Қазақстан Республикасының 2008 жылғы 4 желтоқсандағы Бюджет кодексінің 106, 109 баптарына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 6-бабы 1-тармағының 1-тармақшасына сәйкес Алтынсарин аудандық мәслихаты ШЕШТІ:

1. "Алтынсарин ауданының 2011-2013 жылдарға арналған аудандық бюджеті туралы" мәслихаттың 2010 жылғы 22 желтоқсандағы № 264 шешіміне (нормативтік құқықтық актілерді мемлекеттік тіркеу тізілімінде 9-5-115 нөмірімен тіркелген, 2011 жылғы 12, 14 қаңтарда "Қостанай таңы" газетінде жарияланған) мынадай өзгерістер мен толықтыру енгізілсін:
көрсетілген шешімнің 1-тармағының 1, 2-тармақшалары жаңа редакцияда жазылсын:
"1) кірістер - 1116951,0 мың теңге, оның ішінде:
салықтық түсімдер бойынша - 338893,0 мың теңге;
салықтық емес түсімдер бойынша – 1109,0 мың теңге;
негізгі капиталды сатудан түсетін түсімдер бойынша – 490,0 мың тенге;
трансферттер түсімдері бойынша – 776459,0 мың тенге;
2) шығындар – 1088660,7 мың тенге;";
көрсетілген шешім мынадай мазмұндағы 3-6 тармақпен толықтырылсын:
"3-6. 2011 жылға арналған аудандық бюджетте мемлекеттік басқарудың төмен тұрған деңгейінен жоғары тұрған деңгейіне мемлекеттік органдар функцияларын беруге байланысты, жоғары тұрған бюджеттен 841,0 мың теңге сомасында нысаналы ағымдағы трансферттер қарастырылғаны ескерілсін.";
көрсетілген шешімнің 1, 5-қосымшалары осы шешімнің 1, 2-қосымшаларына сәйкес жаңа редакцияда жазылсын.