Қазақстан Республикасының 2008 жылғы 10 желтоқсандағы "Салық және бюджетке төленетін басқа да міндетті төлемдер туралы" (Салық Кодексі) Кодексінің 387-бабының 1-тармағына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 1-тармағының 15) тармақшасына және Сарыағаш аудандық мәслихатының 12 қаңтар 2004 жылғы № 3-8-33 "Сарыағаш ауданындағы жерлерді аймақтарға бөлу жобасын (схемасын) бекіту туралы" шешіміне сәйкес, Сарыағаш аудандық мәслихаты ШЕШТІ:

1. "Сарыағаш ауданы бойынша белгіленген жер салығының базалық ставкаларын белгілеу туралы" Сарыағаш аудандық мәслихатының 2009 жылғы 23 ақпандағы № 21-8-128 (нормативтiк құқықтық кесiмдерiн мемлекеттiк тiркеу тiзiлiмiнде № 14-11-97 тiркелген, 2009 жылғы 20 наурыздағы "Сарыағаш" газетiнiң № 34-35 санында жарияланған) шешiмiне мынадай өзгерiс енгiзiлсiн:
аталған шешімнің 1-тармағы мынадай мазмұндағы жаңа редакцияда жазылсын:
«1. Автотұрақтарға (паркингтерге), автомобильге май құю станцияларына және казиноға бөлінген (бөліп шығарылған) жерлерді қоспағанда, Қазақстан Республикасының «Салық және бюджетке төленетін басқа да міндетті төлемдер туралы» (Салық Кодексі) Кодексінің 378, 379, 381, 383-баптарында белгiленген жер салығының базалық ставкалары 50 пайызға жоғарылатылсын».