2007 жылға нысаналы топтарға жататын азаматтардың тізбесі және оларды қорғау жөніндегі әлеуметтік шаралар туралы Күшін жойған

2007 жылға нысаналы топтарға жататын азаматтардың тізбесі және оларды қорғау жөніндегі әлеуметтік шаралар туралы Қазақстан Республикасының “Қазақстан Республикасындағы жергілікті мемлекеттік басқару туралы” Заңының 31 бабының 1 тармағының 13 тармақшасын және “Халықты жұмыспен қамту туралы” Заңының 5 бабын, 7 бабының 2 тармақшасын басшылыққа алып, нысаналы топтарға жататын азаматтарды әлеуметтік қорғау және оларға жұмысқа орналасу құқығын көрсету мақсатында аудандық әкімият ҚАУЛЫ ЕТЕДІ:

1. 2007 жылға нысаналы топтарға жататын азаматтардың тізбесі (1 қосымша) және 2007 жылға нысаналы топтарды қорғау жөніндегі әлеуметтік шаралар белгіленсін (2 қосымша).

2. Аудандық жұмыспен қамту және әлеуметтік бағдарламалар бөлімінің бастығы Р.С.Мүсалимоваға белгіленген шаралар бойынша ең алдымен нысаналы топтарға жататын азаматтарды қамтамасыз ету жүктелсін.

3. Аудандық әкімияттың 2005 жылғы 23 желтоқсандағы “2006 жылға нысаналы топтарға жататын азаматтардың тізбесін бекіту және оларды қорғау жөніндегі әлеуметтік шаралар туралы” № 298 қаулысының (мемл.тіркеу № 7-11-18 14.01.2006 ж.) күші жойылды деп танылсын.

4. Осы қаулының орындалуын бақылау аудан әкімінің орынбасары Жұбанышқалиева Люция Әсетқызына жүктелсін.

5. Осы қаулы қолданысқа мемлекеттік тіркеуден өткен күннен бастап енгізіледі.

Аудандық әкімияттың 2006 жылғы 27 қараша №322 қаулысына 1 қосымша 2007 жылға нысаналы топтарға жататын азаматтардың тізбесі

1. Табысы аз адамдар;

2. Жиырма бір жасқа дейінгі жастар;

3. Балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар;

4. Кәмелетке толмаған балаларды тәрбиелеп отырған жалғызілікті, көп балалы ата-аналар;

5. Қазақстан Республикасының Заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдары бар азаматтар;

6. Зейнеткерлік жас алдындағы адамдар (жасына байланысты зейнеткерлікке шығуға екі жыл қалған);

7. Мүгедектер;

8. Қазақстан Республикасының Қарулы Күштері қатарынан босаған адамдар;

9. Бас бостандығынан айыру және (немесе) мәжбүрлеп емдеу орындарынан босатылған адамдар;

10. Оралмандар;

11. Жұмыссыздар.

Аудандық әкімияттың 2006 жылғы 27 қараша №322 қаулысына 2 қосымша 2007 жылға нысаналы топтарды жұмыспен қамту жөніндегі шаралар № Іс-шаралар Барлығы, адам саны Соның ішінде, нысаналы топ, адам саны 1 Жұмысқа орналастыру 365 182 2 Қоғамдық жұмыстарға жіберу 385 193 3 Бастапқы даярлауға, қайта даярлауға және біліктілігін арттыруға жіберу барлығы 50 25 Соның ішінде: - бастапқы даярлау - қайта даярлау - біліктілігін арттыру 15 30 5 10 13 2 4 Әлеуметтік жұмыс орындарына жіберу 61 61