24 желтоқсандағы №198 «Жангелдин
ауданының 2015-2017 жылдарға
арналған аудандық бюджеті туралы»
шешіміне өзгерістер мен толықтырулар
енгізу туралы
Қазақстан Республикасының 2008 жылғы 4 желтоқсандағы Бюджет кодексінің 109-бабына сәйкес Жангелдин аудандық мәслихаты ШЕШІМ ҚАБЫЛДАДЫ:

1. Мәслихаттың 2014 жылғы 24 желтоқсандағы №198 «Жангелдин ауданының 2015 – 2017 жылдарға арналған аудандық бюджеті туралы» шешіміне (Нормативтік құқықтық актілерді мемлекеттік тіркеу тізілімінде №5270 тіркелген, 2015 жылғы 13 қаңтарда «Біздің Торғай» газетінде жарияланған) мынадай өзгерістер мен толықтырулар енгізілсін:
көрсетілген шешімнің 1-тармағы жаңа редакцияда жазылсын:
«1. Жангелдин ауданының 2015-2017 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2015 жылға мынадай көлемдерде бекітілсін:
1) кірістер – 1 799 823,0 мың теңге, оның ішінде:
салықтық түсімдер бойынша – 157 441,0 мың теңге;
салықтық емес түсімдер бойынша– 3601,0 мың теңге;
негізгі капиталды сатудан түсетін түсімдер бойынша-5100,0 мың теңге;
трансферттердің түсімдері бойынша –1 633 681,0 мың теңге;
2) шығындар – 1 799 837,2 мың теңге;
3) таза бюджеттік кредиттеу – 6930,0 мың теңге, оның ішінде:
бюджеттік кредиттер-8919,0 мың теңге;
бюджеттік кредиттерді өтеу- 1989,0 мың теңге;
4) қаржы активтерімен операциялар бойынша сальдо – 0,0 теңге;
5) бюджет тапшылығы (профициті) – - 6944,2 мың теңге;
6) бюджет тапшылығын қаржыландыру (профицитін пайдалану) – 6944,2 мың теңге.»;
көрсетілген шешімнің 2-тармағында:
1), 2), 6) және 7) тармақшалар жаңа редакцияда жазылсын:
«1) мектепке дейінгі білім беру ұйымдарында мемлекеттік білім беру тапсырысын іске асыруға-24383,0 мың теңге сомасында;
2) үш деңгейлі жүйе бойынша біліктілікті арттырудан өткен мұғалімдерге төленетін еңбекақыны арттыруға -23191,0 мың теңге сомасында;
6) Ұлы Отан соғысындағы Жеңістің жетпіс жылдығына арналған іс-шараларды өткізуге – 2980,0 мың теңге сомасында;
7) мемлекеттік мекемелердің мемлекеттік қызметшілер болып табылмайтын жұмыскерлерінің, сондай-ақ жергілікті бюджеттерден қаржыландырылатын мемлекеттік қазыналық кәсіпорындар жұмыскерлерінің лауазымдық айлықақыларына ерекше еңбек жағдайлары үшін ай сайынғы үстемеақы төлеуге– 75 264,0 мың теңге;»;
8) тармақша алып тасталсын;
мынадай мазмұндағы 9) тармақшамен толықтырылсын:
«9) жергілікті атқарушы органдардың агроөнеркәсіптік кешен бөлімшелерін ұстауға -2977,0 мың теңге сомасында.»;
көрсетілген шешім мынадай мазмұндағы 2-1-тармақпен толықтырылсын:
«2-1. 2015 жылға арналған аудандық бюджетте республикалық бюджеттен нысаналы даму трансферт түсімінің мынадай мөлшерде қарастырылғаны ескерілсін:
Жангелдин ауданының Саға ауылын сумен жабдықтау құрылысына - 20700,0 мың теңге сомасында бекітілсін.»;
көрсетілген шешімнің 3-тармағында:
3) тармақша жаңа редакцияда жазылсын:
«3) балалар мен жасөспірімдерге спорт бойынша қосымша білім беруге – 23278,0 мың теңге сомасында;»;
мынадай мазмұндағы 5) тармақшамен толықтырылсын:
«5) электрондық оқыту жүйесіндегі бағдарлама шеңберінде кең жолақты Интернетке төлеу – 9108,0 мың теңге сомасында.»;
көрсетілген шешімнің 1-қосымшасы осы шешімнің қосымшасына сәйкес жаңа редакцияда жазылсын.

КЕЛІСІЛДІ
“Жангелдин ауданының экономика
және бюджеттік жоспарлау бөлімі”
мемлекеттік мекемесінің басшысы
_______________________Е.Биржикенов
2015 жылғы «20» наурыз