Қазақстан Республикасының 2007 жылғы 15 мамырдағы N 251 Еңбек кодексінің 18-бабына және 238-бабының 3-тармағына және "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23 қаңтардағы N 148 Заңының 27-бабына сәйкес облыс әкімдігі ҚАУЛЫ ЕТЕДІ:

1. 2008 жылғы 19 тамыздағы "Ақтөбе" және "Актюбинский вестник" газеттерінің N 98 жарияланған, Ақтөбе облысының әділет департаментінде 2008 жылғы 1 тамызда N 3267 тіркелген "Ауылдық (селолық) жерде жұмыс істейтін мамандардың лауазымдарының тізбесін анықтау туралы" облыс әкімдігінің 2008 жылғы 24 шілдедегі N 258 қаулысына мынадай өзгерістер енгізілсін:
мәдениет мамандары лауазымдарының Тізбесіндегі 4, 5 және 8 тармақтары жаңа редакцияда жазылсын:
4) Бас ғылыми қызметкер, жетекші ғылыми қызметкер, аға ғылыми қызметкер, ғылыми қызметкер, кіші ғылыми қызметкер;
5) Бас қор сақтаушы, аға қор сақтаушы, қор сақтаушы;
8) Жетекші әдіскер, аға әдіскер, әдіскер.
мұрағат мамандарының лауазымдарындағы 1 тармақ мынадай жаңа редакцияда жазылсын:
1) Мемлекеттік мұрағат мекемесінің басшысы;
3 тармақ алынып тасталсын.
білім беру мамандарының лауазымдарындағы 4, 5, 6 және 8 тармақтар мынадай жаңа редакцияда жазылсын:
4) Балалар үйінің, жетім балалар және ата-анасының қамқорлығынсыз қалған балалар мектеп-интернатының, балалар мен жасөспірімдердің панаханасының директоры;
5) Кәсіптік лицейінің (мектеп), колледжінің, балалар үйінің, арнаулы түзеу ұйымының және барлық үлгідегі және түрдегі интернаттық ұйымдарының оқу, оқу-әдістемелік, тәрбие, оқу-өндірістік жұмысы, бейінді оқыту жөніндегі директорының орынбасары;
6) Шығармашылық шеберханасының басшысы (білім беру ұйымдарында);
8) Бастауыш әскери дайындық жөніндегі оқытушы - ұйымдастырушы, басшысы (оқу мекемесіндегі әскери жетекші).