2016 жылғы 21 қазандағы №5/58
«Әлеуметтік көмек көрсету, оның
мөлшерлерін белгілеу және Ақтау
қаласының мұқтаж азаматтардың
жекелеген санаттарының тізбесін
айқындау қағидаларын бекіту
туралы» шешіміне өзгерістер мен
толықтырулар енгізу туралы
Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, сондай-ақ Қазақстан Республикасы Үкіметінің 2013 жылғы 21 мамырдағы №504 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» және 2017 жылғы 26 шілдедегі №446 «Жоғары білім алуға ақы төлеу үшін білім беру грантын беру ережесін бекіту туралы» Қазақстан Республикасы Үкіметінің 2008 жылғы 23 қаңтардағы №58 қаулысына өзгерістер мен толықтырулар енгізу туралы» қаулыларына сәйкес Ақтау қалалық мәслихаты ШЕШІМ ҚАБЫЛДАДЫ:

1. Қалалық мәслихаттың 2016 жылғы 21 қазандағы №5/58 «Әлеуметтік көмек көрсету, оның мөлшерлерін белгілеу және Ақтау қаласының мұқтаж азаматтардың жекелеген санаттарының тізбесін айқындау қағидаларын бекіту туралы» шешімінің (нормативтік құқықтық актілерді мемлекеттік тіркеу Тізілімінде №3190 болып тіркелген, «Әділет» ақпараттық-құқықтық жүйесінде 2016 жылғы 6 желтоқсанында жарияланған) келесідей өзгерістер мен толықтырулар енгізілсін:
Әлеуметтік көмек көрсету, оның мөлшерлерін белгілеу және Ақтау қаласының мұқтаж азаматтардың жекелеген санаттарының тізбесін айқындау қағидасында:
келесідей мазмұндағы 14-1 тармақпен толықтырылсын:
«14-1. Жергілікті бюджет қаражаты есебінен білім беру гранттары өңірлердің кадрларға қажеттілігі ескеріле отырып, талапкерлер өтініш білдірген нақты мамандықтар, тіл бөлімдері мен оқу нысандары бойынша ЖОО-да оқу үшін мамандықтар кезектілігіне сай білім беру грантын беру туралы куәлікті берумен қоса ҰБТ немесе КТ нәтижелері бойынша сертификаттар баллдарына сәйкес конкурстық негізде беріледі.»;
22 тармақта:
бірінші сөйлем келесідей редакцияда жазылсын:
«Қазақстан Республикасы жоғары оқу орындарындағы оқу ақысын төлеуге әлеуметтік көмек алу үшін өтініш беруші Уәкілетті органға немесе кент, ауыл, ауылдық округтің әкіміне өтінішке қоса мынадай құжаттарды ұсынады:»;
8) тармақша келесідей редакцияда жазылсын:
«8) арнайы шартты (интернатурада немесе резидентурада оқитындар үшін);»;
келесідей мазмұндағы 9) тармақшамен толықтырылсын:
«9) жергілікті бюджет есебінен білім беру грантын тағайындау туралы куәлік.».

2. «Ақтау қалалық мәслихатының аппараты» мемлекеттік мекемесі (аппарат басшысы - Д.Телегенова) осы шешім Маңғыстау облысының әділет департаментінде мемлекеттік тіркелгеннен кейін, оның Қазақстан Республикасының нормативтік құқықтық актілерінің Эталондық бақылау банкінде және бұқаралық ақпарат құралдарында ресми жариялануын қамтамасыз етсін.

Ескертпе: аббревиатураның ажыратылып жазылуы:
«ЖОО-да» - «жоғары оқу орындарында»;
«ҰБТ» - «ұлттық біріңғай тестілеу»;
«КТ» - «кешенді тестілеу».
«КЕЛІСІЛДІ»
«Ақтау қалалық жұмыспен қамту және
әлеуметтік бағдарламалар бөлімі»
мемлекеттік мекемесінің басшысы
_________________ Г.Хайрлиева
«_10__»__қазан__2017 жыл
«КЕЛІСІЛДІ»
«Ақтау қалалық экономика және бюджеттік
жоспарлау бөлімі» мемлекеттік
мекемесі басшысының міндетін атқарушы
_____________________М.Жұбаназарова
«_12__»__қазан__2017 жыл
«КЕЛІСІЛДІ»
«Маңғыстау облыстық білім беру
басқармасы» мемлекеттік
мекемесінің басшысы
_____________________З.Тастемірова
«_13__»___қазан__2017 жыл