О внесении изменений в решение Мендыкаринского районного маслихата от 22 мая 2024 года № 127 «Об утверждении размера и Правил оказания жилищной помощи в Мендыкаринском районе»
Деректемелер және дереккөз
- Толық атауы
- О внесении изменений в решение Мендыкаринского районного маслихата от 22 мая 2024 года № 127 «Об утверждении размера и Правил оказания жилищной помощи в Мендыкаринском районе»
- Атауы (қаз.)
- Меңдіқара аудандық мәслихатының 2024 жылғы 22 мамырдағы № 127 «Меңдіқара ауданында тұрғын үй көмегін көрсетудің мөлшері мен Қағидаларын бекіту туралы» шешіміне өзгерістер енгізу туралы
- Акт түрі
- Ереже
- Заңдық күші
- Күшіне енбеген
- Тізілімдегі мәртебе коды
- new
- Нөмірі
- 289
- Қабылданған күні
- 29.07.2026
- Қолданысқа енгізілген күні
- 16.08.2026
- Көрсетілген редакция
- 29.07.2026 228420_832632.kaz
- Соңғы өзгеріс
- 29.07.2026
- Мәтін тілі
- қазақша
- НҚА мемлекеттік тіркеу нөмірі
- V26NO039480
- ЭКБ идентификаторы
- 228420
- Редакция идентификаторы
- 228420_832632
- Бастапқы дереккөз
- ЭКБ zan.gov.kz (API)
- Деректер жаңартылды
- 11.08.2026 03:33
0 Меңдіқара аудандық мәслихатының 2024 жылғы 22 мамырдағы № 127 «Меңдіқара ауданында тұрғын үй көмегін көрсетудің мөлшері мен Қағидаларын бекіту туралы» шешіміне өзгерістер енгізу туралы
Меңдіқара аудандық мәслихаты ШЕШІМ ҚАБЫЛДАДЫ:
1 1. «Меңдіқара ауданында тұрғын үй көмегін көрсетудің мөлшері мен Қағидаларын бекіту туралы» мәслихаттың 2024 жылғы 22 мамырдағы № 127 (Нормативтік құқытық актілерді мемлекеттік тіркеу тізілімінде № 10219 - 10 болып тіркелген) шешіміне мынадай өзгерістер енгізілсін:
аталған шешімнің кіріспесі жаңа редакцияда жазылсын:
«Тұрғын үй қатынастары туралы» Қазақстан Республикасы Заңының 97 - бабына сәйкес Меңдіқара аудандық мәслихаты ШЕШІМ ҚАБЫЛДАДЫ:»;
Меңдіқара ауданында тұрғын үй көмегін көрсетудің мөлшері мен Қағидаларында:
1 - тармағы жаңа редакцияда жазылсын:
«1. Тұрғын үй көмегі жергілікті бюджет қаражаты есебінен Меңдіқара ауданында тұратын, Қазақстан Республикасының аумағындағы жалғыз тұрғынжайы ретінде меншік құқығындағы тұрғынжайда тұрақты тіркелген және тұратын аз қамтылған отбасыларға (азаматтарға) (бұдан әрі - көрсетілетін қызметті алушылар), сондай - ақ мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалға алған тұрғынжайды жалдаушыларға (қосымша жалдаушыларға):
ағымдағы және жинақтау жарналарын;
коммуналдық қызметтерді және телекоммуникация желісіне қосылған телефон үшін абоненттік төлемақының ұлғаюы бөлігінде көрсетілетін байланыс қызметтерін тұтынуға;
мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалға алған тұрғынжайды пайдаланғаны үшін шығыстарды төлеуге беріледі.
Көрсетілетін қызметті алушылардың тұрғын үй көмегін есептеуге қабылданатын шығыстары жоғарыда көрсетілген бағыттардың әрқайсысы бойынша шығыстардың сомасы ретінде айқындалады.»;
6 - тармағы алып тасталынсын.