БҰЙЫРАМЫН:

1. «Үйлестіру кеңесі туралы үлгілік ережені бекіту туралы» Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 22 тамыздағы № 345 бұйрығына (Нормативтік құқықтық актілерді мемлекеттік тіркеу тізілімінде № 15713 болып тіркелді) мынадай өзгерістер енгізілсін:
көрсетілген бұйрықпен бекітілген Үйлестіру кеңесі туралы үлгілік ережеде:
5-тармақтың 1-тармақшасы мынадай редакцияда жазылсын:
«1) Ерекше қорғалатын табиғи аумақтарда (бұдан әрі – ЕҚТА) туризм мен рекреацияны дамыту мәселелері бойынша шешімдер қабылдау кезінде Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитетінің қарамағындағы табиғат қорғау мекемелері (бұдан әрі – табиғат қорғау мекемелері) қызметінің ашықтығын қамтамасыз ету;»;
9-тармақ мынадай редакцияда жазылсын:
«9. Үйлестіру кеңесі үйлестіру кеңесінің төрағасы, хатшысы және мүшелері құрамында қалыптасады.
Үйлестіру кеңесінің құрамы үкіметтік емес ұйымдардың мүшелерінен, қоғамдық бірлестіктердің өкілдерінен, мемлекеттік қызметкер емес және мемлекеттік функцияларды орындауға уәкілеттік берілген теңестірілген адамдарға жатпайтын қоғам қайраткерлері, жергілікті өзін-өзі басқару органының өкілдерінен, атқарушы және өкілді органдардың, бизнес-қоғамдастықтың өкілдерінен, кәсіпкерлік субъектілерінің, орман шаруашылығы және жануарлар дүниесі саласындағы уәкілетті органның аумақтық бөлімшелерінің (1 (бір) өкілден артық емес) және табиғат қорғау мекемелерінің қызметкерлерінен (2 (екі) өкілден артық емес) қалыптасады.
Үйлестіру кеңесінің сандық құрамы 13 өкілден аспайтын тақ санды болады.
Үйлестіру кеңесіндегі азаматтық қоғам өкілдерінің саны оның мүшелерінің жалпы санының кемінде үштен екісін құрауы тиіс.»;
10-тармақ мынадай редакцияда жазылсын:
«10. Үйлестіру кеңесін төраға басқарады. Үйлестіру кеңесінің төрағасы ашық дауыс беру арқылы үйлестіру кеңесі мүшелерінің көпшілік даусымен сайланады.»;
11-тармақ мынадай редакцияда жазылсын:
«11. Үйлестіру кеңесі отырысының күн тәртібі жобаларын қалыптастыру, отырыс хаттамасын жүргізу, үйлестіру кеңесі мүшелерін кезекті отырыс туралы хабардар ету үшін табиғат қорғау мекемесінің қызметкерлері қатарынан хатшы тағайындалады. Хатшы үйлестіру кеңесінің мүшесі болып табылмайды.»;
14-тармақ мынадай редакцияда жазылсын:
«14. Үйлестіру кеңесінің отырысы тоқсанына бір реттен кем емес өткізіледі.»;
17-тармақ мынадай редакцияда жазылсын:
«17. Хаттамаға төраға, үйлестіру кеңесінің мүшелері және хатшы қол қояды және ол қол қойылған сәттен бастап күшіне енеді.»;
18-тармақ мынадай редакцияда жазылсын:
«18. Үйлестіру кеңесінің отырыстары ашық болып табылады. Үйлестіру кеңесінің шешімі ұсынымдық сипатта болады.».

3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтердің Қазақстан Республикасы Экология және табиғи ресурстар министрлігінің Заң қызметі департаментіне ұсынылуын қамтамасыз етсін.