Жітіқара ауданы әкімдігінің қаулысын қарап, Қазақстан Республикасы Бюджеттiк кодексiнiң 109-бабына және Қазақстан Республикасы "Қазақстан Республикасындағы жергілікті мемлекеттік басқару туралы" Заңының 6-бабы 1-тармағы 1) тармақшасына сәйкес, Жітіқара аудандық мәслихаты ШЕШТІ:

1. "2009 жылға арналған Жітіқара ауданының бюджеті туралы" 2008 жылғы 25 желтоқсандағы № 127 (нормативтік құқықтық актілердің мемлекеттік тіркеу Тізілімінде 9-10-105 нөмірімен тіркелген, 2009 жылғы 16 қаңтарда "Житикаринские новости" газетінде жарияланған) мәслихат шешіміне мынадай өзгерістер мен толықтырулар енгізілсін:
көрсетілген шешімнің 1-тармағы жаңа редакцияда жазылсын:
"1. 2009 жылға арналған аудандық бюджет 1-қосымшаға сәйкес мынадай көлемде бекітілсін:
1. кірістер – 2 013 883 мың теңге, оның ішінде:
салықтық түсімдер бойынша – 1 022 681 мың теңге;
салықтық емес түсімдер бойынша – 2 185 мың теңге;
негізгі капиталды сатудан түсетін түсімдер бойынша – 1 000 мың теңге;
алынған трансферттер бойынша – 988 017 мың теңге, оның ішінде нысаналы ағымдағы трансферттер – 111 713 мың теңге, дамытуға арналған нысаналы трансферттер – 168 584 мың теңге, субвенциялар – 707 720 мың теңге;
1) шығындар – 2 013 904,2 мың теңге;
2) бюджет тапшылығы – 21,2 мың теңге;
3) бюджет тапшылығын қаржыландыру – 21,2 мың теңге, оның iшiнде бюджет қаражатының бос қалдықтары есебiнен – 21,2 мың теңге";
көрсетілген шешімнің 2 тармағы мынадай мазмұндағы 6), 7), 8), 9), 10), 11), 12), 13 тармақшалармен толықтырылсын:
"6) 102 784 мың теңге – Қостанай облысы Жітіқара ауданы Мүктікөл және Волгоградский селоларының Волгоградский топтық су құбырының жаңартылуына;
7) 15 000 мың теңге – Қостанай облысы Жітіқара ауданының аудандық орталығын сумен жабдықтау үшін жер асты суларының Шортанды кен орнынан суақының құрылысы үшін;
8) 5 055 мың теңге – мемлекеттік атаулы әлеуметтік көмекті төлеуге;
9) 10 289 мың теңге - табысы аз отбасылардағы 18 жасқа дейінгі балаларға мемлекеттік жәрдемақыларды төлеуге;
10) 16 387 мың теңге - негізгі орта және жалпы орта білім беретін мемлекеттік мекемелердегі физика, химия, биология кабинеттерін оқу жабдығымен жарақтандыруға;
11) 22 164 мың теңге - бастауыш, негізгі орта және жалпы орта білім беретін мемлекеттік мекемелерде лингафондық және мультимедиалық кабинеттер құруға;
12) 19 072 мың теңге - білім беру мемлекеттік жүйесінде жаңа оқыту технологияларды енгізуге;
13) 2 139 мың теңге - ауылдық елді мекендер саласының мамандарын әлеуметтік қолдау шараларын іске асыруға";
көрсетілген шешімнің 1 және 2 қосымшалары осы шешімнің 1 және 2 қосымшаларына сәйкес жаңа редакцияда жазылсын.