Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31- бабы, Қазақстан Республикасының «Халықты жұмыспен қамту туралы» Заңының 20-бабы, Қазақстан Республикасының «Қазақстан Республикасындағы мемлекеттік жастар саясаты туралы» Заңының 8-бабын басшылыққа алып, Қазақстан Республикасы Үкіметінің 2001 жылғы 19 маусымдағы №836 «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» қаулысына сәйкес, еңбек нарығындағы жағдайды және қоғамдық жұмыстарды ұйымдастыруды жақсарту мақсатында, қала ұйымдарынан түскен сұраныс пен ұсыныстарды ескеріп, қала әкімдігі ҚАУЛЫ ЕТЕДІ:

1. Орал қаласы әкімдігінің «Орал қаласы бойынша 2008 жылы қоғамдық жұмыстарды ұйымдастыру және қаржыландыру туралы» 2007 жылғы 27 желтоқсандағы № 2991 (нормативтік құқықтық актілерді мемлекеттік тіркеу тізілімінде 7-1-79 нөмірімен тіркелген, 2008 жылы 24 қаңтардағы «Жайық үні» газетінің 4 нөмірімен жарияланған) қаулысына келесі толықтырулар енгізілсін:
көрсетілген қаулымен 1-қосымшасы «Қоғамдық жұмыстар жүргізілетін кәсіпорындардың тізбесі, қоғамдық жұмыстардың түрлері, көлемі және нақты жағдайлары, қатысушылардың еңбекақы мөлшері және қосымшаларға сәйкес оларды қаржыландыру көздерінің тізбесі» мынадай мазмұндағы реттік нөмірлері 53, 54 жолдармен толықтырылсын:
«53 Қазақстан Республикасы Төтенше жағдайлар министрлігі Батыс Қазақстан облысының төтенше жағдайлар департаменті мемлекеттік мекемесі
іс жүргізу,
аумақты жинау,
тазалау
10515
теңге
54 Батыс Қазақстан облыстық сот
Хат-хабар
жеткізу
10515
теңге»;
мынадай келесі мазмұндағы 6-1 тармақпен толықтырылсын:
«6-1.Осы қаулы алғашқы ресми жарияланған күннен қолданысқа енеді».