдау актісі Облыс әкімдігі, ІІББ 2003 жылдар Бюджеттік қаржыландыру мөлшерінде Жергілікті бюджет 6 Көліктер арасынан іздеу салынған көлік құралдарын («Поток» аппаратты-бағдарламалы кешені) анықтау және бақылау үшін «Рубеж» бекеттерін автоматтандырылған қондырғылармен, сонымен қатар (КВ- радиостанциялары) жаңа үлгідегі байланыс құралдарымен жабдықтау және жаңғырту жұмыстары жалғастырылсын. Әкімдік қаулысы Облыс әкімдігі, ІІББ 2004 жыл 14,0 Жергілікті бюджет 7 Мүліктік қылмыс түрлерінің алдын-алу және ашу мақсатында Степногор ҚІІБ, Атбасар, Щучье АІІБ - де атты полиция құрылымдарын құру туралы мәселе шешілсін. Степногор қаласы, Атбасар, Щучье аудандары әкімдіктерінің қаулысы Облыс әкімдігі, Степногор, Щучье, Атбасар аудандарының әкімдері, ІІББ 2003-2004 жылдар 0,9 4,7 Жергілікті бюджет 8 Пәтер ұрлықтарының алдын-алу және тосқауыл қою мақсатында Павлодар және Қызылорда қалаларының тәжірибесі негізінде Көкшетау, Степногор, Щучье қалаларындағы көп пәтерлі үйлердің дәліздеріне еңбек биржасында есепте тұрған адамдарды осы жұмысқа тарта отырып, күзет ұйымдастырылсын. Көкшетау, Степногор қалалары мен Щучье ауданід әкімдіктерінің қаулысы қала, аудан әкімдері, ІІББ, облыстық еңбек және халықты әлеуметтік қорғау басқармасы 2003 жылдың 2-жарты жылдығы Бюджеттік қаржыландыру мөлшерінде Бюджеттік қаржылан дыру мөлшерінде 9 Облыс аумағындағы аса маңызды мемлекеттік және стратегиялық, сонымен бірге өмірлік маңызы бар нысандарды мемлекеттік күзетке тарту шаралары жүзеге асырылсын шаралар жоспары қала, аудан әкімдері, Ақкөл АІІБ 2004 жыл 1-жарты жылдықтың аяғына дейін Бюджеттік қаржылан дыру мөлшерінде Бюджеттік қаржылан дыру мөлшерінде Қалалық, аудандық бюджеттер 10 Әкімшілік тұтқынға алынғандарды арнайы қабылдау орындарына орналастыру үшін, Көкшетау қаласында әкімшілік ғимарат бөлінсін Әкімдік қаулысы Көкшетау қаласының әкімі 2003 жыл Жергілікті бюджет 2) Кәмелетке толмағандар арасындағы құқық бұзушылық пен қараусыздықтың алдын-алу 11 «Сабақ», «Жеткіншек» және басқа да кешенді жедел - сауықтыру шараларын жүргізу тәжірибесі жалғастырылсын арнайы жоспарлар Қала, аудан әкімдері, ІІББ, облыстық білім басқармасы тоқсан сайын 12 Оқу орындарына бармайтын балалар мен жеткіншектерді анықтау мақсатындағы шаралар ұдайы жүргізілсін, олардың оқудан бас тарту себептері мен жағдайларын жою шаралары жүргізілсін бірлескен жоспар қала, аудан әкімдері, ІІББ, облыстық білім басқармасы үнемі 13 Жайсыз және тұрмысы төмен жанұялардың кәмелетке толмаған балаларын спортпен шұғылдануға және мәдени-көпшілік шараларға тарту үшін, кешенді шаралары, дайындалып, жүзеге асырылсын. бірлескен жоспар ІІББ, қала және аудан әкімдері, облыстық білім, туризм және спорт, ақпарат және қоғамдық келісім басқармалары 14 Ауруларға шалдығу деңгейі жоғары аймақтардағы кәмелетке толмағандарды маскүнемдіктен, нашақорлықтан емдеуді ұйымдастыру және алдын - алу жұмысының жағдайы тексерілсін. бірлескен жоспар ІІББ, облыстық білім басқармасы жыл сайын 15 Ата-аналық құқығынан айырылу, айырылысу және басқа да жағдайларда кәмелетке толмағандардың заңды құқығын және мүдделерін қорғау қамтамасыз етілсін, сонымен қатар жергілікті атқару органдарындағы қамқорлық жасау бөлімдерінің іс әрекетіне басты назар аударылсын. Кәмелетке толмағандардын құқығын қорғау комиссиясының шешімі Облыс әкімдігі, қала, аудан әкімдері, ІІББ, облыстық прокуратура (келісіммен) 2003-2004 жылдар Бюджетте қаралған қаржы мөлшелерінде Бюджетте қаралған қаржы мөлшелерінде Жергілікті бюджет 16 Тәрбиелеу колонияарынан оралған, туысқандарымен байланысын үзген, ата-анасыз қалған кәмелетке толмағандарды еңбекпен қамту, тұрғын-жаймен қамтамасыз етудін кешенді шаралары дайындалып, жүзеге асырылсын. нормативтік құқылық акт Облыс әкімдігі, қала, аудан әкімдері, ІІББ, облыстық туризм және спорт басқармасы Жыл сайын Бюджетте қаралған қаржы мөлшелерінде Бюджетте қаралған қаржы мөлшелерінде Жергілікті бюджет 17 Арнайы білім беру ұйымдарын және кәмелетке толмағандарды уақытша оқшаулау, бейімдеу және ақтау орталығын ойын, спорт құрал жабдықтарымен қамтамасыз етілсін. Әкімдік қаулысы Облыс әкімдігі, қала, аудан әкімдері, ІІББ Жыл сайын Бюджетте қаралған қаржы мөлшелерінде 3,5 Жергілікті бюджет 18 Девиантты тәртібі бар балалар үшін жалпы білім беретін арнайы оқу орнының тиімділігі туралы мәселе қаралып, оны ашуға ұсыныс жасалсын. Облыс әкімдігіне ұсыныс облыстық білім басқармасы, ІІББ 2003 жылғы 2-тоқсан 19 Каникул кезінде балалар мен кәмелетке толмағандардың демалысын ұйымдастыру мақсатында спорттық - сауықтыру лагерлері құрылып, әскери-патриоттық және спорт бағытындағы облыстық, аудандық бұқаралық іс шаралар жүргізілсін. Әкімдік қаулысы Қала, аудан әкімдері, облыстық білім, денсаулық сақтау, туризм және спорт басқармалары 2003-2004 жылдар Бюджетте қаралған қаржы мөлшелерінде Бюджетте қаралган қаржы мөлшелерінде Жергілікті бюджет 20 Степногор, Щучье, Атбасар қалаларының ІІО штаттарына кәмелетке толмағандар ісі жөніндегі «мектеп» полиция инспекторларының лауазымы енгізілсін. Әкімдік қаулысы Облыс әкімдігі, қала, аудан әкімдері, ІІББ 2004 жыл 19,89 Жергілікті бюджет 21 Мемлекеттік тапсырыс шенберінде, кәмелетке толмағандардың құқық бұзушылық және бақылаусыз қалу проблемаларын телерадио каналдары арқылы жарық көруін қамтамасыз етсін. телерадиохабарлары облыстық білім, мәдениет, ақпарат және қоғамдық келісім басқармалары, ІІББ үнемі Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет 22 Педагогикалық факультеттері бар жеке жоғары оқу орындарына девиантты тәртібі бар балалармен жұмыс жасай алатын мұгалімдерді дайындау үйыйдастырылсын. Бұйрық облыстық білім басқармасы, ЖОО 2003 жылғы 2-тоқсан Бюджетте қаралған қаржы мөлшерінде Бюджетте қаралған қаржы мөлшерінде ЖОО қаржыларымен 23 Павлодар және Қызылорда қалаларының тәжірибесі негізінде оқушылар мен студент жастар арасындағы құқық бұзушылықтың алдын-алу мақсатында Жоғары оқу орындары мен колледждерде Кеңестер құру қолға алынсын. Бұйрық облыстық білім басқармасы ЖОО, ІІББ 2003 жылғы 2-тоқсан 24 Жалпы білім беретін, кәсіби мектептерде, колледждерде және жоғары оқу орындарында «Есірткісіз өмір», «Шылым шегуді тастап, денсаулықты таңда», «Жастар СПИДке қарсы», «Жастар қылмысқа қарсы» т.б. тақырыптарда ақциялар жүргізілсін. акция жүргізу. облыстық білім басқармасы, ЖОО.ІІББ, қала, аудан әкімдері Жарты жылда 1 рет Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет ЖОО қаржысына 25 ОТРК салауатты өмір салтын насихаттайтын жастар хабарлары ұйымдастырылсын. хабарлар жүргізу облыстық ақпарат және қоғамдық келісім басқармасы 2003 жылғы 2-тоқсан Бюджетте қаралған қаржы мөлшерінде Жергілікті бюджет 3) Маскүнемдік және нашақорлықтың алдын-алу 26 Ерейментау ауданы Селеті ауылында маскүнем, нашақор тұлғаларды еріксіз профилактикалық емдеу мекемесіндегі емделу орындарының кеңейтілуіне шара қолданылсын Әкімдік қаулысы Облыстық әкімдік, облыстық білім басқармасы 2003 жылдың 1-жарты жылдығы. Бюджетте қаралған қаржы мөлшерінде Жергілікті бюджет 27 Мас күйінде қылмыс жасау фактілері жоғары орын алған аймақтардағы медициналық айықтырғыштардың жұмысы зерттелсін. Тұлғалардың мас күйінде қылмыс жасауына тосқауыл болып, маскүнемдікпен күресті белсенді түрде жүргізу бойынша ұсыныс жасалып, ІІО арнайы мекемелерінің бұл бағыттағы іс әрекетінің тиімділігі арттырылсын. Облыс әкіміне ұсыныс ІІББ, облыстық денсаулық сақтау басқармасы 2004 жылғы 1-тоқсан 28 Маскүнемдіктің салдарынан тұрмыс жағдайында жасалатын қылмыстардың алдын алу мақсатында тұрмыстық маскүнемдікті анықтап, оларды еріксіз емдеу орындарына жіберу үшін, біріккен іс-шаралар ұйымдастырылсын. арнайы жоспар ІІББ, облыстық денсаулық сақтау басқармасы Жарты жылда 1 рет 4) Рецидивті қылмыстардың алдын алу 29 Бас бостандығыныан айыру орындарынан босаған тұлғалардың белгілі мекеніне оралуына бақылау қою тетігі дайындалсын бірлескен бұйрық ҚАЖК, ІІББ 2003 жылдың 2 тоқсаны. 30 Қоғамнан аласталмай, шартты түрде сотталғандардың тұрмыс жағдайы мен іс-әрекетіне бақылау күшейтілсін. Бұл мәселеде ІІО мен Әділет Министрлігі қылмыстық-атқару жүйесінің тиімді әрекеттері қамтамасыз етілсін. бірлескен жоспар АЖК, ІІББ үнемі 31 Көкшетау қаласындағы құжаты, тұрақты мекен-жайы жоқ тұлғаларды әлеуметтік бейімдеу орталығының орындарын қажет деңгейге дейін көбейтіп, әлеуметтік байланысын жоғалтқан тұлғаларды еңбекпен, тұрмыс жайымен қамтамасыз етсін. Әкімдік қаулысы Көкшетау қалалық әкімдігі, облыстық еңбек және халықты әлеуметтік қорғау басқармасы 2003-2004 жылдар Бюджетте қаралған қаржы мөлшерінде Бюджетте қаралған қаржы мөлшерінде Жертіліктіқор 5) Қоғамның құқықтық мәдени деңгейін қөтеру 32 Қазіргі таңдағы қылмыстардың құқықтық аспектілері туралы қоғамдық пікірді білу мақсатында, арнайы социологиялық зерттеулер жүргізілсін Облыс әкімдігіне ақпарат облыстық ақпарат және қоғамдық келісім басқармасы, ІІББ, облыстық прокуратура (келісім бойынша) Жарты жылда 1 рет 33 Қылмыспен күрес нәтижелерін және құқықтық мәдениетті-қалыптастыруды бұқаралық ақпарат құралдарында жариялау қамтамасыз етілсін жариялау, бейне материалдар облыстық прокуратура (келісіммен), ІІББ, әділет басқармасы (келісіммен), ҰҚҚД (келісіммен), КДП, облыстық кеден басқармасы (келісіммен), облыстық ақпарат және қоғамдық келісім басқармасы үнемі 34 Экономикалық іс-қимылдар аясындағы ұйымдасқан қылмыс мәселелері бойынша облыстық семинар өткізу ұйымдастырылсын семинар материалдары ІІББ, облыстық прокуратура (келісіммен) ҰҚКД(кедібш бойынша) 2003 ж. 2 тоқсаны 6) Ұйымдасқан қылмыспен күрес. Қылмысты ашу және тергеу 35 Ұйымдасқан қылмыстық топтарды анықтау және олардың қаржы көздерін жою, сонымен қатар қылмыстық жолмен табылған ақша қаржыларының каналдарын жабуға мақсатты түрде бағытталған бірлескен жедел шаралар жүргізілсін арнайы жоспарлар ІІББ, ҚПД, прокуратура (келісіммен), ҰҚКД (келісіммен), облыстық кеден басқармасы (келісіммен), жарты жылда 1 рет 36 Ұйымдасқан қылмыстық топтармен жасалған қылмыстарды анықтау және тергеу жүргізу үшін, қылмысты процессуалды қызметте тәжиребесі бар қызметкерлер құрамынан бірлескен жедел - тергеу топтары құрылсын. бірлескен бұйрық ІІББ, ҚПД, ҰҚКД, (келісіммен) үнемі 37 Ұйымдасқан қылмыспен, криминалды ланкестікпен, діни экстремизммен күресті күшейту мақсатында ланкестік, діни экстремистік әрекет жасауға бейім, ұйымдасқан қылмыс топ мүшелері жайлы дерек беретін мәліметтік банк құрылсын. сәйкес мәліметтер банкісі ІІББ, ҰҚКД (келісіммен) 2003 жылы 4 тоқсан 38 Облыстық кұқық қорғау органдарының бірлескен іс әрекеті денгейін көтеру мақсатында экономикалық аймақ аясындағы ұйымдасқан қылмыспен күрестің тиімді жолдары облыстық қорғау органдарының координациялық Кеңесінің мәжілісінде қаралсын. Координациялық Кеңестің шешімі. облыстық прокуратура (келісіммен), ҚПД, ІІББ, ҰҚКД (келісіммен) жыл сайын, жеке жоспар бойынша 39 Тәжірибеде қолданылып жүрген сот - медициналық және сот - психиатриялық сараптама өндірісінің ережелерін өзгерту туралы ұсыныстары жасалсын. орталық органдарға ұсыныс. Облыстық денсаулық сақтау басқармасы, ІІББ, ҰҚКД (келісіммен), ҚПД 2003 жылы 1 тоқсан 7) Заңсыз есірткі айналымымен күрес 40 «Мак», «Допинг», «Канал», «Арна», жедел алдын-алу іс шараларын жүргізу тәжірибесі жалғастырылсын арнайы жоспарлар ІІББ, ҰҚКД (келісіммен), облыстық кеден басқармасы (келісіммен), облыстық денсаулық сақтау басқармасы тоқсан сайын 41 Медицина мекемелерінің, барлық меншік түрлеріндегі дәріханалардың, сонымен қатар жұмыс барысында прекурсорларды қолданатын ұйымдардың есірткі құралдарын, және прекурсорларды есепке алу, тапсыру, сақтау және жою тәртібіне тексеріс жүргізілсін. мекемелік бақылау актілері ІІББ, прокуратура (келісіммен) үнемі 42 Заңсыз есірткі айналымынан түскен түсімдерді заңдастыруға қарсы, басқа да құқық қорғау органдарымен бірлескен жедел алдын-алу шаралары жүргізілсін Арнайы жоспарлар ІІББ ҚПД, ҰҚКД (келісіммен), облыстық кеден басқармасы (келісіммен) үнемі 43 Облыс аймағы арқылы есірткі тасымалдау каналдарын жабу мақсатында халықаралық автомагистралдар өтетін Атбасар, Есіл, Щучье, Бұланды және Аршалы аудандарында мақсатты түрдегі жедел іздестіру шаралары үнемі жүргізілсін. Арнайы жоспарлар ІІББ, ҰҚКД, (келісіммен), облыстық кеден басқармасы (келісіммен) үнемі 44 Нашақорлар жиналатын ордаларды, притондарды анықтау және есірткілерді медицинадан басқа бағытта пайдаланушыларды анықтау, есепке алу үшін, медициналық-полиция топтарының жұмысы ұйымдастырылсын. бірлескен бұйрық ІІББ, облыстық денсаулық сақтау басқармасы үнемі 45 ІІО-ғы және ІІББ қызметтік иттер тұқымбағындағы қызметтік-іздестіру иттерінің санын ұлғайту, қалалық, аудандық ІІБ-дегі кинологтар штатын ұлғайтуға шаралар қолданылсын. Бұйрық ІІББ 2003-2004 жылдар Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет 8) Ланкестікпен, заңсыз көші-қон және экстремизм көріністерімен күрес 46 Ланкестікке қарсы жүргізілетін операцияларды дайындау мақсатында бірлескен тактикалық жаттығулар жүргізілсін. арнайы жоспарлар ІІББ ҰҚКД (келісіммен), облыстық төтенше жағдай басқармасы жарты жылда 1 рет 47 Лаңкестік және экстремистік бағытындағы қылмыстарды анықтау, тосқауыл болу және алдын-алу үшін, бірлескен арнайы және жедел-сауықтыру іс шаралар жүргізілсін. арнайы жоспарлар ІІББ, ҰҚКД (келісіммен) жыл сайын 48 Діни экстремизм идеяларының белгісі бар материалдарға орталықтандырылған теологиялық сараптар жүргізу туралы нақты ұсыныстар дайындалып, ұсынылсын. Орталық органдарға ұсыныс. ҰҚКД (келісіммен), әділет басқармасы (келісіммен), облыстық мәдениет, ақпарат және қоғамдық келісім басқармалары, әділет басқармасы (келісіммен) 2003 ж. 2 тоқсан 49 Еңбек, тұрғындарды әлеуметтік қорғау, көші-қон және демография басқармасының қызметкерлерін қатыстырып, «Мигрант» жедел алдын алу шараларының үнемі жүргізілуі қамтамасыз етілсін. арнайы жоспарлар ІІББ, облыстық еңбек және халықты әлеуметтік қорғау басқармасы тоқсан сайын 50 Шетел азаматтарының заңсыз көшіп қонуына тосқауыл жасау жұмысын жандандыру мақсатында, оларды Қазақстан Республикасынан шығару үшін, жергілікті бюджетте қаржы қарастырылсын. Әкімдік қаулысы Облыс әкімдігі, қала, аудан әкімдері, ІІББ жыл сайын Бюджетте қаралған қаржы мөлшерінде 3,2 Жергілікті бюджет 51 Тұрғындарды құжаттандыру үшін, ІІО көші қон полициясының құрылымдары ақысыз баспабет өнімдерімен қамтамасыз етілсін. қала, аудан әкімдері үнемі Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет 9) Экономикалық қылмыстармен және сыбайлас жемқорлықпен күрес 52 Прокуратура және басқа да құқық қоргау органдары қызметкерлерінің бірлескен топтары, жеке шаруашылық субьектілерін тексеруді тәжірибеге енгізсін арнайы жоспарлар Прокуратура (келісімімен), ІІББ, ҚПБ 2003-2004 жылдар 53 Экономикалық контрабанда, астық, мұнай өнімдерін және басқа да шикізат ресурстарын тонау фактілерін, сыбайлас лауазымды тұлғалармен байланысқан ұйымдасқан қылмыстық топтарды анықтау және олардың іс әрекеттеріне тосқауыл болу мақсатында келісілген жедел іздестіру шаралары мен арнайы операциялары жүргізілсін. арнайы жоспарлар ҚПБ, ІІББ, ҰҚКД (келісіммен), облыстық прокуратура (келісіммен) жарты жылда 1 рет 54 Тауарларды мемлекеттік сатып алу және қызмет көрсету ісін қорғауды күшейту және оларға криминалды құрылымдар тарапынан болатын өктемдіктен қорғауды күшейту үшін, кешенді шаралар дайындалып, жүзеге асырылсын. арнайы жоспарлар ІІББ, ҚПД, облыстық прокуратура (келісіммен) жарты жылда 1 рет 10) Қылмыспен күрес жүргізуді ақпаратты-техникалық қамтамасыз ету 55 ІІО интеграциялық деректер банкісімен қамтамасыз ету үшін, қажетті дайындық жұмыстары пайдалануға енгізу ІІББ 2003 ж.. Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет 56 ІІО бірыңғай дактилоскопиялық жүйе кешендерін құру бойынша дайындық жұмыстарын жүргізуді қамтамасыз етсін. пайдалануға енгізу ІІББ 2003-2004 жылдар Бюджетте қаралған қаржы мөлшерінде Бюджетте қаралған қаржы мөлшерінде Жергілікті бюджет 57 Облыстың ІІО бірыңғай дактилоскопиялық жүйесінен алынған кешендер желісін құру мәселесі қарастырылсын. Облыс әкімдігіне ақпарат ІІББ 2003 жылдың 1 жарты жылдығы 58 ІІО алынған рұқсат жүйесін прокуратура органдарындағы (түзетуге құқылы емес) бірыңғай уницифирлік статистикалық жүйесінің мәліметтер базасына еңгізу жұмысы ұйымдастырылсын. пайдалануға енгізу ІІББ 2003 жылғы 2 жартыжылдық Бюджетте қаралған қаржы мөлшерінде Жергілікті бюджет 11) Құқық қорғау органдары қызметінің заңдылығын нығайту 59 Прокурорлық және мекемелік тексерістерді жүргізу істерін сотта қарау мен қылмыстық құдалауды жүзеге асыру барысында азаматтардың конституциялық құқығын, есеп тіркеу тәртібін және заңдылықты сақтау жұмыстарына ұдайы бақылау жүргізілсін прокурорлық және мекемелік бақылау актілері облыстық прокуратура (келісіммен), ІІББ, ҰҚКД (келісіммен), ҚПД, ҚАЖҚБ 2003-2004 жылдар 60 «Сот, прокуратура алдын-ала тергеу, анықтау, сот сарабы органдарының қылмыстық, азаматтық және әкімшілік құқық бұзушылық істері бойынша, құжаттар мен айғақ заттарды алу, тіркеу, сақтау, тапсыру және жою тәртібі туралы» Нұсқауының есірткі құралдары, психотроптық заттар мен прекурсорларды сақтау және жою тәртібі бөлігіне өзгертурлер енгізу туралы ұсыныс жасалсын. орталық органдарға ұсыныс. Прокуратура (келісіммен), ІІББ, ҰҚКД (келісіммен), ҚПБ, облыстық кеден басқармасы (келісіммен), әділет басқармасы (келісіммен) 2003 жылдың 4 тоқсаны 61 Медициналық мекемелерге жеткізілген зардап шеккен, қайтыс болған, ұсталған адамдар және т.б..жағдайлар туралы тұрғындары жедел ақпараттандыру үшін, Көкшетау қаласында «Қайғылы оқиғалар бюросының» мамандандырылған анықтау ақпарат қызметі құрылсын. Әкімдік қаулысы Облыс әкімдігі 2004 жыл Бюджетте қаралған қаржы мөлшерінде Жергілікті бюджет 12) Құқық қорғау органдарында кадр саясатын жетілдіру. 62 Құқық қорғау және басқа да сәйкес органдардарда қызметкерлерді азаматтардың ар-ожданын сыйлауға, олардың конституциялық құқықтарын қорғауды тәрбиелеуге бағытталған тәрбие жұмысы Концепциясының жүзеге асырылуы қамтамасыз етілсін. іс шаралар- жоспары ІІББ, ҚПД, ҰҚКД (келісіммен), облыстық прокуратура (келісіммен), облыстық кеден басқармасы (келісіммен), әділет басқармасы (келісіммен), облыстық білім, төтенше жағдай басқармалары 2003-2004 ж.ылдар 63 Құқық қорғау және басқа да сәйкес органдар қызметкерлерін әлеуметік қорғауды нығайту мақсатында, осы категориядағы қызметкерлерге қаржыландыру көзінен тәуелсіз, жеңілдетілген несие беру жүйесін енгізу туралы ұсыныс жасалсын. орталық органдарға ұсыныс ІІББ, ӘБ, ҰҚКД (Келісім бойынша) ҚПБ, прокуратура (келісіммен), облыстық облыстық төтенше жағдай басқармасы 2003 жыл, 2 тоқсан 13) Қылмыспен күрес жүргізуде құқықтық базаны одан әрі дамыту 64 «Заңсыз жолмен келген кірістерді (талан таражға салу) заңдастырудың кері әсері туралы» Заң жобасын дайындауға қатыстырылсын орталық органдарға ұсыныс КПБ, ҰҚҚД (келісіммен), ІІББ, облыстық прокуратура (келісіммен) 2004 жыл, 3 тоқсан 65 Қылмыстық процессуалдық заңнаманың: алдын ала тергеу және анықтау өндірісін қысқарту, сонымен қатар анықтауды кеңейту; алдын ала тергеу және анықтау өндірісі кезінде қолданылатын «көрсетпе хаттамасы» процессуалдық құжатты енгізу; куәнің міндетті қатысуы кезінде процессуалды әрекеттерді анықтау; «Жақтардың мәмілелесуі бойынша» қылмыстық іс қозғаудан бас тартуға негіз болып (кінәлі тұлға келтірілген зиянды өтеп, жәбірленушімен татуласқан жағдайда) ҚР ҚІЖК 37 б. толықтыру енгізу; ҚР ҚІЖК 150 бабы бойынша тұтқындалған тұлғаларды уақытша қамау изоляторы жағдайында ұсталу мерзімдерін өзгерту; одорологиялық зерттеу нәтижелерін бекіту және жедел әшкерелеу материалдарын айғақ есебінде қолдануды кеңейту; балама тұтқындауға бұлтартпау шараларын қолдану тетіктерін қайта қарау; сот өндірісі кезінде аса қауіпті қылмыстар туралы істер бойынша қамауда ұстау мерзімін бір жылға дейін шектеу және Басты сот қарауы кезіндегі шекті мерзімді бекіту; күдцегілердің (айыпталушылардың) құқығы мен мүддесін қорғауды жүзеге асыратын тұлғалардың санын көбейту, оларға заңды көмек көрсету бөлімдеріне өзгертулер мен толықтырулар туралы ұсыныс енгізілсін. орталық органдарға ұсыныс ІІББ, әділет басқармасы (келісіммен), ҰҚКД (келісіммен), КДП, облыстық прокуратура (келісіммен) 2003 ж. 1 тоқсан 66 Құқық қорғау органдарының іс жүзіндегі қызметінде пайдалануы үшін, қаржыларды заңсыз ақшаға айналдыру жолымен келген кірістерді талан-таражға салуға байланысты қылмыстарды анықтау, ашу және тергеудің әдістемелік үлгідегі ұсыныстары дайындалсын. әдістемелік ұсыныс ҚПД, ІІББ, прокуратура (келісіммен) 2003 жылғы 4 тоқсан БАРЛЫҒЫ 75,1 207,99 Ескертулер Әріптік таңбаларды айыру: ҰҚКД - Ұлттық қауіпсіздік комитетінің Департаменті ҚПД - Қаржы полициясының Департаменті ІІББ - Ішкі істер бас басқармасы ҚПД – Қаржы полициясының Департаменті Ақмола облысы бойынша ҚАЖКБ - Қылмыстық атқару жүйесі комитетінің басқармасы