Қазақстан Республикасының 2008 жылғы 4 желтоқсандағы Бюджет кодексінің 109 бабына сәйкес аудандық мәслихат ШЕШТІ:

1. "2011–2013 жылдарға арналған аудандық бюджеті туралы" мәслихаттың 2010 жылғы 24 желтоқсандағы № 335 шешіміне (Нормативтік құқықтық актілерді мемлекеттік тіркеу тізілімінде 9-18-127 нөмірімен тіркелген, 2011 жылғы 13 қаңтарда "Шамшырақ" аудандық газетінде жарияланған) мынадай өзгерістер мен толықтыру енгізілсін:
көрсетілген шешімінің 1 тармағы жаңа редакцияда жазылсын:
"1. 2011–2013 жылдарға арналған аудандық бюджеті тиісінше 1, 2 және 3 қосымшаларға сәйкес, оның ішінде 2011 жылға мынадай көлемдерде бекітілсін:
1) кірістер – 2 132 506,8 мың теңге, оның ішінде:
салықтық түсімдер бойынша – 1 062 036,0 мың теңге;
салықтық емес түсімдер бойынша – 6 512,8 мың теңге;
негізгі капиталды сатудан түсетін түсімдер бойынша – 990,0 мың теңге;
трансферттер түсімдері бойынша – 1 062 968,0 мың теңге;
2) шығындар – 2 141 639,8 мың теңге;
3) таза бюджеттік кредиттеу – 21 305,4 мың теңге, оның ішінде:
бюджеттік кредиттер – 22 255,0 мың теңге;
бюджеттік кредиттерді өтеу – 949,6 мың теңге;
4) қаржы активтерімен операциялар бойынша сальдо – 15 247,0 мың теңге;
5) бюджет тапшылығы (профициті) – -45 685,4 мың теңге;
6) бюджет тапшылығын қаржыландыру (профицитті пайдалану) – 45 685,4 мың теңге.";
көрсетілген шешімінің 2-1 тармағы жаңа редакцияда жазылсын:
"2-1. 2011 жылға арналған аудандық бюджетте 4343,2 мың теңге сомасында нысаналы трансферттердің, оның ішінде республикалық бюджеттен бөлінген 4296,2 мың теңге сомасында трансферттердің, облыстық бюджеттен бөлінген 46,9 мың теңге сомасында трансферттердің қайтарылуы қарастырылғаны ескерілсін.";
көрсетілген шешім мына мазмұндағы 2-2 тармағымен толықтырылсын:
"2-2. 2011 жылға арналған аудандық бюджетте жергілікті бюджеттен берілген пайдаланылмаған бюджеттік кредиттердің қайтарылуы 263,2 мың теңге сомасында және облыстық бюджеттен берілген қарыздар бойынша сыйақылар және өзге де төлемдер бойынша жергілікті атқарушы органдардың борышына қызмет көрсету 0,8 мың теңге сомасында қарастырылғаны ескерілсін.";
көрсетілген шешімнің 5-1 тармағы жаңа редакцияда жазылсын:
"5-1. 2011 жылға арналған аудандық бюджетте республикалық бюджеттен мынадай мөлшерде нысаналы ағымдағы трансферттер түсімінің қарастырылғаны ескерілсін:
эпизоотияға қарсы іс-шараларды жүргізуге 12 001,0 мың теңге сомасында;
ауылдық елді мекендердің әлеуметтік сала мамандарын әлеуметтік қолдау шараларын іске асыру үшін 4 599,0 мың теңге сомасында;
мектепке дейінгі білім беру ұйымдарында мемлекеттік білім беру тапсырысын іске асыруға 22 590,0 мың теңге сомасында;
негізгі орта және жалпы орта білім беру мемлекеттік мекемелерінде физика, химия, биология кабинеттерін оқу жабдығымен жарақтандыруға 8 194,0 мың теңге сомасында;
бастауыш, негізгі орта және жалпы орта білім беру мемлекеттік мекемелерінде лингафондық және мультимедиялық кабинеттер құруға 11 082,0 мың теңге сомасында;
үйде оқытылатын мүгедек балаларды жабдықпен, бағдарламалық қамтыммен қамтамасыз етуге 800,0 мың теңге сомасында;
жетім баланы (жетім балаларды) және ата – аналарының қамқорынсыз қалған баланы (балаларды) күтіп ұстауға қорғаншыларына (қамқоршыларына) ай сайынғы ақшалай қаражат төлемдеріне 11 491,0 мың теңге сомасында.";
көрсетілген шешімнің 5-7, 5-8 тармақтары жаңа редакцияда жазылсын:
"5-7. 2011 жылға арналған аудандық бюджетте Жұмыспен қамту 2020 бағдарламасы шеңберіндегі іс–шараларды іске асыруға республикалық бюджеттен мынадай мөлшерде нысаналы ағымды трансферттер сомасының түсімінің қарастырылғаны ескерілсін:
жалақыны ішінара субсидиялауға 4 095,0 мың теңге сомасында;
жұмыспен қамту орталықтарын құруға 6 417,0 мың теңге сомасында.
5-8. 2011 жылға арналған аудандық бюджетте "Қазынашылық - Клиент" жүйесін енгізуге компьютерлік және ұйымдастырушылық техниканы сатып алуға облыстық бюджеттен 1 735, 0 мың теңге сомасында нысаналы ағымды трансферттер сомасының түсімі қарастырылғаны ескерілсін.";
көрсетілген шешімнің 1, 4, 6 қосымшалары, осы шешімнің 1, 2, 3 қосымшаларына сәйкес, жаңа редакцияда жазылсын.