Қазақстан Республикасының «Салық және бюджетке төленетін басқа да міндетті төлемдер туралы» (Салық Кодексі) кодексінің 338-бабының 1- тармағына сәйкес, сондай-ақ аудан әкімінің 2008 жылғы 7 қазандағы № 2-10-599 өтініш хатының негізінде Қаратал аудандық мәслихаты ШЕШІМ ҚАБЫЛДАДЫ:

1. Үштөбе қаласының аймақтық әкімшілік жерлеріндегі, жеке тұлғаларға өзіндік (қосалкы) үй шаруашылығын, бағбанды және саяжай құрылысын жүргізу үшін елді мекендер, өнеркәсіптік, көлік, байланыс, қорғаныс және өзге де ауылшаруашылық емес мақсатындағы заңды, жеке тұлғалардың шұғылдануға берілген жер салық базасының ставкасы 2009 жылға 50 пайызға жоғарылатылсын.

2. 2009 жылға ауылшаруашылықс мақсатындағы елді мекендер,өнеркәсіп, көлік, байланыс, қорғаныс және өзге де ауылшаруашылық емес мақсатындағы заңды, жеке тұлғалардың өзіндік (қосалқы) үй шаруашылығын, бағбандық және саяжай құрылысын жүргізу үшін қора-қопсы салынған жерді қоса алғанда, ауыл округтерінің жерлеріне жататын және Опытное, Фрунзе, Үшкөмей ауылдарының, Үштөбе қаласынан басқа ауылдарының жер салық базасының ставкасы 40 пайызға жоғарылатылсын.

3. Қаратал аудандық мәслихатының 2007 жылғы 24 желтоқсандағы № 3-20 «2008 жылға жер салығының базалық ставкасын жоғарылату туралы» шешімінің (нормативтік құқықтық актілерді тіркеу тізілімінде 2008 жылғы 22 қаңтарда 2-12-61 нөмірімен тіркелген, 2008 жылдың 1 ақпанында аудандық «Қаратал» газетінің 5 нөмірінде жарияланған) күші жойылсын деп танылсын.