Қазақстан Республикасының 1998 жылғы 24 наурыздағы «Нормативтік құқықтық актілер туралы» Заңының 21 бабына, «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» Қазақстан Республикасының 2014 жылғы 28 қарашадағы Заңының 1 бабы 3 тармағы 107) тармақшасына сәйкес Аққайың ауданының мәслихаты ШЕШТІ:

1.«Жер салығының ставкалары туралы» Аққайың ауданы мәслихатының 2009 жылғы 22 маусымдағы № 14-5 шешіміне (Нормативтік құқықтық актілердің мемлекеттік тіркеу тізілімінде 2009 жылғы 16 шілдеде № 13-2-103 тіркелген, 2009 жылғы 30 шілдеде «Аққайың» газетінде, 2009 жылғы 30 шілдеде «Колос» газетінде жарияланған) келесі өзгерістер енгізілсін:
мемлекеттік тілдегі шешімнің тақырыбы жаңа редакцияда жазылсын, орыс тілдегі тақырыптың мәтіні өзгермейді:
«Жер салығының мөлшерлемелері туралы»;
шешімнің 1 тармағы келесі редакцияда мазмұндалсын:
1. Автотұрақтарға (паркингтерге), автомобильге май құю станцияларына бөлінген (бөліп шығарылған) және казино орналасқан жерлерді қоспағанда «Салық және бюджетке төленетін басқа да міндетті төлемдер туралы» (Салық кодексі) Қазақстан Республикасының 2008 жылғы 10 желтоқсандағы Кодексінің 379, 381, 383-баптарымен белгіленген жер салығының базалық мөлшерлемелері 50 пайызға жоғарылатылсын, соған сәйкес:
1) жеке тұлғаларға ұсынылған, ауыл шаруашылығы мақсатындағы жерлерге базалық салық мөлшерлемелері;
2) елді мекендердің жерлеріне (үй іргесіндегі жер учаскелерін қоспағанда) базалық салық мөлшерлемелері;
3) елді мекендердің сыртында орналасқан, өнеркәсіп жерлеріне базалық салық мөлшерлемелері.
«Салық және бюджетке төленетін басқа да міндетті төлемдер туралы» (Салық кодексі) Қазақстан Республикасының 2008 жылғы 10 желтоқсандағы Кодексінің 378, 444-баптарымен белгіленген жер салығының және бірыңғай жер салығының базалық мөлшерлемелері он есеге жоғарылатылсын, соған сәйкес:
1) ауыл шаруашылығы мақсатындағы Қазақстан Республикасының жер заңына сәйкес қолданылмайтын жерлерге базалық салық мөлшерлемелері;
2) ауыл шаруашылығы мақсатындағы Қазақстан Республикасының заңына сәйкес қолданылмайтын бірыңғай жер салығының мөлшерлемелері.».

«КЕЛІСІЛДІ»
«Қазақстан Республикасы
қаржы Министрлігінің мемлекеттік
кірістер комитеті Солтүстік Қазақстан облысы
бойынша мемлекеттік кірістер Департаментінің
Аққайың ауданы бойынша мемлекеттік
кірістер басқармасы» республикалық
мемлекеттік мекемесі басшысының
міндетін атқарушы
____________ А. Дүйсембин
2015 жылғы 9 шілде