Об установлении основных условий кредитования областных бюджетов для микрокредитования предпринимательства в моногородах на 2014 год в рамках Программы развития моногородов на 2012-2020 годы
Деректемелер және дереккөз
- Толық атауы
- Об установлении основных условий кредитования областных бюджетов для микрокредитования предпринимательства в моногородах на 2014 год в рамках Программы развития моногородов на 2012-2020 годы
- Атауы (қаз.)
- Моноқалаларды дамытудың 2012 - 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн облыстық бюджеттерге кредит берудің 2014 жылға арналған негізгі шарттарын белгілеу туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 462
- Қабылданған күні
- 06.05.2014
- Көрсетілген редакция
- 06.05.2014 AI79587_0.kaz
- Соңғы өзгеріс
- 06.05.2014
- Мәтін тілі
- қазақша
- НҚА мемлекеттік тіркеу нөмірі
- P1400000462
- ЭКБ идентификаторы
- 79587
- Редакция идентификаторы
- AI79587_0
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 19:44
0 Моноқалаларды дамытудың 2012 - 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн облыстық бюджеттерге кредит берудің 2014 жылға арналған негізгі шарттарын белгілеу туралы
2008 жылғы 4 желтоқсандағы Қазақстан Республикасы Бюджет кодексінің 180-бабына, «2014 – 2016 жылдарға арналған республикалық бюджет туралы» 2013 жылғы 3 желтоқсандағы Қазақстан Республикасының Заңына және «2014 – 2016 жылдарға арналған республикалық бюджет туралы» Қазақстан Республикасының Заңын iске асыру туралы» Қазақстан Республикасы Үкiметiнiң 2013 жылғы 12 желтоқсандағы № 1329 қаулысына сәйкес Қазақстан Республикасының Үкiметi ҚАУЛЫ ЕТЕДI:
1 1. Осы қаулыға қосымшаға сәйкес Моноқалаларды дамытудың 2012 – 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн облыстық бюджеттерге кредит берудің 2014 жылға арналған негізгі шарттары белгіленсін.
2 2. Тиiстi мәслихаттар 2014 жылға арналған облыстық бюджеттерде тиiстi түсiмдердi көздейтiн шешiмдер қабылдағаннан кейiн күнтiзбелiк он күн iшiнде облыстардың жергiлiктi атқарушы органдары мәслихаттардың көрсетiлген шешiмдерiн Қазақстан Республикасы Қаржы министрлiгiне берсін.
3 3. Қазақстан Республикасы Қаржы министрлiгi, Қазақстан Республикасы Өңірлік даму министрлiгi Қазақстан Республикасының заңнамасында белгiленген тәртiппен:
1 1) облыстардың жергiлiктi атқарушы органдарымен кредиттiк шарттар жасасуды;
2 2) бюджеттiк кредиттердiң мақсатты пайдаланылуын және республикалық бюджетке уақтылы қайтарылуын бақылауды қамтамасыз етсiн.
4 4. Облыстардың жергiлiктi атқарушы органдары тоқсан сайын, есептi кезеңнен кейiнгi айдың 10-күнiнен кешiктiрмей Қазақстан Республикасы Қаржы министрлiгiне және Қазақстан Республикасы Өңірлік даму министрлiгiне бюджеттік кредиттердi игеру туралы ақпарат берсiн.
5 5. Қазақстан Республикасы Өңірлік даму министрлiгi Моноқалаларды дамытудың 2012 – 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн 2014 жылға бөлiнген бюджеттiк кредиттердiң игерiлуiне мониторингті қамтамасыз етсiн.
6 6. Осы қаулының орындалуын бақылау Қазақстан Республикасы Өңірлік даму министрлiгiне жүктелсiн.
7 7. Осы қаулы қол қойылған күнiнен бастап қолданысқа енгiзiледi.
10 Моноқалаларды дамытудың 2012 – 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн облыстық бюджеттерге кредит берудің 2014 жылға арналған негізгі шарттары
Қазақстан Республикасы
Үкiметiнiң
2014 жылғы 6 мамырдағы
№ 462 қаулысына
қосымша
Моноқалаларды дамытудың 2012 – 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн облыстық бюджеттерге кредит берудің 2014 жылға арналған негізгі шарттары
1 1. Облыстардың жергiлiктi атқарушы органдарына (бұдан әрi–қарыз алушы) кредиттер беру үшiн мынадай негiзгi шарттар белгiленедi:
1
1) Қазақстан Республикасы Үкiметiнiң 2012 жылғы 25 мамырдағы № 683 қаулысымен бекiтiлген Моноқалаларды дамытудың 2012 – 2020 жылдарға арналған бағдарламасы шеңберiнде моноқалаларда кәсiпкерлiкке микрокредит беру үшiн 2014 жылға «2014 – 2016 жылдарға арналған республикалық бюджет туралы» 2013 жылғы 3 желтоқсандағы Қазақстан Республикасының Заңында және «2014 – 2016 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2013 жылғы 12 желтоқсандағы № 1329 қаулысында көзделген 1 908 813 000 теңге (бір миллиард тоғыз жүз сегіз миллион сегіз жүз он үш мың) сомадағы кредиттер қарыз алушыға 5 (бес) жыл мерзімге 0,01 (нөл бүтін жүзден бір) сыйақы мөлшерлемесі берiледi;