2008 жылға ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын базалық салық ставкалары туралы от 21.12.2007 г. № 39-III (2008 жылға ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын базалық салық ставкалары туралы)

2008 жылға ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын базалық салық ставкалары туралы
Қазақстан Республикасының 2001 жылғы 23 қаңтардағы №148-II «Қазақстан Республикасындағы жергілікті мемлекеттік басқару туралы» Заңының 6-бабының 1-тармағының 13), 15) тармақшаларын басшылыққа алып, «Салық және бюджетке төленетін басқа да міндетті төлемдер туралы» Қазақстан Республикасының 2001 жылғы 12 маусымдағы №209 Кодексінің (Салық кодексі) 338-бабының 1-тармағының талаптары және Құрманғазы ауданы бойынша салық комитетінің 2007 жылғы 28 қарашадағы №1703 ұсынысы негізінде аудандық мәслихат ШЕШІМ ЕТТІ:

1. Салық кодексінің 329-бабымен белгіленген ауылшаруашылығы мақсатындағы жерлерге және 334-бабымен белгіленген елді мекендерден тыс орналасқан өнеркәсіп жерлеріне салынатын базалық салық ставкалары аудан бойынша 2008 жылға 50 пайыз мөлшерінде өсірілсін.

2. Аудандық мәслихаттың 2006 жылғы 15 желтоқсандағы №301-XXXIY «Ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын салық ставкалары туралы» (аудандық әділет басқармасында 2006 жылы 25 желтоқсанда №4-8-65 мемлекеттік тіркелген, аудандық «Серпер» газетінде 2007 жылы 10 қаңтарда 2 нөмірінде жарияланған) шешімінің күші 2008 жылдың 1 қаңтарынан бастап жойылсын.

3. Осы шешім 2008 жылдың қаңтар айының 1-нен бастап қолданысқа енгізілсін.

4. Осы шешімнің орындалуын бақылау аудандық мәслихаттын экономика, салық және бюджет саясаты жөніндегі тұрақты комиссияға (Ш.Жәлелов) тапсырылсын.
Келісілді:
Құрманғазы ауданы бойынша
салық комитетінің төрағасы
Ғ.Мырзағалиев