Аудандық мәслихаттың «Халықтың әлеуметтік жағынан қорғалатын кейбір топтарына мемлекеттік тұрғын үйлерді жекешелендіру Ережесі туралы» 2005 жылғы 26 қазандағы № 140-ІІІ шешіміне өзгерістер мен толықтырулар енгізу туралы от 28.08.2007 г. № 10-IV (Аудандық мәслихаттың «Халықтың әлеуметтік жағынан қорғалатын кейбір топтарына мемлекеттік тұрғын үйлерді жекешелендіру Ережесі туралы» 2005 жылғы 26 қазандағы № 140-ІІІ шешіміне өзгерістер мен толықтырулар енгізу туралы)

Аудандық мәслихаттың «Халықтың әлеуметтік
жағынан қорғалатын кейбір топтарына мемлекеттік
тұрғын үйлерді жекешелендіру Ережесі туралы »
2005 жылғы 26 қазандағы №140-ІІІ шешіміне өзгерістер
мен толықтырулар енгізу туралы
Қазақстан Республикасы Министрлер Кабинетінің 1992 жылғы 24 қаңтардағы №66 «Қазақстан Республикасының мемлекеттік тұрғын үй қорын жекешелендіру Ережесін бекіту туралы» қаулысы, Қазақстан Республикасының 1997 жылғы 16 сәуірдегі №94 «Тұрғын үй қатынастары туралы» заңы, «Қазақстан Республикасындағы жергілікті мемлекеттік басқару туралы » заңының 6 бабы негізінде (2005 жылғы 26 қазандағы аудандық мәслихаттың кезекті ХҮІІІ сессиясының №140-ІІІ санды шешімі мемлекеттік тіркеу тізіліміне 4-4-32 санымен 10 қараша 2005 жылы тіркелген, аудандық «Нарын таңы» газетінің 2005 жылғы 26 қарашадағы №48 санында жарық көрген) аудандық әкімияттың 2007 жылғы 27 тамыздағы №144 қаулысын қарай келіп, аудандық ШЕШІМ ЕТЕДІ:

1. Аудандық мәслихаттың «Халықтың әлеуметтік жағынан қорғалатын кейбір топтарына мемлекеттік тұрғын үйлерді жекешелендіру Ережесі туралы» 2005 жылғы 26 қазандағы №140-ІІІ шешімі өзгеріс және толықтыруларымен қосымшаға сәйкес жаңа редакцияда мазмұндалсын.

2. Аталған шешім аудандық Әділет басқармасынан мемлекеттік тіркеуден өткізілсін.

Аудандық мәслихаттың
2007 жылғы 28 тамыздағы
І сесесиясының №10-ІҮ
нормативтік құқықтық кесімне қосымша
Халықтың әлеуметтік жағынан қорғалатын кейбір топтарына
мемлекеттік тұрғын үйлерін жекешелендіру туралы
Е Р Е Ж Е:

1. Бұл ереже Қазақстан Республикасының 1997 жылғы 16 сәуірдегі № 94 «Түрғын үй қатынастары туралы» Заңына, Қазақстан Республикасы Министрлер Кабинетінің 1992 жылғы 24 қаңтардағы №66 қаулысымен бекітілген «Қазақстан Республикасындағы мемлекеттік тұрғын үй қорын жекешелендіру туралы» Ережесіне және осы жөніндегі басқа да нормативтік құқықтық актілерге сәйкес әзірленді.

2. Осы ережеде мынадай ұғымдар қолданылады:

1) Тұрғын үй- тұрақты тұруға арналған және соған пайдаланылатын белгіленген техникалық, санитарлық және басқа да міндетті талаптарға сай келетін жеке тұрғын үй (жеке-дара тұрғын үй, пәтер);

2) Тұрғын үйді жекешелендіру – кейбір санаттағы азаматтардың мемлекеттік тұрғын үй қорындағы өздері тұратын үй- жайларды меншігіне сатып немесе тегін алуы, ол заңдарға сәйкес жүзеге асырылады;

3) Репатрианттар – Қазақстан Республикасындағы тұрақты тұру үшін басқа мемлекеттерден тарихи отанына қайтып оралушы адамдар.

3. Халықтың әлеуметтік жағынан қорғалатын топтарына жататын азаматтардың тұрғын үйлерін жекешелендіру Қазақстан Республикасының «Тұрғын үй қатынастары туралы» Заңына және осы Ережеге сәйкес жүзеге асырылады.

4. Өтеусіз тегін жекешелендіруге мына санаттағы азаматтар жатады:
- репатрианттар (оралмандар);
- жасына қарай зейнеткерлік демалысына шыққан, бұрын жекешелендіру құқын пайдаланбаған зейнеткер, ауданның Құрметті азаматы.
- көп балалы, тұрмыстық деңгейі төмен, әлеуметтік жағынан қорғалуға жататын, баспанасыз, отырған үйлері авариялық жағдайда болуымен байланысты үймен қамтылған отбасылар.

2. Жекешелендіру тәртібі және тұрғын үйді пайдалану

5. Тұрғын үй Қазақстан Республикасының заңдарында белгіленген ретпен, шарттармен және осы Ережеге сәйкес жекешелендіріледі.

6. Тұрғын үйді жекелендіру кәмелеттік жасқа толған барлық жанұя мүшелерінен жазбаша келісім алу арқылы жүзеге асырылады.

7. Тұрғын үйді жекешелендіруде сатып (өтеусіз тегін алушы) алу мен сатушының (мемлеекттік уәкілетті орган) аралығында келісім шарт жасалады.

8. Тұрғын үйді бағалауды және жекешелендіруді арнайы бекітілген комиссия арқылы жүзеге асырылады.

9. Тұрғын үйді жекешелендіруге тілек білдірген азамат төмендегі құжаттарды аудандық экономика және бюджеттік жоспарлау бөліміне тапсырады:

1) Аудандық жекешелендіру комиссиясына арыз;

2) Жеке басын куәландыратын құжаттардың көшірмелері;

3) Жанұялық анықтама;

4) Тұрғын үйде бірге тұратын жасы 18-ден асқан жанұя мүшелерінің нотариялды куәландырылған қолхаты;

5) Кәмелетке толмаған балаларға қорғаншылық және қамқоршылық органынан анықтама;

6) Тұрғын үй ордерінің көшірмесі;

7) Бұрын жекешеленген тұрғын үй тіркелмегендігін растайтын анықтама;

8) Әлеуметтік жағынан қорғалуға жататын куәландыратын анықтама.

10. Көп қабатты үйлердегі жекешеленген пәтерлер мен жайларды қайта құру немесе жобалау тиісті аудандық мемлекеттік басқару органдарының келісімі арқылы жасалады.