«Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 7-бабының 5-2), 5-5), 5-6)тармақшаларына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңына сәйкес, Ерейментау ауданының әкімдігі ҚАУЛЫ ЕТЕДІ:

1. «Ерейментау ауданында мүгедектер үшін, бас бостандығынан айыру орындарынан босатылған адамдар және интернаттық ұйымдардың кәмелетке толмаған түлектер үшін жұмыс орындарына квота белгілеу туралы» Ерейментау ауданы әкімдігінің 2011 жылғы 21 ақпандағы № А-2/57 қаулысына (Нормативтiк құқықтық актiлердi мемлекеттiк тiркеудің № 1-9-168 тізілімінде тіркелген, аудандық «Ереймен» газетінде 2011 жылғы 26 наурызда, және аудандық «Ерейментау» газетінде 2011 жылғы 26 наурызда жарияланған) келесi өзгерiстер енгiзiлсiн:
көрсетiлген қаулының тақырыбы келесi редакцияда жазылсын:
«Ерейментау ауданында мүгедектер үшін, қылмыстық-атқару инспекциясы пробация қызметiнiң есебiнде тұрған адамдар үшiн, сондай-ақ бас бостандығынан айыру орындарынан босатылған адамдар үшін және интернаттық ұйымдарды бiтiрушi кәмелетке толмағандар үшін жұмыс орындарына квота белгілеу туралы»;
көрсетiлген қаулының 1 тармағы келесi редакцияда жазылсын:
«1. Ерейментау ауданында мүгедектер үшін жұмыс орындарының жалпы санынан үш пайыз көлемінде, қылмыстық-атқару инспекциясы пробация қызметiнiң есебiнде тұрған адамдар үшiн, сондай-ақ бас бостандығынан айыру орындарынан босатылған адамдар үшін және интернаттық ұйымдарды бiтiрген кәмелетке толмағандар үшін жұмыс орындарының жалпы санының екі пайызы көлемінде жұмыс орындарына квота белгіленсін.».