О внесении изменений в постановление акимата города Алматы от 23 июля 2015 года № 3/461 «Об утверждении регламента государственной услуги «Присвоение или продление статуса оралмана»
Деректемелер және дереккөз
- Толық атауы
- О внесении изменений в постановление акимата города Алматы от 23 июля 2015 года № 3/461 «Об утверждении регламента государственной услуги «Присвоение или продление статуса оралмана»
- Атауы (қаз.)
- Алматы қаласы әкімдігінің «Оралман мәртебесін беру немесе ұзарту» мемлекеттік көрсетілетін қызмет регламентін бекіту туралы» 2015 жылғы 23 шілдедегі № 3/461 қаулысына өзгерістер енгізу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 3/555
- Қабылданған күні
- 26.09.2019
- Көрсетілген редакция
- 20.10.2020 135024_491139.kaz
- Соңғы өзгеріс
- 20.10.2020
- Мәтін тілі
- қазақша
- НҚА мемлекеттік тіркеу нөмірі
- V19R0001590
- ЭКБ идентификаторы
- 135024
- Редакция идентификаторы
- 135024_491139
- Бастапқы дереккөз
- ЭКБ zan.gov.kz (API)
- Деректер жаңартылды
- 01.08.2026 18:23
0 Алматы қаласы әкімдігінің «Оралман мәртебесін беру немесе ұзарту»
мемлекеттік көрсетілетін қызмет регламентін бекіту туралы» 2015 жылғы 23 шілдедегі № 3/461 қаулысына өзгерістер енгізу туралы
Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» және 2016 жылғы 6 сәуірдегі «Құқықтық актілер туралы» заңдарына сәйкес, Алматы қаласының әкімдігі ҚАУЛЫ ЕТЕДІ:
1
1. Алматы қаласы әкімдігінің «Оралман мәртебесін беру немесе ұзарту» мемлекеттік көрсетілетін қызмет регламентін бекіту туралы» 2015 жылғы 23 шілдедегі № 3/461 қаулысына (Нормативтік құқықтық актілерді мемлекеттік тіркеу тізілімінде № 1193 болып тіркелген, 2015 жылғы 20 тамызда «Алматы ақшамы» және «Вечерний Алматы» газеттерінде жарияланған) келесі өзгерістер енгізілсін:
аталған қаулымен бекітілген «Оралман мәртебесін беру немесе ұзарту» мемлекеттік көрсетілетін қызмет регламентіндегі:
3 тармақ келесі редакцияда мазмұндалсын:
«3. Мемлекеттік қызмет көрсету нәтижесі: оралман мәртебесін беру кезінде - оралман куәлігін беру, оралман мәртебесін ұзартқан жағдайда - жергілікті атқарушы органның шешімі.
Мемлекеттік қызмет көрсету нәтижесін беру нысаны: қағаз түрінде.»;
4 тармақ келесі редакцияда мазмұндалсын:
«4. Мемлекеттік көрсетілетін қызметті берушінің Стандарттың 9 немесе 9-1 тармағында көрсетілген құжаттар топтамасын алуы мемлекеттік қызмет көрсету бойынша рәсімді (іс-қимылды) бастау үшін негіз болып табылады.»;
6 тармақтың 3 тармақшасы келесі редакцияда мазмұндалсын:
«3) оралман куәлігін немесе оралман мәртебесін ұзарту туралы шешімді дайындау;»;
10 тармақтың 3 тармақшасы келесі редакцияда мазмұндалсын:
«3) 3 процесс - көрсетілетін қызметті берушінің көрсетілетін қызметті алушының құжаттарын тіркеуі, өңдеуі, мемлекеттік қызмет көрсету бойынша рәсімді жүргізуі және мемлекеттік қызмет көрсету нәтижесін (оралман куәлігін немесе оралман мәртебесін ұзарту туралы шешімді) ресімдеуі;»;
10 тармақтың 4 тармақшасы келесі редакцияда мазмұндалсын:
«4) 4 процесс - көрсетілетін қызметті берушінің Стандарттың 4 тармағында көрсетілген мерзімде тиісті тізіліммен бірге Мемлекеттік корпорацияға мемлекеттік қызмет көрсету нәтижесін (оралман куәлігін немесе оралман мәртебесін ұзарту туралы шешімді) курьерлік қызмет арқылы жолдауы;»;
10 тармақтың 5 тармақшасы келесі редакцияда мазмұндалсын:
«5) 5 процесс - көрсетілетін қызметті алушының Мемлекеттік корпорацияның операторы арқылы мемлекеттік көрсетілетін қызмет нәтижесін (оралман куәлігін немесе оралман мәртебесін ұзарту туралы шешімді) алуы.
Көрсетілетін қызметті алушыға мемлекеттік қызмет көрсету нәтижесін (оралман куәлігін немесе оралман мәртебесін ұзарту туралы шешімді) беру кезінде Мемлекеттік корпорация операторы сканерлеу үшін көрсетілетін қызметті алушыдан штрих-коды бар қолхатты қабылдайды. Сканерлеу жүргізілгеннен кейін Мемлекеттік корпорацияның ақпараттық жүйесінде автоматты түрде іздеу жүргізіледі және көрсетілетін қызметті алушының мемлекеттік қызмет көрсету үшін берген өтінімі тексеріледі.».