«Об утверждении сроков завершения 2020-2021 учебного года и проведения итоговой аттестации обучающихся в организациях среднего образования»
Деректемелер және дереккөз
- Толық атауы
- «Об утверждении сроков завершения 2020-2021 учебного года и проведения итоговой аттестации обучающихся в организациях среднего образования»
- Атауы (қаз.)
- «2020-2021 оқу жылының аяқталу және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы»
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 203
- Қабылданған күні
- 05.05.2021
- Көрсетілген редакция
- 05.05.2021 155623_527650.kaz
- Соңғы өзгеріс
- 05.05.2021
- Мәтін тілі
- қазақша
- НҚА мемлекеттік тіркеу нөмірі
- V2100022703
- ЭКБ идентификаторы
- 155623
- Редакция идентификаторы
- 155623_527650
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 08:13
0 «2020-2021 оқу жылының аяқталу және орта білім беру ұйымдарында білім алушыларды қорытынды
аттестаттаудан өткізу мерзімдерін бекіту туралы»
«Білім туралы» 2007 жылғы 27 шілдедегі Қазақстан Республикасы Заңының 5-бабының 14) тармақшасына сәйкес, сондай-ақ меншік нысанына және ведомстволық бағыныстылығына қарамастан орта білім беру ұйымдарында 2020-2021 оқу жылын ұйымдасқан түрде аяқтау мақсатында БҰЙЫРАМЫН:
1 1. Оқу жылын аяқтаудың мынадай мерзімдері бекітілсін:
1 1) меншік нысанына және ведомстволық бағыныстылығына қарамастан орта білім беру ұйымдарында оқу сабақтарының аяқталуы – 2021 жылғы 25 мамыр;
2 2) 9 (10) сынып білім алушыларының қорытынды бітіру емтихандары – 2021 жылғы 28 мамыр – 5 маусым аралығында;
3 3) 11 (12) сынып білім алушыларының мемлекеттік бітіру емтихандары – 2021 жылғы 1 – 10 маусым аралығында.
2 2. Қорытынды аттестаттау өткізудің мынадай мерзімдері бекітілсін:
9 (10) сынып білім алушылары үшін санитарлық талаптарды сақтай отырып:
1 1) қазақ/орыс/өзбек/ұйғыр/тәжік тілі (оқыту тілі) бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектептер үшін жазбаша жұмыс (мақала, әңгіме, эссе) – 2021 жылғы 28 мамыр;
2 2) математика (алгебрадан) жазбаша емтихан (бақылау жұмысы) – 2021 жылғы 2 маусым;
3
3) орыс, өзбек, ұйғыр және тәжік тілдерінде оқытатын сыныптардағы қазақ тілі мен әдебиеті бойынша (мәтінмен жұмыс, мәтін бойынша тапсырмаларды орындау) жазбаша емтихан және қазақ тілінде оқытатын сыныптардағы орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2021 жылғы 5 маусым;
11 (12) сынып білім алушылары үшін санитарлық талаптарды сақтай отырып:
1 1) қазақ/орыс/өзбек/ұйғыр/тәжік тілі (оқыту тілі) бойынша эссе нысанында жазбаша емтихан – 2021 жылғы 1 маусым;
2 2) алгебра және анализ бастамалары пәнінен жазбаша емтихан (бақылау жұмысы) – 2021 жылғы 4 маусым;
3 3) Қазақстан тарихынан тестілеу – 2021 жылғы 7 маусым;
4 4) орыс, өзбек, ұйғыр және тәжік тілдерінде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу – 2021 жылғы 10 маусым.
3 3. 9 (10), 11 (12) сыныптардың білім алушыларын қайта қорытынды аттестаттау санитарлық талаптарды сақтай отырып, 2021 жылғы 11 – 19 маусым аралығында өткізіледі.
4
4. «Орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдағы бақылауды, оларды аралық және қорытынды аттестаттауды өткізудің үлгілік қағидаларын бекіту туралы» Қазақстан Республикасы Білім және ғылым министрінің 2008 жылғы 18 наурыздағы № 125 бұйрығының (Қазақстан Республикасының нормативтік құқықтық актілерін мемлекеттік тіркеу тізілімінде № 5191 болып тіркелген), осы бұйрықтың талаптарына сәйкес облыстардың, Нұр-Сұлтан, Алматы және Шымкент қалаларының білім басқармалары, сондай-ақ республикалық орта білім беру ұйымдары 2020-2021 оқу жылын аяқтауды қамтамасыз етсін.
5 5. Білім сапасын арттыру және пандемия, шектеу шаралары кезеңінде жіберілген білім олқылықтарының орнын толтыру мақсатында ата-аналардың немесе заңды өкілдердің өтініші бойынша барлық ниет білдірген білім алушылар үшін оқытуды 2021 жылғы 19 маусымға дейін жалғастыру қажет.
6 6. Қазақстан Республикасы Білім және ғылым министрлігінің Мектепке дейінгі және орта білім беру комитеті Қазақстан Республикасының заңнамасында белгіленген тәртіппен:
1
1) облыстардың, Нұр-Сұлтан, Алматы және Шымкент қалаларының білім басқармаларына орта білім беру ұйымдарының 11 (12) сыныптарының білім алушылары үшін, республикалық орта білім беру ұйымдарының 9 (10), 11 (12) сыныптарының білім алушылары үшін емтихан тапсырмаларын 2021 жылғы 21 мамырға дейін жеткізуді;