Об очередном призыве граждан на срочную воинскую службу в апреле-июне и октябре-декабре 2009 года
Деректемелер және дереккөз
- Толық атауы
- Об очередном призыве граждан на срочную воинскую службу в апреле-июне и октябре-декабре 2009 года
- Атауы (қаз.)
- Азаматтарды 2009 жылдың сәуір-маусым және қазан-желтоқсан айларында кезекті мерзімді әскери қызметке шақыру туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 94/6
- Қабылданған күні
- 06.04.2009
- Көрсетілген редакция
- 19.04.2010 AI45206_2.kaz
- Соңғы өзгеріс
- 19.04.2010
- Мәтін тілі
- қазақша
- НҚА мемлекеттік тіркеу нөмірі
- V09P0003133
- ЭКБ идентификаторы
- 45206
- Редакция идентификаторы
- AI45206_2
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 11:27
0 Азаматтарды 2009 жылдың сәуір-маусым және қазан-желтоқсан айларында кезекті мерзімді әскери қызметке шақыру туралы
Қазақстан Республикасының 2005 жылғы 8 шілдедегі "Әскери міндеттілік және әскери қызмет туралы" Заңы 19-бабының 3-тармағына, Қазақстан Республикасы Президентінің 2009 жылғы 1 сәуірдегі "Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2009 жылдың сәуір-маусым және қазан-желтоқсанында кезекті мерзімді әскери қызметке шақыру туралы" № 779 Жарлығының 3 тармағына, Қазақстан Республикасы Үкіметінің 2006 жылғы 30 маусымдағы "Азаматтарды әскери қызметке шақыруды ұйымдастыру және өткізу ережесін бекіту туралы" № 623 қаулысына сәйкес Павлодар облысында азаматтарды мерзімді әскери қызметке шақыруды ұйымшылдықпен өткізу мақсатында облыс әкімдігі ҚАУЛЫ ЕТЕДІ:
1 1. Павлодар облысының азаматтарын 2009 жылдың сәуір-маусым және қазан-желтоқсан айларында мерзімді әскери қызметке шақыруды ұйымшылдықпен өткізу қамтамасыз етілсін.
2 2. Облыс қаржы басқармасы азаматтарды мерзімді әскери қызметке шақыруды қамтамасыз етуге байланысты іс-шараларды қаржыландыруды 2009 жылға арналған облыстық бюджетте белгіленген шығыстарға сәйкес қамтамасыз етсін.
3
3. Облыс денсаулық сақтау басқармасы азаматтарды әскери қызметке шақыру кезінде қорғаныс істері жөніндегі басқармалар мен бөлімдердің өтінімдеріне сәйкес медициналық комиссиялардың құрамында тиісті санаттағы және әскери-дәрігерлік сараптамада тәжірибесі бар медицина қызметкерлерінің қажетті санын бөлсін.
4 4. Облыс ішкі істер департаментіне (келісім бойынша):
ішкі істер органдарында есепте тұрған және бас бостандығынан айырылмай айыпталған азаматтардың тізімдерін шақыру комиссиялары-на уақытында беру;
әскерге шақырылған азаматтарды әскерге аттандыратын кезеңде облыстық жиналу пункті мен теміржол сапаржайында полиция жасақтарының кезекшілігін ұйымдастыру ұсынылсын.
5 5. Қалалар мен аудандар әкімдері:
қалалар мен аудандардың бюджеттеріне сәйкес азаматтарды әскери қызметке шақыруды ұйымдастыру және өткізу іс-шараларын қаржыландыруды қамтамасыз етсін;
шақырылғандарды медициналық куәландыру және шақыру комиссияларының жұмыс істеуі үшін қорғаныс істері жөніндегі басқармалар мен бөлімдердің бастықтарына жабдықталған үй-жайлар берсін, өтінімдерге сәйкес көлікпен, сондай-ақ тиісті санаттардағы медициналық қызметкерлердің және техникалық қызметкерлердің қажетті санының жұмыс істеуін қамтамасыз етсін;
азаматтарды әскерге шақыру және аттандыру кезінде әскерге шақыру пункттерінде жұмыс істеуге қатыстырылатын шақыру комиссиялары мүшелерінің, медициналық персонал мен техникалық қызметкерлердің жұмыс орындарының, атқаратын қызметтері мен орташа еңбекақыларының сақталуын қамтамасыз етсін;
запасқа шығарылған әскери қызметшілерді жұмысқа орналастыруға жәрдемдессін.
6 6. Осы қаулы ресми жарияланған күннен бастап 10 күнтізбелік күн өткеннен кейін қолданысқа енгізіледі.
7 7. Осы қаулының орындалуын бақылау облыс әкімі аппаратының басшысы М.М. Оспановқа жүктелсін.
Келісілді:
Облыс ішкі істер
департаментінің бастығы:
Н.Қыдырғожаев
Облыс қорғаныс істері жөніндегі
департаментінің бастығы:
А. Алдажаров