Қазақстан Республикасының «Қазақстан Республикасындағы жергілікті мемлекеттік басқару туралы», «Нормативтік құқықтық актілер туралы» Заңдарын басшылыққа ала отырып, аудан әкімдігі ҚАУЛЫ ЕТЕДI:

1. Аудан әкімдігінің 2007 жылғы 22 қаңтардағы № 30 «Ақылы қоғамдық жұмыстарды ұйымдастыру туралы» (нормативтік құқықтық актілерді мемлекеттік тіркеу тізілімінде 2007 жылғы 25 қаңтардағы № 7-5-41 тіркелген және аудандық «Жаңарған өңір» газетінің 2007 жылғы 10 ақпандағы № 6 санында жарияланған) қаулысына төмендегідей өзгерістер мен толықтырулар енгізілсін:
Аталған қаулымен бекітілген № 1 қосымшадағы «Аудан бойынша қоғамдық жұмыстарды ұйымдастыратын мекемелердің» тізбесіне «Жаңақала аудандық білім беру бөлімінің мектептен тыс тәрбие орталығы» мемлекеттік коммуналдық қазыналық кәсіпорны, Жаңақала ауданының «Балалар - жасөспірімдер спорт мектебі» мемлекеттік коммуналдық қазыналық кәсіпорны, Қазақстан Республикасының Ауыл шаруашылығы министрлігі Республикалық фитосанитарлық диагностикалық және болжамдар әдістемелік орталығы мемлекеттік мекемесінің Жаңақала аудандық филиалы, Батыс Қазақстан өндірістік филиалы «ҚазТрансГазАймақ» Жаңақала газ учаскесі, Жаңақала ауданының прокуратурасы және № 3 орта жалпы білім беретін қазақ, Қ. Жантілеуов атындағы саз мектептері енгізілсін.