Аудандық мәслихаты ШЕШТІ:

1. "2011-2013 жылдарға арналған аудандық бюджеті туралы" мәслихаттың 2010 жылғы 24 желтоқсандағы № 335 шешіміне (нормативтік құқықтық актілердің мемлекеттік тіркеу Тізілімінде 9-18-127 нөмірімен тіркелген, 2011 жылғы 13 қаңтарда "Шамшырақ" аудандық газетінде жарияланған) мына өзгерістер мен толықтырулар енгізілсін:
көрсетілген шешімнің 1 тармағының 1), 2), 3), 4), 5), 6) тармақшалары жаңа редакцияда жазылсын:
"1) кірістер – 2135748,0 мың теңге, оның ішінде:
салықтық түсімдер бойынша – 1064158,0 мың теңге;
салықтық емес түсімдер бойынша – 3330,0 мың теңге;
негізгі капиталды сатудан түсетін түсімдер бойынша – 2050,0 мың теңге;
трансферттер түсімдері бойынша – 1066210,0 мың теңге;
2) шығындар – 2151028,0 мың теңге;
3) таза бюджеттік кредиттеу – 21568,6 мың теңге, оның ішінде:
бюджеттік кредиттер – 22518,2 мың теңге;
бюджеттік кредиттерді өтеу – 949,6 мың теңге;
4) қаржы активтерімен операциялар бойынша сальдо – 9100,0 мың теңге;
5) бюджет тапшылығы (профициті) – -45948,6 мың теңге;
6) бюджет тапшылығын қаржыландыру (профицитін пайдалану) – 45948,6 мың теңге.";
3, 4 тармақтары алып тасталсын;
көрсетілген шешімнің 5, 5-1 тармақтары жаңа редакцияда жазылсын:
"5. Білім беру объектілерінің құрылысы мен қайта құрылуына 2011 жылға облыстық бюджеттен 31673,0 мың теңге сомасында дамуына нысаналы трансферттер қарастырылғаны ескерілсін.
5-1. 2011 жылға арналған аудандық бюджетте республикалық бюджеттен ағымдағы нысаналы трансферттер сомаларының мынадай көлемдерде түсімдері көзделгені ескерілсін:
эпизоотикаға қарсы іс-шараларды өткізуге 12001,0 мың теңге сомасында;
селолық елді мекендердің әлеуметтік сала мамандарын әлеуметтік қолдау шараларын іске асыру үшін 3481,0 мың теңге сомасында;
мектепке дейінгі білім беру ұйымдарында мемлекеттік білім тапсырысын іске асыруға 46534,0 мың теңге сомасында;
негізгі орта және жалпы орта білім беру мемлекеттік мекемелерінде физика, химия, биология кабинеттерін оқу құралдарымен жарақтандыруға 8194,0 мың теңге сомасында;
бастауыш, негізгі орта және жалпы орта білім беру мемлекеттік мекемелеріндегі лингафондық және мультимедиялық кабинеттерді ашуға 11082,0 мың теңге сомасында;
үйінде оқытылатын мүгедек-балаларды жабдықтармен, бағдарламалық қамтумен қамтамасыз етуге 1014,0 мың теңге сомасында;
қамқоршыларға (асыраушыларға) жетім баланы (жетім балаларды) және ата-анасының қамқорлығынсыз қалған баланы (балаларды) ұстауға ақшалай қаражаттарды ай сайын төлеуге 11491,0 мың теңге сомасында.";
көрсетілген шешім мынадай мазмұндағы 5-6, 5-7, 5-8 тармақтарымен толықтырылсын:
"5-6. 2011 жылға арналған аудандық бюджетінде республикалық бюджеттен мектеп мұғалімдері мен білім берудің мектепке дейінгі мекемелер тәрбиешілеріне 9020,0 мың теңге сомасында біліктілік санаты үшін қосымша төлем көлемдерін ұлғайтуға нысаналы ағымдағы трансферттер сомасы түсімінің көзделгені ескерілсін.
5-7. 2011 жылға арналған аудандық бюджетінде Жұмыспен қамту 2020 бағдарламасы шеңберіндегі іс-шараларды іске асыруға республикалық бюджеттен мынадай көлемдерде нысаналы ағымдағы трансферттер сомасының түсімінің көзделгені ескерілсін:
еңбек ақыны ішінара демеуқаражаттандыруға 4290,0 мың теңге сомасында;
жұмыспен қамту орталықтарын құруға 6417,0 мың теңге сомасында.
5-8. 2011 жылға арналған аудандық бюджетінде облыстық бюджеттен "Қазынашылық-Клиент" жүйесін енгізуге компьютерлік және ұйымдастырушылық техникасын алуға 1750,0 мың теңге сомасында нысаналы ағымдағы трансферттер түсімінің көзделгені ескерілсін.";
көрсетілген шешімнің 6 тармағы жаңа редакцияда жазылсын:
"Ауданның жергілікті атқарушы органының 2011 жылға 0,0 теңге сомасында резерві бекітілсін.";
көрсетілген шешімнің 1, 6 қосымшалары осы шешімнің 1, 2 қосымшаларына сәйкес жаңа редакцияда жазылсын.