Қазақстан Республикасының 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзін-өзі басқару туралы» Заңының 33 бабы 1 тармағы, 13 тармақшасы, 37 бабы және Қазақстан Республикасының 2005 жылғы 8 шiлдедегi «Әскери мiндеттілік және әскери қызмет туралы» Заңының 17 бабы негiзiнде, жастарды әскери есепке алу, олардың санын, әскери қызметке жарамды деңгейiн анықтау мақсатында ШЕШЕМІН:

1. 2010 жылдың қаңтар-науырызында тiркелетiн жылы он жетi жасқа толатын еркек жынысты азаматтарды Катонқарағай ауданы, Үлкен Нарын ауылы, Огнев көшесi, 38 үй мекен-жайы бойынша «Катонқарағай ауданының қорғаныс iстерi жөнiндегi бөлiмi» мемлекеттiк мекемесiнiң (бұдан әрi – қорғаныс iстерi жөнiндегi бөлiм) шақырту учаскесiнде тiркеу өткiзiлсiн.

2. Шығыс Қазақстан облысы әкімдігі денсаулық сақтау басқармасының «Катонқарағай ауданының № 1 медициналық бірлестігі» коммуналдық мемлекеттік қазыналық кәсіпорнының бас дәрiгерi Ж.Б. Тлеуберлинге (келiсiм бойынша) дәрiгерлiк куәландырудан өткiзу үшiн қажеттi дәрiгер, орташа медициналық персоналдың, сондай-ақ құрал-жабдықтардың қажеттi санын бөлу ұсынылсын.

3. «Катонқарағай ауданының қаржы бөлiмi» мемлекеттiк мекемесiнiң бастығы Г.Қ. Болғамбаева медициналық комиссияны қаржыландыру, шақырту учаскесiне тiркелетін азаматтарды және әскери оқу орындарына түсетiн үмiткерлердi медициналық куәландырудан өткізу, бекітілген жылдық бөлшектiк қаржыландыру жоспарына сәйкес, ауданның бюджет қаражаты есебiнен жүргiзiлсiн.