«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы № 148-ІІ Заңына сәйкес аудан әкімдігі ҚАУЛЫ ЕТЕДІ:

1. «Аудандық коммуналдық меншік туралы» Мақтарал аудан әкімдігінің 2009 жылғы 4 қыркүйектегі № 799 (Нормативтік-құқықтық актілерді Мемлекеттік тіркеу тізілімінде 14-7-83 нөмірімен тіркелген, «Мақтаарал» газетінің 38(8483)-нөмірінде 2009 жылғы 18-қыркүйекте жарияланған) қаулысына мынадай өзгерістер мен толықтырулар енгізілсін:
көрсетілген қаулымен бекітілген аудандық коммуналдық мүлікті мүліктік жалға (жалдауға) беру нұсқаулыққа:
16-тармақ мына мазмұндағы абзацпен толықтырылсын:
«Кепілдік жарна жалға берілетін объектінің бастапқы бағасынан 10 пайыз мөлшерінде есептеледі.»;
Нұсқаулықтың қосымшасындағы «100 теңге» деген сөз «0 теңге» деген сөзбен өзгертілсін.
Нұсқаулыққа қосымша келесі мазмұндағы 3) тармақшамен толықтырылсын:
«3) Білім беру мемлекеттік мекемелерінің тамақтандыруды ұйымдастыру жайларын жалға беру ақысының мөлшері қала және кенттерде орналасқан объектілерге 60 (алпыс) теңге, ауылдық округтерге орналасқан объектілерге 50 (елу) теңге».